✮കൽക്കി࿐ (ഭാഗം – 28) വിച്ചു [ചെകുത്താനെ സ്നേഹിച്ച മാലാഖ ] 692

” ദേവാ …. എണീക്കെടാ …. ദേവാ ……
അരാ ? പറയീൻ ടാ ആരാ …. ആരാ ഇത് ചെയ്തേ …..? ”

ദേഷ്യം കത്തി ജ്വലിക്കുന്ന രക്തവർണ്ണമാർന്ന നിറകണ്ണുകളോടെ ജഗന്നാഥ് ഉറക്കെ ചോദിച്ചു …..

ഉടനെ തന്നെ അവന്റെ കൂടെ വന്നവരിൽ ചിലർ അടി കൊണ്ട് അവശനായി നിലത്ത് വീണ് കിടന്ന ഒരുത്തന്നെ വലിച്ചിഴച്ച് ജഗദേവന്റെ മുന്നിലേയ്ക്ക് കൊണ്ടിട്ടു .

” പറയെടാ ആരാ എന്റെ ദേവനെ ? ”

” അ …. അത് … അണ്ണാ ….. ആ …. മുഖം മറയ്ച്ചവനാ ഇത് …. ഇത് ചെയ്തത് ….. നമ്മുടെ ആൾക്കാർ ആ ….. ആ പെണ്ണിനെ കണ്ടുപിടിച്ചു , അതറിഞ്ഞ് ക്ഷേത്രത്തിന്റെ വടക്ക് ഭാഗത്ത് നിന്ന ഞാനും മറ്റ് …… രണ്ട് പേരും ഓടി ഇവിടെ എത്തിയപ്പോഴേയ്ക്കും ഒരു പിച്ചക്കാരൻ തെണ്ടിയെ അർഷിത് കുത്താൻ തുനിയുന്നതാ ഞങ്ങൾ കണ്ടത് . പക്ഷെ ….. അപ്പോഴേയ്ക്കും അവനെത്തി ആ മുഖം മറയ്ച്ചവൻ . അവളെ …. അവളെ ഇവിടെ നിന്ന് പൊക്കാൻ നോക്കിയതിന് പിന്നാലെയാ ഇതൊക്കെ ഉണ്ടായത് …. അവളെ നേരിൽ കണ്ടവരെയൊക്കെ അവൻ തീർത്തു …. ബാക്കി ജീവനോടെ ഞാനും വേറെ …. ”

അത്രയും പറഞ്ഞപ്പോഴേയ്ക്കും അവൻ ബോധമറ്റ് നിലത്തേയ്ക്ക് കുഴഞ്ഞ് വീണു . ….

” ടാ …….. എനിക്ക് …. എനിക്ക് വേണമവനെ …. എന്റെ ദേവനെ കൊന്ന അവനെ എനിക്ക് എന്റെ കൈ കൊണ്ട് ഈ നാട്ടുകാരുടെ മുന്നിലിട്ട് തന്നെ തീർക്കണം …. വേണ്ടപ്പെട്ടവരെ നഷ്ടപ്പെടുമ്പോഴുള്ള വേദന അവനും അറിയണം ….. കണ്ടുപിടിക്ക് അവനെ പിന്നെ അവളെയും …. ”

ജഗന്നാഥ് ദേഷ്യത്തോടെ അലറി …..