ഹൃദയരാഗം 18 [Achu Siva] 753

അവൾ അമ്മേ എന്ന് വിളിച്ചു കൊണ്ടു അകത്തേക്ക് കയറി …മഴയിൽ ചെറുതായി നനഞ്ഞു നിൽക്കുന്ന അവളുടെ അടുത്തേക്ക്  ശാരദാമ്മ ഇറങ്ങി വന്നു . 

എന്താ കുട്ടി ഇത് ആകെ നനഞ്ഞല്ലോ …കുട എടുത്തില്ലേ ഇന്ന്? …നിക്ക് ഞാൻ തോർത്ത്‌ എടുത്തിട്ട് വരാം …അവർ അകത്തേക്കു പോയി …

ആ മൊശകോടന്റെ കൂടെ തിരികെ വരാമെന്നല്ലേ ഓർത്തത് .. അതോണ്ട് കൂടേം വടീം ഒന്നും എടുത്തില്ല …ഇങ്ങനെ ചെയ്യുമെന്ന് ആരു അറിഞ്ഞു  …അവൾ ഷാൾ ഇട്ട് തല ഒക്കെ തുടച്ചു കൊണ്ടു പറഞ്ഞു …

അവർ തോർത്ത്‌ കൊണ്ടു വന്നു വാസുകിയുടെ തല നന്നായി തോർത്തി കൊടുത്തു ….അവൾക്ക് അവളുടെ അമ്മയെ ഓർമ വന്നു …. മുന്നിൽ നിൽക്കുന്നത്  തന്റെ അമ്മ തന്നെ അല്ലേ എന്ന് അവൾ ഒരു നിമിഷം ചിന്തിച്ചു  ..അവളുടെ കണ്ണുകളിൽ നനവ് പടർന്നു …

“ആ മോളെ ,ഏതായാലും നനഞ്ഞു …പെട്ടന്ന് പോയി കുളിച്ചോളു …വെറുതെ പനി പിടിപ്പിക്കണ്ട …ഇപ്പോ തന്നെ ക്ലാസ്സ്‌ കുറെ പോയതല്ലേ” …അവർ ഒരു അമ്മയുടെ വാത്സല്യത്തോടെ പറഞ്ഞു …

ശെരി എന്റെ അമ്മ കുട്ടി …ഇപ്പോ തന്നെ കുളിച്ചേക്കാം …അവൾ മുകളിലേക്കു കയറി പോകാൻ തുടങ്ങി …

ആ വാസുകി മോളെ ,ചൂട് വെള്ളത്തിൽ കുളിച്ചാൽ മതി പുറത്ത് നല്ല തണുപ്പുണ്ട് …