നിയോഗം 2 Dark World Part V (മാലാഖയുടെ കാമുകൻ) 1496

മെറിനും ലിസയും ചുറ്റി നടന്നു.. എലീസ മരണപ്പെട്ട റൂമിലും ഒക്കെ ചെന്നു നോക്കി..

എലീസയുടെ ദേഹത്ത് ആറു കുത്ത് ഉണ്ടായിരുന്നു.. പകയോടെ കുത്തിയത് പോലെ.. അവളുടെ എല്ലും ഉള്ളിലെ അവയവങ്ങളും ഒക്കെ ചിതറി പോയിരുന്നു…

കൂടുതൽ ഒന്നും അവർക്ക് വേണ്ടായിരുന്നു.. മെറിനും ലിസയും എന്തിനാണോ വന്നത് അത് അവർക്ക് ലഭിച്ചു..

അവർ ബോഡികളുടെ ഫോട്ടോഗ്രാഫ് ഒക്കെ കണ്ടു സ്ഥലം ഒക്കെ നോക്കി അവർക്ക് ആവശ്യമുള്ള കാര്യങ്ങൾ വാങ്ങി അവിടെ നിന്നും യാത്ര ചോദിച്ചു..

“മുകളിൽ നിന്നും ഇത് പുറത്തു വിടേണ്ട എന്നാണ് ഉത്തരവ്.. അത് കൊണ്ട് ഒരു അനേഷണം ഉണ്ടാകാനും സാധ്യത കുറവാണ്‌..”

ഓഫീസർമാർ അവരെ അറിയിച്ചു.

“ഫൈൻ.. ഞങ്ങൾ പേർസണൽ ഇന്റെരെസ്റ്റ് കാരണം ആണ് വന്നത്.. ഒരു കേസും ആയി ബന്ധം ഉണ്ടോ എന്ന് നോക്കാൻ.. പബ്ലിക് അറിയില്ല.. താങ്ക് യു സൊ മാച്ച്…”

മെറിൻ അവരോടു പറഞ്ഞു… അവർ ഉടനെ യാത്ര പറഞ്ഞു ഇറങ്ങി.. നേരെ എയർപോർട്ടിലേക്ക്..

****

Kochi

“തൽക്കാലം ഇത് വീട്ടിൽ അറിയിക്കേണ്ട.. എല്ലാവരോടും പറഞ്ഞു നല്ല രീതിയിൽ നടത്താൻ ഇരുന്നതാണ്.. അപ്പോൾ ഈ പെണ്ണ് ഇങ്ങനെ കാണിക്കും എന്ന് വിചാരിച്ചോ?? ഞാൻ ഇത് രജിസ്റ്റർ ആക്കാൻ ഉള്ള വഴികൾ നോക്കാം.. അർച്ചനയുടെ സമ്മതപത്രം മാത്രം മതി…
ഹാപ്പി മാരീഡ് ലൈഫ്… ഭാഗ്യവാൻ…. !”

ഏട്ടത്തി അത് പറഞ്ഞു എന്റെ കവിളിൽ നുള്ളി മീനുവിനെ ഉമ്മ വച്ചു.. മീനു ചമ്മലോടെ ഞങ്ങളെ നോക്കി.

“എനിക്ക് ഇല്ലേ ഉമ്മ?”

ഞാൻ ചോദിച്ചു..

“രണ്ടെണ്ണത്തിനെ കെട്ടി ഇനി ഞാൻ നിനക്ക് ഉമ്മയും തരണോ?”

ഏട്ടത്തി കളിയാക്കി എങ്കിലും നെറ്റിയിൽ ഒരു ഉമ്മ തന്നു..

മീനു വല്ലാത്ത സങ്കടത്തിൽ ആയിരുന്നു.. ഇടക്ക് ഇടക്ക് കണ്ണുകൾ ഒപ്പി.. എന്റെ അവസ്ഥയും മോശം ആയിരുന്നില്ല.. അർച്ചനയെ തെറ്റുധരിച്ചതിൽ വല്ലാത്ത ഒരു വിഷമം തോന്നി..

തിരിച്ചു അർച്ചന തന്നെ വണ്ടി ഓടിച്ചു… ഞങ്ങൾ പുറകിൽ ഇരുന്നു.

“ഇനി സ്ഥാനം ഇല്ല അതില്ല എന്നൊക്കെ പറഞ്ഞു വന്നാൽ പെണ്ണെ… കിട്ടും നിനക്ക്.. എന്നെ നിനക്ക് അറിയില്ല….”

അർച്ചന അവളെ നോക്കി പറഞ്ഞപ്പോൾ അവൾ ഒരു നനഞ്ഞ ചിരി ചിരിച്ചു.

അർച്ചനയുടെ ആ മുഖം ഒരു നിമിഷം ആണെങ്കിലും ഞാൻ കണ്ടതാണ്..

“പരാതി മാറിയോ നിന്റെ?”

ഞാൻ മീനുവിനെ നോക്കി.. എന്നാൽ അവൾ പൊട്ടിക്കരഞ്ഞു കൊണ്ട് എന്റെ തോളിൽ വീണു.. അവൾ അലറി കരഞ്ഞപ്പോൾ ഞാൻ അവളുടെ തോളിലൂടെ കൈ ഇട്ടു ചേർത്ത് പിടിച്ചു..

അവൾ കരഞ്ഞു തീർത്തോട്ടെ എന്ന് കരുതി..

“അപ്പൊ ഇനി എങ്ങനെയാ കാര്യങ്ങൾ? എനിക്ക് വയ്യ.. രണ്ടു പെണ്ണുങ്ങളും അതിന്റെ ഇടക്ക് ഞാനും.. രണ്ടും കൂടി കൊല്ലുമോ എന്നെ?”

ഞാൻ മെല്ലെ ചിരിച്ചു കൊണ്ട് പറഞ്ഞു.. അർച്ചന ചിരിച്ചു..

“പോടാ പട്ടി…..”