💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

പരിചയപ്പെട്ടിട്ട് കുറച്ച് നാളെ ആയിട്ടുള്ളൂ എങ്കിലും അവള് ചേട്ടായീ എന്ന് വിളിച്ചോണ്ട് വരുമ്പോ ആരോരുമില്ലാത്ത എനിക്ക് സ്വന്തമായിട്ട് ഒരു കുഞ്ഞ് പെങ്ങളുള്ള ഫീലാ ഉണ്ടായിട്ടുള്ളത് . ആ എന്റെ പെങ്ങളെ തൊട്ടവനെ ഞാൻ വെറുതെ വിടണോ …. കോളേജിലിട്ട് തന്നെ പണി കൊടുത്തു … അവളോട് മോശമായിട്ട് പെരുമാറിയതിനും പിന്നെ മുൻപ് ഞാൻ മനസ്സിൽ കുറിച്ചിട്ടതും എല്ലാം കൂടെ കണക്ക് ചേർത്ത് കൊടുത്തു , അതും നാലഞ്ച് മാസം എണീറ്റ് നടക്കാൻ പോലും പറ്റാത്ത വിധത്തിൽ …. മോനെ തൊട്ടതും അവന്റെ അപ്പൻ ഇടപെട്ടു , കേസും പുകിലുമൊക്കെ അവുമെന്ന അവസ്ഥ വന്നപ്പോ ഫാദറുമിടപെട്ടു . അവസാനം എനിക്ക് റ്റി സി തരുമെന്നായി , എന്നാപ്പിന്നെ കയ്യിലേയ്ക്ക് തരുന്നതിന് മുൻപ് ചോദിച്ച് മേടിച്ച് ഇഷ്ടമുള്ളയിടത്ത് പോയി അഡ്മിഷൻ എടുക്കാൻ ഫാദറ് പറഞ്ഞു . അപ്പോഴാ നിന്റെ കാര്യം ഓർത്തത് പിന്നെ നേരെ ഇങ്ങ് വച്ച് പിടിച്ചു . ഫാദറിന്റെ പരിചയം വച്ച് ഇവിടെ ഈസിയായി അഡ്മിഷനും കിട്ടി … ”

ഞാനൊരു പുഞ്ചിരിയോടെ അവനോട് പറഞ്ഞു …

” ഹോ …. എത്ര ഈസിയായ ഫ്ളാഷ് ബാക്ക് പറഞ്ഞത് . അപ്പൊ അതാണ് നീ ഇവിടെ എത്താനുള്ള കാരണം …. പിന്നെ അജൂ എനിക്കും ഇതു പോലെ ഒരു പടം വരച്ച് തരുമോ …. ? ”

അജു ആകാംഷയോടെ ചോദിച്ചു …

” പിന്നെ എന്താ നിന്റെ എത്ര പടം വേണമെങ്കിലും വരച്ച് തരാം …. അല്ല ഈ ബുക്കിലുണ്ടല്ലോ നിന്റെ പഴയ ഫെയ്സ് …”

” അല്ല അതല്ല , ഞാൻ മാത്രമല്ല ഞാനും ദേവുവും കൂടെ ഉള്ള ഒരു ഫോട്ടോ …. ”

യദു നാണം കലർന്ന സ്വരത്തിൽ പറഞ്ഞു ….