നിയോഗം 2 Dark World Part V (മാലാഖയുടെ കാമുകൻ) 1510

“പേടി പോയോ?”

“ആം.. എന്നാലും വിശ്വസിക്കാൻ ആകുന്നില്ല.. ഒരു സിനിമ പോലെ.. അവളെ കൊന്നത് ആരാ..? അല്ലെങ്കിൽ ഇപ്പോൾ എന്റെ ശവമടക്ക് കഴിഞ്ഞിട്ടുണ്ടാകും അല്ലെ??”

അത് കേട്ടപ്പോൾ നെഞ്ചിലൂടെ ഒരു കൊള്ളിമീൻ പാഞ്ഞു.. സത്യം ആണ്…

“അത്.. ഒരു ഫ്രണ്ട് ആണ്…ഇനി ആരും നിങ്ങളെ തൊടില്ല… “

മീനു എന്നെ സംശയത്തിൽ നോക്കി.. ഉടനെ ഡോർ ബെൽ കേട്ടു..

ഹോളിലൂടെ നോക്കിയപ്പോൾ മെറിൻ ആണ്.. വാതിൽ തുറന്നു..

“എസിപി നേരത്തെ വന്നോ…?”

അവളുടെ മുഖത്ത് പതിവ് ചിരി ഇല്ല.. അവൾ എന്റെ താടിയിൽ ഒന്ന് പിടിച്ചു കുലുക്കി അകത്തു കയറി ഇരുന്നു.. നീല ഷർട്ട് ആണ് വേഷം..

“ഡാ.. ആ കേസ്.. അന്നത്തെ പോലെ ആണ്…അവരെ കൊന്നത് അവരുടെ ക്വീൻ ആണ്. പക്ഷെ തെളിവ് ഇല്ല.. ഒന്നും ഇല്ല.. അവൾക്ക് രൂപം മാറാൻ കഴിയും..”

മെറിൻ നിരാശയോടെ ആണ് പറഞ്ഞത്.

“ഓ.. ഇന്ന് പോയ കേസ്? അതെ…വേറെ ഒരാൾ ഉണ്ട്… അവൾ മീനുവിന്റെ രൂപത്തിൽ എന്റെ അടുത്ത് വന്നിരുന്നു…അവളെ പേടിക്കണം എന്ന് പറഞ്ഞു…”

ഞാൻ അവളുടെ ഓപ്പോസിറ്റ്‌ ഇരുന്നു..

“വാട്ട്??? ആർ യു കിഡിങ്?”

അവൾ ചാടി എണീറ്റു എന്നെ നോക്കി..

“നോ.. പക്ഷെ.. അന്ന് അവളുടെ നെഞ്ച് തുളച്ചു ഒരാൾ ഒരു അമ്പ് എയ്തു.. എന്നിട്ടും അവൾ അത് വളരെ ഈസി ആയി ഊരി എടുത്തു.. പിന്നെ എന്നെ തട്ടിമാറ്റി ഓടി പോയി…”

“നീ എന്നെ കളിപ്പിക്കാൻ പറയുകയാണോ?”

അവൾക്ക് അത് വിശ്വാസം ആയില്ല..

“മൂന്ന് കൃതരിൻ പെണ്ണുങ്ങളെ ഹെഡ്ഷോട്ട് അടിച്ചു കൊന്ന എസിപി തന്നെ ഇത് പറയണം….”

ഞാൻ അല്പം പുച്ഛ ഭാവത്തിൽ പറഞ്ഞു.. അവൾ എന്തോ ആലോചിച്ചു..

“വാ എന്റെ ഒപ്പം…”

അവൾ എന്റെ കൈ പിടിച്ചു ഡോർ തുറന്നു പുറത്തേക്ക് വന്നു ബി23യിൽ മുട്ടി. ലിസ വന്നു വാതിൽ തുറന്നു..

മെറിൻ എന്നെയും കൊണ്ട് അകത്തു കയറി വാതിൽ അടച്ചു..

“ലിസ.. നമ്മൾ വിചാരിച്ച പോലെ അല്ല.. അവൾ റോഷന്റെ അടുത്ത് വന്നിരുന്നു.. അതും മീനുവിന്റെ രൂപത്തിൽ..”

മെറിൻ അവളോട് പറഞ്ഞു.

“വാട്ട് ദി ഫക്ക്… വാട്ട്സ് ഗോയിങ് ഓൺ?”

അവൾ വാ പൊളിച്ചു എന്നെ നോക്കി… എനിക്ക് ഒന്നും മനസ്സിൽ ആയില്ല.

ഞങ്ങൾ ചുറ്റിനും ഇരുന്നു… ഞാൻ അന്ന് സംഭവിച്ച കാര്യം മുഴുവൻ ഇവരോട് പറഞ്ഞു..

“അപ്പോൾ.. അന്ന് ആ അമ്പ് എയ്തവൾ ആണോ ഇന്നലെ വന്നത്? “

ലിസ ചോദിച്ചു..

“അല്ല.. അത് വേറെ ഒരാൾ ആണ്…. ഇവർ ഒക്കെ അങ്ങോട്ടും ഇങ്ങോട്ടും ശത്രുക്കൾ ഒക്കെ ആണ്..

നമ്മൾ മനുഷ്യരെ പോലെ തന്നെ.. എന്നാൽ അവൾക്ക് എന്നെ കൊണ്ട് എന്തോ ആവശ്യം ഉണ്ട്.. അതാണ് അവൾ അന്ന് വന്നത്…ഐ മീൻ ഈ ക്വീൻ എന്ന് പറയുന്ന ആൾ…”

ലിസ എന്തോ ആലോചിച്ചു മെറിനെ നോക്കി..

“നിനക്ക് മനസിലാകില്ല ലിസ… ടൈം എടുക്കും.. എനിക്കും ഇതുപോലെ ഒക്കെ തന്നെ ആയിരുന്നു..

പക്ഷെ.. ഇതൊന്നും പുറത്തു പറയാൻ പറ്റില്ല.. പറഞ്ഞിട്ടും കാര്യം ഇല്ല… എന്ത് തെളിവ്? തെളിവുകൾ ചിലർ മായിച്ചു കളയുന്നതാണ്…”

“മീനു..? അവളെ ഒന്ന് വിളിക്കു റോഷൻ…”