നിയോഗം 2 Dark World Part V (മാലാഖയുടെ കാമുകൻ) 1510

Part V S2

നിയോഗം 2 Dark World- Part 5

ഒരു ഹൈ ഹീൽ ബ്ലാക്ക് ബൂട്ടും, തിളങ്ങുന്ന ലെതർ ജീൻസും, ശരീരത്തിനോട് ചേർന്ന് കിടക്കുന്ന ലെതർ ജാക്കറ്റും ധരിച്ചു…

കുഴലിൽ നിന്നും പുക വരുന്ന ഒരു സ്വർണ നിറം റെമിങ്ടൺ മാഗ്നം 44 ഹാൻഡ്ഗൺ നീട്ടി പിടിച്ചു നിൽക്കുന്ന ഒരാൾ… ഒരു പെണ്ണ്…

അവളെ കണ്ടതോടെ.. അത്ഭുതം കൊണ്ടും.. ആകാംഷ കൊണ്ടും എന്റെ ഹൃദയം വല്ലാതെ തുടിച്ചു….

എന്നാലും തൊണ്ടയിൽ നിന്നും ഒരു നിലവിളി വന്നു കുടുങ്ങി കിടന്നു..

“ഏട്ടത്തീ……….!”

കുതിച്ചു മുൻപോട്ട് ചെന്ന് ഞാൻ ഏട്ടത്തിയുടെ തല ഭാഗത്തു മുട്ട് കുത്തി ഇരുന്നു.. കരഞ്ഞു കൊണ്ട് കയ്യിൽ വാരി എടുത്തു മടിയിൽ കിടത്തി..

“ഏട്ടത്തി….”

ഞാൻ ആന്തലോടെ അവളുടെ തല പിടിച്ചു നോക്കി.. ഇല്ല വെടി കൊണ്ടിട്ടില്ല.. അപ്പോൾ? ബോധം പോയതാണോ..

ഞാൻ അവളുടെ കവിളിൽ മെല്ലെ തട്ടി..

“ഏട്ടത്തി..?”

അവൾ മെല്ലെ അനങ്ങി. മീനുവും അർച്ചനയും അലറി കരഞ്ഞു കൊണ്ട് ഓടി വന്നു അവളെ കെട്ടിപിടിച്ചു.. കുലുക്കി വിളിച്ചു..
അതോടെ ഏട്ടത്തി ഒന്ന് കൂടി അനങ്ങി.. ജീവൻ ഉണ്ട്.. എനിക്ക് സമാധാനം തോന്നി..

ഞാൻ തല പൊക്കി നോക്കി.. അവൾ എന്നെ നോക്കി ചിരിക്കുന്നു..

ദൈവമേ.. ആരാ ഇത്??? ഉടൽ ഒക്കെ പെണ്ണ് തന്നെ ആണ്.. മുഖവും.. പക്ഷെ അവളുടെ ചെവികൾക്ക് വല്ലാത്ത വലിപ്പം.. മുകളിലേക്ക് കൂർത്തു ഇരിക്കുന്നു..

കണ്ണുകൾ പച്ച നിറം ആണ്.. വെട്ടി തിളങ്ങുന്ന കണ്ണുകൾ.. താടിക്കും അല്പം നീളക്കൂടുതൽ ഉണ്ട്.. വല്ലാത്തൊരു ആകർഷണം..

അവൾ കയ്യിലെ നഖങ്ങൾ ഉള്ളിലേക്ക് വലിച്ചു തോക്ക് താഴ്ത്തി ഞങ്ങളെ നോക്കി.

കൃതരിൻ പെണ്ണിനോട് സാമ്യം ഉണ്ട്. പക്ഷെ വാൽ ഇല്ല. വായിൽ കൂർത്ത പല്ലും ഇല്ല.

ഞാൻ തിരിഞ്ഞു നോക്കി.. ലിസയുടെയും മെറിന്റെയും മുഖം അത്ഭുധത്തിൽ ആണ്..
ലിസ വാ പൊളിച്ചു നിൽക്കുകയാണ്.. അർച്ചനയുടെ അവസ്ഥയും മോശം അല്ല… പക്ഷെ അവളുടെ ശ്രദ്ധ ഏട്ടത്തിയിൽ ആണ്..

എന്നാൽ മീനു ഞാൻ, മെറിൻ.. ഞങ്ങൾ ഇതിൽ കൂടുതൽ കണ്ടവർ ആണ്..

അവൾ വേഗം തിരിഞ്ഞു നടന്നു…പുറകു വശം ഒക്കെ വെട്ടി എടുത്ത പോലെ ആകൃതി.. പ്രേതെകിച്ചും കാലുകളും നിതംബവും.

ഒരു നിമിഷം നിന്ന് അവൾ വീണ്ടും തിരിഞ്ഞു ആ തോക്ക് എന്റെ നേരെ എറിഞ്ഞു തന്നു..

ഞാൻ വലതു കൈ കൊണ്ട് അത് പിടിച്ചു.. നല്ല കനം ഉണ്ട്.
അവൾ ഒന്ന് കൂടി ചിരിച്ചു റോഡിൽ കയറി..

അവൾ റോൾസ് റോയ്‌സിന്റെ പുറകിൽ കിടന്ന ട്രയാംഫ് റോക്കറ്റ് ബൈക്കിൽ കയറി.. ഹെൽമെറ്റ് എടുത്തു വച്ചു..

അതിന്റെ എൻജിൻ ഹുങ്കാര നാദത്തോടെ പ്രവർത്തനം ആരംഭിച്ചു.. അവൾ വന്നതൊന്നും ഞങ്ങൾ അറിഞ്ഞില്ലായിരുന്നു..

അവൾ ഒരു കാലു കുത്തി ആ ബൈക്ക് ആക്സിലറേറ്റർ കൊടുത്തു തെന്നിച്ചു എടുത്തു തിരിച്ചു..

മുന്നൂറു കിലോ അടുപ്പിച്ചു ഭാരം ഉള്ള ബൈക്ക് ആണ് അവൾ വളരെ എളുപ്പത്തിൽ തിരിച്ചു എടുത്തത്..

അവൾ അത് ഓടിച്ചു പോയി.. അതിന്റെ നമ്പർ ട്രിപ്പിൾ 9 ആയിരുന്നു എന്നത് ഞാൻ ശ്രദ്ധിച്ചു.

അർച്ചന വെള്ളം കൊണ്ടുവന്നു ഏടത്തിയുടെ മുഖത്ത് തളിച്ചു..