നിയോഗം 2 Dark World (മാലാഖയുടെ കാമുകൻ) 1525

അവൾ ചിരിച്ചു. അവളുടെ കണ്ണുകൾ വീണ്ടും തിളങ്ങിയപ്പോൾ ജോൺ പേടിച്ചു വിറച്ചു..

“ഞാൻ സഞ്ജന തന്നെ ആണ് ഏട്ടാ.. വാ.. എന്നെ ഒന്ന് കെട്ടിപ്പിടിച്ചാൽ ഏട്ടന്റെ സംശയം തീരും…”

അവൾ അത് പറഞ്ഞു ജോണിനെ നോക്കി കൈ വിടർത്തി കണ്ണടച്ച് നിന്നു..

ജോൺ അവളെ സംശയത്തോടെ നോക്കി.. ഇത് സഞ്ജന തന്നെ ആണല്ലോ… അവന് ഒരു നിമിഷം സമാധാനം തോന്നി..

അവൻ എല്ലാം മറന്നു അവൾക്ക് നേരെ മെല്ലെ നടന്നു..

ഇതിനിടയിൽ അലമാരയുടെ കണ്ണാടിയിൽ അവളുടെ പ്രതിബിംബം ജോൺ കണ്ടു..

ഞെട്ടി തെറിച്ച ജോൺ അലറി കരഞ്ഞു കൊണ്ട് ഡോറിനു നേരെ ഓടി…

പക്ഷെ ലക്ഷ്യം എത്തിയില്ല..

നിമിഷ നേരം കൊണ്ട് ജോണിന്റെ വേദന നിറഞ്ഞ അലർച്ചക്കൊപ്പം അവന്റെ ചൂടുള്ള ചോര വെളുത്ത ബെഡ്ഷീറ്റിൽ വീണു പടർന്നു..
ഒരു ചിത്രം പോലെ…

***

രാത്രി 11 മണി.

ജോണിന്റെ വീട്ടിൽ പോലീസ് കൂടി നിൽക്കുകയായിരുന്നു… ജനക്കൂട്ടം പുറത്തും.

വൈകുന്നേരം നടന്ന മൂന്ന് മർഡർ… അതും മൂന്ന് ചെറുപ്പക്കാർ.. അതിൽ ഒന്ന് ഡെന്നിസ്, അർജുൻ, ജോൺ.

ജോണിന്റെ ഭാര്യ സഞ്ജനയുടെ അലറി കരച്ചിൽ കേട്ടു അയൽക്കാർ വന്നപ്പോൾ ആണ് ജോണിന്റെ ശരീരം കണ്ടത്..

പോലീസ് നായ വീട്ടിൽ കയറി.. അത് റൂം മൊത്തം നടന്ന് അവസാനം കരഞ്ഞു തളർന്നു കിടക്കുന്ന സഞ്ജനയെ നോക്കി കുരച്ചു. അതിൽ നിന്നും സഞ്ജന തന്നെ ആണ് പ്രതി എന്ന് പോലീസ് ഉറപ്പിച്ചു.

പുറത്ത് ഒരു ചുവന്ന ജീപ്പ് അൺലിമിറ്റഡ് വന്നു നിന്നു…

നിന്ന് അതിൽ നിന്നും കറുത്ത ഫുൾ സ്ലീവ് ഷർട്ട് ഇന്സൈഡ് ചെയ്തു നീല ജീൻസും കറുത്ത ഷൂസും ധരിച്ചു മുടി മുകളിൽ കെട്ടി വച്ച ഒരു സുന്ദരി ആണ് ആദ്യം ഇറങ്ങിയത്..
അവളുടെ ശരീരത്തിൽ ആളുകളുടെ കണ്ണുകൾ ഓടി നടന്നു..

അപ്പുറത്തു നിന്നും ഒരു ആണും ഇറങ്ങി. ഇളം നീല ഷർട്ട്, കറുത്ത ജീൻസും വെള്ള ഷൂസും.. കടഞ്ഞെടുത്ത ശരീരം..

അവൾ ഗേറ്റിൽ നിന്ന പോലീസുകാരനെ ഐഡി എടുത്തു കാണിച്ചു..

“സ്പെഷ്യൽ ഇൻവെസ്റ്റിഗേഷൻ ഓഫീസർമാർ രണ്ടു പേര് വന്നിട്ടുണ്ട്…”

പോലീസുകാരൻ അകത്തേക്ക് വന്നു പുതിയതായി ചാർജ് എടുത്ത എസ് ഐ യോട് പറഞ്ഞു..

“കടത്തി വിട്ടോ… ഈ കേസ് അവർക്ക് ആണ്….നമ്മുക്ക് ഇതിൽ റോൾ ഇല്ല.. ക്രെഡിറ്റ് എടുക്കാൻ കുറെ എണ്ണം വന്നോളും ഇതുപോലെ ഓരോന്ന് കാണിച്ചു….”

എസ് ഐ അവളുടെ ഇറുകി കിടക്കുന്ന ജീൻസിലേക്കും അവളുടെ ഒതുങ്ങിയ ശരീരത്തിലേക്കും നോക്കികൊണ്ടാണ് അയാൾ അത് പറഞ്ഞത്..

അവളും അവനും മുൻപോട്ട് വന്നു…

“ഹായ്.. ആം മൊണാലിസ ആൻഡ് ദിസ് ഈസ് ലിനു….ഈ കേസ് ഇനി മുതൽ ഞങ്ങൾ ആയിരിക്കും അനേഷണം..”

അവൾ മെല്ലെ പറഞ്ഞു.

“എന്തോന്ന് അനേഷിക്കാൻ ? പോലീസ് നായ അയാളുടെ ഭാര്യയെ ആണ് നോട്ട് ചെയ്തത്.. അവർ തന്നേ ആണ് പ്രതി…ഞാൻ അത് കണ്ടുപിടിച്ചു.. അവൾ കസ്റ്റഡിയിൽ ഉണ്ട്‌.. അവളെ ചോദ്യം ചെയ്തു എന്തിനാണ് കൊന്നത് എന്ന് പറയിപ്പിക്കുന്ന ഡ്യൂട്ടി മാത്രമേ ഉള്ളു… ഇതൊക്കെ കുറെ കണ്ടതാ കൊച്ചെ….”