നിയോഗം 2 Dark World (മാലാഖയുടെ കാമുകൻ) 1525

ഗ്രീസുകാരുടെ അഥീനാ നഗരം… നമുക്കൊക്കെ ഏതൻ‌സ് നഗരം, ഗ്രീസ്. സമയം 9 am.

രാവിലെ ഞാൻ കണ്ണ് തുറന്നപ്പോൾ മീനു എന്നെ ചുറ്റിവരിഞ്ഞു കിടക്കുകയായിരുന്നു..

ഒരു കാല് എന്റെ കാലിൽ കയറ്റി വച്ച് ഒരു കൈകൊണ്ടു എന്നെ ചേർത്ത് പിടിച്ചു എന്റെ കയ്യിൽ തലയും വച്ച് ഇളം മഞ്ഞ ഹാഫ് സാരി ധരിച്ചു കിടക്കുന്ന സ്ത്രീരൂപം..

അല്പം തുറന്ന അധരങ്ങൾ… കൂമ്പിയ കണ്ണുകൾ.. എന്തോ സ്വപ്നം കാണുകയാണ് പെണ്ണ്….
കുറച്ചു കാർകൂന്തലുകൾ കണ്ണിനു മുകളിൽ ഉണ്ടായിരുന്നത് ഞാൻ കൈവിരൽ കൊണ്ട് ചീകി ഒതുക്കി..

ബാത്രൂം തുറക്കുന്ന ശബ്ദം കെട്ടു..

“ആഹാ കെട്ടിപിടിച്ചു കിടക്കുന്നതു കണ്ടില്ലേ? “

അർച്ചന ടവൽ തലയിൽ കെട്ടി ഒരു ചുരിദാർ ഇട്ടു വന്നു അവളെ നോക്കി ചിരിച്ചു..

ഞാൻ അവളെ നോക്കി.. അസൂയ എന്നൊരു സാധനം അവളുടെ മുഖത്തു കാണുന്നില്ല… ഇന്നലെ ഏടത്തിയുടെ കാര്യം പറഞ്ഞപ്പോൾ അസൂയ കൊണ്ട് മുഖം കുത്തി വീർപ്പിച്ച പെണ്ണ് ആണ്

“നിനക്ക് ഇവൾ ഇങ്ങനെ കിടക്കുന്നതിൽ ഒരു വിഷമവും ഇല്ലേ?”

ഞാൻ അവളോട് ചോദിച്ചു..

“എന്തിനാ ഏട്ടാ? ഏട്ടത്തി പറഞ്ഞത് പോലെ ഏട്ടൻ അവളെ കെട്ടിയാലും എനിക്ക് ഒരു വിഷമവും ഇല്ല.. അത്രക്ക് ഇഷ്ടമാണ് എനിക്ക് ഈ പെണ്ണിനെ….ആരും ഇല്ലാതെ വളർന്ന കൊച്ചാണ് എന്റെ ഈ പാവം മീനൂട്ടി…”

അവൾ മീനുവിനെ സ്നേഹപൂർവ്വം നോക്കി.. അവളുടെ കണ്ണുകളിലെ നനവ് ഞാൻ കണ്ടു.. ഏട്ടത്തി പറഞ്ഞ കാര്യം ഞാൻ ആലോചിച്ചു..

രണ്ടെണ്ണത്തിനെ ഒക്കെ കെട്ടി മേയിച്ചു നടക്കുന്ന കാര്യം രസം ആയിരിക്കും.. എനിക്ക്‌ ചിരി വന്നു..

മീനു എന്നെ ഒന്ന് കൂടി ചുറ്റി പിടിച്ചു..

“ഡീ.. എണീറ്റെ…”

ഞാൻ അവളുടെ വയറിൽ ഒരു നുള്ളു കൊടുത്തു..

“മ്മ്മ് മ്മ്മ് മ്മ്മ്…”

അവൾ മൂളിക്കൊണ്ട് നിവർന്നു കിടന്നു.. അർച്ചന അവളുടെ പൊക്കിളിൽ ഒരു ഉമ്മ കൊടുത്തു.. ഉടനെ അവൾ ചാടി പിടഞ്ഞു എണീറ്റ് ഇരുന്നു എന്നെ നോക്കി..

“ഞാൻ അല്ല….”

ഞാൻ കൈ മലർത്തി കാണിച്ചു…അർച്ചന ഞാൻ ഈ നാട്ടുകാരി അല്ല എന്ന ഭാവത്തിൽ മുടി ഉണക്കുകയാണ്…

“നീ തന്നെ…”

അവൾ ചാടി വീണു എന്റെ കവിളിൽ കടിച്ചു… നല്ല മുറുക്കി ഒരു കടി..

“ഏഹ്ഹ് ഡീ പട്ടി….”

ഞാൻ അവളെ തള്ളി മാറ്റാൻ നോക്കി.. നടന്നില്ല… അവൾ കടി വിട്ടു..

“എന്നോട് കളിച്ചാൽ ഇങ്ങനെ ഇരിക്കും…”

അവൾ പല്ലിളിച്ചു കാണിച്ചു.. ഞാൻ അവളെ ചാടി പിടിക്കാൻ നോക്കി എങ്കിലും അവൾ ഓടി ബാത്‌റൂമിൽ കയറി വാതിൽ അടച്ചു..

“രാവിലെ തന്നെ അവളെക്കൊണ്ട് നീ എന്നെ കടിപ്പിച്ചു…”

ഞാൻ അർച്ചനയുടെ പുറകിൽ ആഞ്ഞു ഒരു അടി കൊടുത്തു..

“ആവൂ….!”

അവൾ ചിരിച്ചു കൊണ്ട് എന്നേ കെട്ടിപിടിച്ചു ചുംബിച്ചു… ഞാൻ അവളെ കോരി എടുത്തു കറക്കി നിലത്ത് തന്നേ നിർത്തി..

“ഏട്ടാ… എനിക്ക്‌ ഒരു കാര്യം പറയാൻ ഉണ്ട്‌…”

അവൾ എന്റെ മുഖത്ത് നോക്കി..