💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

കയ്യും മുഖവുമൊക്കെ കഴുകി നേരെ ക്യാഷ് കൗണ്ടറിൽ പോയി ഫുഡിന്റെ പൈസയും കൊടുത്ത ശേഷം ഞാൻ യദുവിനെ നോക്കി . അവൻ അവിടെ തന്നെ ഇരിക്കുകയാണ് , തൊട്ടടുത്ത ചെയറുകളിലിരിക്കുന്ന അവരുമായി തകർത്ത സംസാരത്തിലാണവൻ . ഞാൻ നേരെ അവന്റെ അടുത്തേയ്ക്ക് നടന്നു ….

” യദു ….. കഴിച്ച് കഴിഞ്ഞെങ്കിൽ വാടാ ….. ”

ഞാനവനോട് പറഞ്ഞു …..

” ദാ വരുന്നു , എടാ അഹാനയ്ക്ക് നിന്നോട് എന്തോ പറയാനുണ്ടെന്ന് ….. ”

അവനത് പറഞ്ഞതും ഞാനവളുടെ മുഖത്തേയ്ക്ക് നോക്കി ….

” ഇന്നലെ ആള് മാറി തല്ലിയതാ , സോറി …. ”

ഒരു തരം അഹങ്കാരം നിറഞ്ഞ രീതിയിലായിരുന്നു അവളുടെ ആ വാക്കുകൾ . അത് കേട്ടതും സത്യത്തിൽ എനിക്ക് ദേഷ്യമാണ് വന്നത് ….

” താൻ ആള് മാറിയാ എന്നെ തല്ലിയതെന്ന് എനിക്കിന്നലെ തന്നെ മനസ്സിലായി , ഒരു പെണ്ണിന്റെ കയ്യിൽ നിന്ന് അടിവാങ്ങാനുള്ള കുരുത്തക്കേടൊന്നും ഞാൻ ചെയ്തിട്ടില്ല …. പിന്നെ താൻ ഇപ്പോൾ പറഞ്ഞ സോറി അത് താൻ വേണമെന്ന് വച്ച് പറഞ്ഞതല്ല എന്ന് തന്റെ സംസാര ശൈലിയിൽ നിന്ന് തന്നെ എനിക്ക് വ്യക്തമായി . താൻ ചെയ്തത് തെറ്റ് തന്നെയാ …. ഒരാളെ എടുത്ത് ചാടി തല്ലുന്നതിന് മുൻപ് അതയാളാണോ എന്ന് ഉറപ്പ് വരുത്തണം . ഒരു തെറ്റ് ചെയ്തിട്ട് ഇങ്ങനെയാണോ ഒരാളോട് സോറി പറയുന്നേ …. താൻ എന്ന് മാന്യമായ രീതിയിൽ സോറി പറയുന്നോ അന്നേ ഞാനിന്നലെ നടന്ന കാര്യം മനസ്സിൽ നിന്ന് കളയൂ ….. ”