നിയോഗം 2 Dark World (മാലാഖയുടെ കാമുകൻ) 1525

എസ് ഐ അല്പം പുച്ഛ ഭാവത്തോടെ പറഞ്ഞു…അയാളുടെ കണ്ണുകൾ അവളുടെ ശരീരത്തിൽ ആയിരുന്നു.

മൊണാലിസ ഒന്നും മിണ്ടാതെ അകത്തേക്ക് നടന്നു.. ലിനു ചുറ്റുപാടും ഒന്ന് നോക്കി… ഫോട്ടോകൾ എടുത്തു.

അവൾ അകത്തേക്ക് കയറി ചെന്നു.. നേരെ മുകളിൽ..

ബെഡിൽ കണ്ണും തുറന്നു മലർന്നു കിടക്കുന്ന ജോണിന്റെ മൃതശരീരം..
ഹൃദയത്തിൽ ഒരു വലിയ തുള.. എന്തോ കൂർത്ത വസ്തു കൊണ്ട് കുത്തിയത് പോലെ..

ചോര ചീറ്റി തെറിച്ചിരിക്കുന്നു.. ബെഡിലും ഭിത്തിയിലും ഒക്കെ.. നിലത്തും തുള്ളികൾ..

വേറെ ഒന്നും ഇല്ല..

“മാം.. ഈ റൂമിൽ ജോൺ. സഞ്ജന ഇവരുടെ അല്ലാതെ വേറെ ഒരാളുടെ അടയാളങ്ങളും ഇല്ല..
കുത്തിയ ആയുധം എന്താണെന്നു അറിയുന്നില്ല.. നല്ല മൂർച്ച ഉള്ളത് എന്തോ ആണ്.. അത് വച്ചു കുത്തി തിരിച്ചിട്ടുണ്ട്… അത് ഹൃദയം ചിതറിച്ചത് പോലെ ഉണ്ട്‌..”

ഫോറൻസിക് ഓഫീസർ വന്നു പറഞ്ഞു.. അവൾ ചുറ്റും നോക്കി.. ഒന്നും കണ്ടില്ല.. ബാൽക്കണിയിൽ ജോണിന്റെ ഫോൺ പോലീസ് കണ്ടിരുന്നു..

മൊണാലിസ നേരെ സഞ്ജനയുടെ അടുത്തേക്ക് പോയി… അവൾ പോലീസ് കസ്റ്റഡിയിൽ ആണ്.. ഒരു റൂമിൽ..

റൂം തുറന്നു അകത്തു ചെന്നു.. സഞ്ജന കരഞ്ഞു തളർന്നു ഒരു കസേരയിൽ ഇരിക്കുന്നുണ്ട്…ഒപ്പം രണ്ടു പോലീസുകാരികളും.. അവരോടു പോകാൻ മൊണാലിസ തല കൊണ്ട് ആഗ്യം കാണിച്ചു..

“എന്തൊരു സുന്ദരി ആണെടീ ഈ പെണ്ണ്.. ഏതോ വലിയ ഓഫീസർ ആണ്….”

അതിൽ ഒരുത്തി മറ്റവളുടെ ചെവിയിൽ മെല്ലെ പറഞ്ഞത് മൊണാലിസ കേട്ടു.. അവൾ ഒന്ന് ചിരിച്ചു…

അവൾ സഞ്ജനക്ക് നേരെ എതിർ ഇരുന്നു..

“സഞ്ജന.. ആം മൊണാലിസ… കുറച്ചു കാര്യങ്ങൾ ചോദിക്കാൻ ഉണ്ട്‌…”

“ഞാൻ ആണ് എന്റെ ഏട്ടനെ കൊന്നത് എന്ന് ഇവര് പറയുന്നു.. …..
ഞാൻ കോട്ടയം ആയിരുന്നു.. എക്സാം ഡ്യൂട്ടി.. ഞാൻ അവിടെ ഉണ്ടായിരുന്നു എന്നതിന് ആയിരം തെളിവ് ഉണ്ട്‌.

കൂടാതെ വന്നപ്പോൾ പാർക്ക് ചെയ്ത വണ്ടി കണ്ടില്ല.. പരാതി കൊടുത്തു…….
എന്റെ കൂട്ടുകാരി ഒപ്പം ഉണ്ടായിരുന്നു……. അവളെ വീട്ടിൽ വിട്ടിട്ടു അതെ ടാക്സിയിൽ ആണ് ഞാൻ വന്നത്‌……. എന്റെ കാണാതായ സ്കൂട്ടി വീടിനു പുറത്തു ഉണ്ടായിരുന്നു..

അകത്തു കയറിയപ്പോൾ ആണ്.. എന്റെ ഏട്ടൻ…. “

അവൾ അത്രയും പറഞ്ഞു വാ പൊത്തി കരഞ്ഞു.. മൊണാലിസ അവളെ സമാധാനിപ്പിച്ചു..

അവൾ പറഞ്ഞ കാര്യങ്ങൾ ഒക്കെ കേട്ടു കഴിഞ്ഞു ലിസ പുറത്തു വന്നു.

എസ് ഐ അങ്ങോട്ട് വന്നു..

“അപ്പോഴേ പറഞ്ഞതല്ലേ മാഡം.. ഇതൊക്കെ ഒറ്റ നോട്ടത്തിൽ എനിക്ക്‌ മനസിലാകും.. അവൾ തന്നെ ആണ്.. ഇപ്പൊ മനസിലായില്ലേ ?”

എസ് ഐ അഹങ്കാരത്തിൽ പറഞ്ഞത് അവൾക്ക് ഇഷ്ടപ്പെട്ടില്ല..

“തന്നോട് ഞാൻ പറഞ്ഞോ അവൾ ആണ് പ്രതി എന്ന്? അവളെ ഇനി പിടിച്ചു വെക്കേണ്ട.. ഷി ഈസ് ഇന്നോസ്ന്റ്.. ലീവ് ഹേർ…”