💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

ചെയറിൽ ഇരുന്ന അഹാനയോട് ഞാനൽപം ദേഷ്യം കലർന്ന സ്വരത്തിൽ തന്നെ മറുപടി പറഞ്ഞു . എന്റെ മറുപടി കേട്ടതും അവൾ ചെയറിൽ നിന്ന് ചാടി എണീറ്റു …. ദേഷ്യം കൊണ്ട് അവളുടെ മുഖം ചുവക്കുന്നത് ഞാൻ കണ്ടു . എന്നെ ദഹിപ്പിക്കുന്ന രീതിയിലായിരുന്നു അവളുടെ നോട്ടം ….

” ഐ വിൽ ഷോ യു , ഹു ഐ അം . ”

ദേഷ്യത്തോടെ എന്റെ നേർക്ക് വിരൽ ചൂണ്ടിക്കൊണ്ട് പറഞ്ഞ ശേഷം അവൾ വേഗത്തിൽ അവിടെ നിന്ന് തിരികെ പോയി …
പിന്നാലെ ദേവികയും ….

” നീ എന്താടാ ഈ കാണിച്ചേ ….. ? ”

യദു ഉടനെ എന്നോട് ചോദിച്ചു .
ഞാൻ ഒന്നുമില്ല എന്ന അർത്ഥത്തിൽ ഒരു പുഞ്ചിരിയോടെ കണ്ണുകളടച്ച് കാണിച്ചു ….

” നിനക്കും അവൾക്കും ഒരേ അസുഖമാ , മുഴുവട്ട് .. ”

യദു അതും പറഞ്ഞ് കൈ കഴുകാനായി എണീറ്റ് പോയി . അവന്റെ മറുപടി കേട്ട് എനിക്ക് ചിരിയാണ് വന്നത് .

ക്ലാസ്സ് റൂമിന്റെ പുറത്ത് തന്നെ കൈവരിയിൽ ചാരി ക്ലാസ്സിലെ പയ്യന്മാർ സംസാരിച്ച് നിൽക്കുന്നുണ്ട് …. ഞാനവരെ പരിചയപ്പെട്ടു . രാഹുൽ , അജ്മൽ , ആസിഫ് , അരുൺ , അഖിൽ അങ്ങനെ കുറച്ച് പുതിയ ഫ്രണ്ട്സിനെ കൂടി കിട്ടി .

അവരുമായി ഓരോന്ന് സംസാരിച്ച് നിന്ന് ബല്ലടിച്ചതും ഞങ്ങൾ ക്ലാസ്സിലേയ്ക്ക് കയറി . അൽപ്പം കഴിഞ്ഞതും അഹാനയും ദേവികയും ക്ലാസ്സിലേയ്ക്ക് കയറി വരുന്നത് കണ്ടു . അഹാനയുടെ മുഖത്ത് ഇപ്പോഴും ദേഷ്യഭാവമാണ് , ക്ലാസ്സിലേയ്ക്ക് കയറിയതും ആരുടെയും മുഖത്ത് നോക്കാതെ അവൾ നേരെ പോയി സീറ്റിൽ ഇരിക്കുന്നതാണ് ഞാൻ കണ്ടത് .