നിയോഗം 2 Dark World Part V (മാലാഖയുടെ കാമുകൻ) 1510

അത് കേട്ടപ്പോൾ എനിക്ക് പാവം തോന്നി. അർച്ചന പാവം ആണെങ്കിലും അവൾക്ക് പേടി ഒന്നും ഇല്ല..

“ഏട്ടത്തി അത് ഏട്ടത്തിക്കും നമ്മുടെ പപ്പക്കും മമ്മിക്കും വേണ്ടി നിർത്തിയ ആളുകൾ ആണ്.. പക്കാ പ്രൊഫഷണൽ ടീം.. അവർ ഉള്ളപ്പോൾ ആരും തൊടില്ല.. എന്റെ ഏട്ടത്തി സുഖമായി ഉറങ്ങിക്കോ..”

ഞാൻ പുഞ്ചിരിയോടെ പറഞ്ഞപ്പോൾ അവളുടെ മുഖം വിടർന്നു.. സമാധാനം വന്നു..

“നീ നിർത്തിയതാണോ?”

“മ്മ്മ് അതെ.. ലിസ ശരിയാക്കി തന്നു.. “

അവൾ എന്നെ കെട്ടിപിടിച്ചു എന്റെ കവിളിൽ ഒരു ഉമ്മ തന്നു.. എന്റെ മുഖം പിടിച്ചു..

“അമ്മയെ മിസ് ചെയ്യുമ്പോ എന്നെ ഓർത്തോ എന്റെ കുട്ടി.. ഞാനും കൂടി ആണ് ഈ മഹാപാപം ചെയ്തേ…

ചങ്കു പൊടിയാ.. ആലോചിക്കുമ്പോൾ.. പക്ഷെ.. അച്ഛൻ ഒന്നും ഇപ്പോൾ പുറത്തു പോലും പോകുന്നില്ല.. എല്ലാരും ഉണ്ട്ട്ടോ എന്റെ കുട്ടിക്ക്.. എല്ലാം ഒരു നിയോഗം ആണ്…”

ഏട്ടത്തി കണ്ണ് നിറച്ചാണ് അത്രയും പറഞ്ഞത്.. എനിക്ക് ഉള്ളിൽ കിടന്നു കത്തിയ തീ അല്പം അണഞ്ഞത് പോലെ തോന്നി..

“ഏട്ടത്തി.. അതെ.. സങ്കടം ഉണ്ടോ എന്ന് ചോദിച്ചാൽ ഉണ്ട്.. പക്ഷെ നിങ്ങൾ കൈ വിട്ടില്ലല്ലോ.. കൂടാതെ കണ്ടില്ലേ ആ രണ്ടെണ്ണം കാണിക്കുന്ന സ്നേഹം.. പിന്നെ ഒരു കാര്യം പറഞ്ഞാൽ ഏട്ടത്തി സമ്മതിക്കുമോ?”

ഞാൻ ഏട്ടത്തിയെ നോക്കി ചോദിച്ചു..

“എന്താ വാവേ?”

“അർച്ചനയ്ക്ക് പൂർണ സമ്മതം ആണ്.. ഞാൻ മീനുവിനെ കൂടി കെട്ടിക്കോട്ടെ?”

ഞാൻ വിചാരിച്ച ഞെട്ടൽ ഒന്നും അവിടെ ഉണ്ടായില്ല.. പുഞ്ചിരി ആണ് വന്നത്.. അതൊരു ചിരി ആയപ്പോൾ എനിക്ക് നാണക്കേട് തോന്നി..

“കളിയാക്കുവാ?”

“പിന്നെ അല്ല.. ഡാ ചെറുക്കാ… ഭാര്യയുടെ ചേച്ചിയോട് ആണ് നീ വേറൊരു പെണ്ണിനെ കൂടി കെട്ടിക്കോട്ടെ എന്ന് ചോദിച്ചേ….”

ഏട്ടത്തി നന്നായി ചിരിച്ചു.. ഞാൻ മുഖം തിരിച്ചു..

“പോ…..!”

“അച്ചോടാ.. വാവ പിണങ്ങിയോ…?”

അവൾ എന്റെ മുഖം പിടിച്ചു തിരിച്ചു..

“നീ കെട്ടിക്കോ വാവേ…”

അവൾ സമ്മതം മൂളി..

“ശരിക്കും??”

“മ്മ്മ് പക്ഷെ ഒരു അപേക്ഷ ഉണ്ട്.. ഏട്ടത്തി പറയാതെ തന്നെ വാവ അത് നോക്കിക്കോളും എന്നെനിക്ക് അറിയാം….”

“എന്താ ഏട്ടത്തി?”

“അർച്ചനയെ സങ്കടപെടുത്തില്ല എന്ന് ഏട്ടത്തിക്ക് അറിയാം.. പക്ഷെ… വീട്ടിൽ ഒന്ന് ചെല്ലണം.. എന്നെങ്കിലും… മാപ്പാക്കണം അവരോട്.. അവിടെ നിൽക്കുകയൊന്നും വേണ്ട..
പക്ഷെ അപ്പനും അമ്മയും അല്ലെ വാവേ? അവർക്കൊന്നും തീരെ വയ്യ.. അച്ഛൻ ആകെ ക്ഷീണിച്ചു.. മോൻ ഒന്ന് ക്ഷമിക്കുമോ അവരോടു? ഈ ഏട്ടത്തിക്ക് വേണ്ടി?? കാലു പിടിക്കാം ഞ…”

ഞാൻ അവളുടെ വാ പൊത്തി.. എന്റെ കണ്ണ് നിറഞ്ഞു തുളുമ്പി..

“എന്താ ഏട്ടത്തി ഈ പറയണേ.. എന്റെ അമ്മേടെ സ്ഥാനാ ഏട്ടത്തിക്ക്.. ഏട്ടത്തി പറഞ്ഞാൽ ഞാൻ കേൾക്കാതിരിക്കോ? “

കരഞ്ഞു കൊണ്ടല്ലാതെ അത് പറയാൻ എനിക്ക് ആയില്ല..