നിയോഗം 2 Dark World Part V (മാലാഖയുടെ കാമുകൻ) 1496

പട്ടികളുടെ അടക്കം.. അവരെ കാണാൻ ഉയർന്ന ഓഫീസർമാരും ഫോറൻസിക് ഉദ്യോഗസ്ഥരും കാത്തു നിന്നിരുന്നു..

മെറിൻ മുൻപിൽ ചെന്നു..

“സർ.. കൊച്ചി എസിപി മെറിൻ തോമസ്, ആൻഡ് സ്പെഷ്യൽ ഇൻവെസ്റ്റിഗേഷൻ ഓഫീസർ മൊണാലിസ എഡ്‌വേഡ്‌… “

അവരുടെ ഒപ്പം ചെന്ന അറുമുഖം അവരെ ഓഫീസർ ഷേണായ്‌ക്ക്‌ പരിചയപ്പെടുത്തി..

“ഹലോ.. വെൽക്കം.. മെറിൻ തോമസ്.. ലയണസ് ഓഫ് കേരളാ പോലീസ്.. സൊ ഗ്ലാഡ് ടു ഫൈനലി മീറ്റ് യു… ആൻഡ് യു ലിസ… തായ് ബോക്സിങ് ചാമ്പ്യൻ ഓഫ് ഇന്ത്യൻ പോലീസ് സർവീസ്…. പ്ളീസ് കം….”

അത് കേട്ടപ്പോൾ അവർ ചിരിച്ചു അയാൾക്ക് കൈ കൊടുത്തു..

ഷോണാ അവരെ അകത്തേക്ക് കൊണ്ട് പോയി..

വളരെ വിശാലം ആയ ഒരു പാർക്ക് പോലെ ഉദ്യാനം.. ആരു വന്നാലും കൊല്ലാൻ വേണ്ടി മുകളിൽ ഉയർന്ന വാച്ച് ടവറുകൾ..

നിലത്തു വീണു കിടക്കുന്ന ഹാൻഡ് ഗൺ മുതൽ എംജിഎം വരെ ഉണ്ട് കൂട്ടത്തിൽ..
ലക്ഷ്യം തെറ്റിയ ഗൺ ഷോട്ടുകൾ പൂക്കളെയും കൊച്ചു മരങ്ങളെയും അരച്ചു കളഞ്ഞിരിക്കുന്നു..

ബോഡി കിടന്ന സ്ഥലങ്ങൾ ലിസ നോക്കി.. മെറിനും ചുറ്റും നോക്കി..

“മാം.. കൊന്ന രീതി വച്ച് നോക്കുമ്പോൾ….”

ഒരു ഫോറൻസിക് ഉദ്യോഗസ്ഥൻ ആണ്..

“വച്ച് നോക്കുമ്പോൾ?”

മെറിൻ അങ്ങോട്ട് തിരിഞ്ഞു….

“ഇതൊന്നും ഒരു മനുഷ്യനെ കൊണ്ട് നടക്കില്ല.. ഒരിക്കലും നടക്കില്ല..
ചുറ്റിനും വരുന്ന ഗൺ ഷോട്ടിൽ നിന്ന് രക്ഷപ്പെട്ടാലും അവരെ ഇങ്ങനെ കൊല്ലാൻ കഴിയില്ല…
കൂടാതെ ഈ വേട്ടനായ്ക്കൾ.. അവരെ ഒന്നും നേരിട്ട് കൊല്ലാൻ അതും ഒരു ആയുധം മാത്രം ഉപയോഗിച്ചു.. നടക്കില്ല മാം… ഒരിക്കലും നടക്കില്ല…”

അയാൾ തീർത്തു പറഞ്ഞു..

“എന്ത് ആയുധം? “

ലിസ ആണ് ചോദിച്ചത്..

“അൺനോൺ മാം… ഒരു കൊമ്പ് പോലെ.. ഏതോ മൃഗം പോലെ… സംതിങ് ടെറിബിൾ ഹാപ്പെൻഡ് ഹിയർ… പലരുടെയും ഹൃദയം ചിതറിച്ചു കൊണ്ടാണ് ആ കൊമ്പ് പോലെ ഉള്ള ആയുധം കയറിയത്.. കൂടാതെ പട്ടികളെ കൊന്നത് ഓടിച്ചു പിടിച്ചു കഴുത്തു ഞെരിച്ചാണ്.. പക്ഷെ….”

“പക്ഷെ??”

“പട്ടികൾ ഓടിയിട്ടുണ്ട്.. പക്ഷെ പുറകെ ആരും ഓടിയിട്ടില്ല.. അതായതു മുകളിൽ കൂടി വന്നു പിടിച്ചത് പോലെ….”

“മ്മ്മ് വാട്ട് യു മീൻ?”

ലിസ അതിശയത്തോടെ ചോദിച്ചു.

“അതായത് മാം.. വന്നത് മനുഷ്യൻ ആണോ മൃഗം ആണോ എന്ന് എനിക്ക് അറിയില്ല.. പക്ഷെ അതിന് പറക്കാൻ കഴിയും….”

അത് കേട്ടപ്പോൾ ലിസയും മെറിനും കണ്ണിൽ കണ്ണിൽ നോക്കി.. അല്പം പരിഭ്രമത്തോടെ..

“സെക്യൂരിറ്റി ക്യാമെറകൾ ഒക്കെ ബ്ലുർ ആയിപോയി.. കൂടാതെ ഇവിടെ കരച്ചിലും ഏതോ ജീവിയുടെ ചീറ്റലും കേട്ട രണ്ടു പിള്ളേർ കണ്ടത് ഒരു കറുത്ത ലംബോർഗിനിയും അതിലേക്ക് വന്നു കയറുന്ന ഒരു പെണ്ണിനേയും ആണ്.. അവർ പറഞ്ഞത് അതൊരു മദാമ്മ ആയിരുന്നു എന്ന്….”

അത് കേട്ടപ്പോൾ ലിസ മെറിനെ നോക്കി.. അന്ന് സഞ്ജന പറഞ്ഞതും മീനു പറഞ്ഞതും മദാമ്മ പോലെ ഒരു പെണ്ണിനെ ആണ്..