💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

ആന്റിയാണ് അത് ചോദിച്ചത് അത് കേട്ടതും എന്റെ മുഖം മങ്ങി , ഉത്തരം നൽകാനാകാതെ നിലത്തേയ്ക്ക് നോക്കി നിൽക്കാനെ എനിക്കായുള്ളൂ …..

” ആന്റി …. അത് , അജു ഓർഫനാ …. ഒരു ഓർഫനേജിലാ അവൻ വളർന്നതും പഠിച്ചതുമൊക്കെ , അതാ അവന്റെ വീടും ലോകവുമൊക്കെ ….. ”

യദുവാണ് മറുപടി പറഞ്ഞത് …..

” സോറി മോനെ , ഞങ്ങൾ അറിഞ്ഞില്ല …. ”

വാത്സല്യം തുളുമ്പുന്ന ശബ്ദത്തിൽ ആന്റി പറഞ്ഞു .

” അത് സാരമില്ല ആന്റി എനിക്കിത് ശീലമായി … ”

ഞാൻ മറുപടി പറഞ്ഞു …..

” വന്നതല്ലേ ഉള്ളൂ …. നിങ്ങള് റൂമിലേയ്ക്ക് പൊയ്ക്കോ …. ? ബാക്കിയൊക്കെ നമുക്ക് വഴിയെ സംസാരിക്കാം … ”

എന്നെ കൂടുതൽ മൂഡോഫാക്കണ്ട എന്ന് തോന്നിയാകാം അങ്കിൾ ഉടനെ പറഞ്ഞു ….
ഞാനും യദുവും വീടിന് പുറത്തേക്കിറങ്ങി .

” സോറി അജൂ …. നിന്നെ അകത്തേയ്ക്ക് വിളിക്കുന്നതിന് മുൻപ് നിന്നെപ്പറ്റി അവരോടെല്ലാം പറയേണ്ടതായിരുന്നു ഞാനത് വിട്ട് പോയി …. നിനക്ക് വിഷമമായോ ….? ”

യദു എന്റെ തോളിലുടെ കയ്യിട്ടു കൊണ്ട് ചോദിച്ചു …

” എന്ത് വിഷമം …. എനിക്കിതൊക്കെ ശീലമായ കാര്യമല്ലേ …. അവർ എന്നെ പറ്റി വെറുതെ തിരക്കിയതല്ലേ അതിലെന്ത് വിഷമിക്കാൻ . ഇതിനെക്കാൾ എത്രയോ കുറ്റപ്പെടുത്തലും കളിയാക്കലും ഞാൻ കേട്ടിരിക്കുന്നു …. ”