നിയോഗം 2 Dark World (മാലാഖയുടെ കാമുകൻ) 1525

അവൾ പറഞ്ഞു നിർത്തി.

“സാർ.. ഈ മൂന്ന് പേരും ഫ്രെണ്ട്സ് ആണ്.. അർജുൻ ഇതിൽ നിന്നും പിരിഞ്ഞത് ആണ്.. ജോണിന്റെ ഭാര്യാ.. അവൾ ഇന്നലെ അർജുന്റെ കൂടെ ഉണ്ടായിരുന്നു എന്ന കാര്യം ഡെന്നിസ് കണ്ടിരുന്നു.. അവന്റെ ഫോണിൽ വിഡിയോ ഉണ്ട്.. അവൾ അർജുന്റെ വീട്ടിൽ പോയി ഒറ്റക്ക് ഇറങ്ങി വരുന്നത്.. ഒരു കാറിൽ കയറി പോകുകയും ചെയ്തു..

അതിനു ശേഷം മാളിൽ വച്ച് ഡെന്നിസ് ജോണിനെ കണ്ടിരുന്നു.. ജോണിന്റെ ഫോണിലേക്ക് ഡെന്നിസ് വിഡിയോ അയച്ചു കൊടുത്തിട്ടുണ്ട്… അതിനു ശേഷം അവർ പിരിഞ്ഞു..

ജോണിന്റെ ഭാര്യാ സഞ്ജന അർജുന്റെ കൂടെ ഉണ്ടായിരുന്നപ്പോൾ ആണ് കൊലപാതകം നടന്നത്.. നേരത്ത പറഞ്ഞത് പോലെ തന്നെ ഹൃദയത്തിൽ ഒരു കൂർത്ത കൊമ്പു പോലെ എന്തോ ഒന്ന് കൊണ്ട് കുത്തി തിരിച്ചു ആണ് മരണം..

മൂന്ന് പേരുടെയും അതെ പോലെ തന്നെ.. ആയുധം എന്താണെന്നു വ്യക്തം അല്ല..
ആൻഡ് മോസ്റ്റ് ഇന്റെറെസ്റ്റിംഗ് പാർട്ട്… ഈ മൂന്ന് മരണത്തിന്റെ ചുറ്റുപാടു നിന്നും കിട്ടിയത് സഞ്ജനയുടെ പ്രേസേന്സ് ആണ്.. ഫിംഗർ പ്രിന്റ് അല്ല.. മണം.. പോലീസ് ഡോഗ് പിടിച്ചത് ഒരേ മണം ആണ്…..”

ലിനു പറഞ്ഞു നിർത്തി..

“ആ പെണ്ണിനെ അല്ലേ പോലീസ് നായ നോട്ട് ചെയ്തത്?? “

റാണ ഉടനെ ചോദിച്ചു..

“സാർ..അതെ… പക്ഷെ സഞ്ജന ആ സമയം കോട്ടയത്ത് ആയിരുന്നു.. അതിനു തെളിവുകൾ ഉണ്ട്. അതായതു സഞ്ജന അർജുന്റെ ഒപ്പം വീട്ടിലേക്ക് പോയ സമയം ഇതേ സഞ്ജന തന്നെ കോട്ടയത്തു ഒരു എക്സാം ഡ്യൂട്ടിയിൽ ആയിരുന്നു..”

മൊണാലിസ ആണ് അത് പറഞ്ഞത്..

“ഫക്ക് ദിസ് ഷിറ്റ്.. ഡു ഐ ലുക്ക് ലൈക് എ ഫൂൾ ടു യു??
രണ്ടു സഞ്ജനയോ? വട്ടാണോ നിനക്കൊക്കെ???”

റാണക്ക് ദേഷ്യം പിടിച്ചു..

മൊണാലിസ ലിനുവിനെ നോക്കി ചിരിച്ചു.. അവൻ ഉടനെ ലാപ്ടോപ്പ് തുറന്നു വീഡിയോ എടുത്തു റാണയെ കാണിച്ചു..

വീഡിയോ 1 – എറണാകുളം റെയിൽവേ സ്റ്റേഷനിൽ ഉള്ള ഒരു cctv ദൃശ്യം..

റെയിൽവേ സ്റ്റേഷന്റെ പുറത്തു നിന്നും റോസ് സാരി ധരിച്ചു സഞ്ജന നേരെ പാർക്കിങ്ങിൽ പോയി സ്കൂട്ടി എടുക്കുന്നു.. അതും ഓടിച്ചു പുറത്തേക്ക് പോകുന്നു. സമയം 12:30

പിന്നെ കാണുന്നത് അവൾ ഒരു മാളിന്റെ അടിയിൽ സ്കൂട്ടി പാർക്ക് ചെയ്‌തു ചുറ്റിനും നോക്കി ഒരു കറുത്ത ബെൻസിൽ കയറി പോകുന്നു.. സമയം 2:20 pm

സഞ്ജന വന്നു മാളിൽ പാർക്ക് ചെയ്ത സ്കൂട്ടി എടുക്കുന്നു.. സമയം 6:18 pm

6:47pm സഞ്ജന സ്കൂട്ടിയിൽ അവളുടെ വീട്ടിലേക്കുള്ള വഴിയിൽ തിരിഞ്ഞു പോകുന്നു.. അതെ റോസ് സാരി.

വീഡിയോ തീർന്നു.. റാണ മൊണാലിസയെ നോക്കി..

“ഇറ്സ് ക്ലിയർ.. ആ കാറ് ആരുടെ ആണ്? കറുത്ത ബെൻസ്? “

“അർജുന്റെ ആണ് സാർ.. അവൻ ആണ് ആദ്യം മരിച്ചത്.. ഇൻ ഫാക്ട് സഞ്ജന അവന്റെ വീട്ടിലേക്ക് അവന്റെ ഒപ്പം കയറി പോകുന്നതും പിന്നെ ഒറ്റക്ക് പുറത്തു വന്നു വേറെ ഒരു കാറിൽ കയറി പോകുന്നതും മരണപ്പെട്ട ഡെന്നിസ് വീഡിയോ എടുത്തിട്ടുണ്ട്.. അത് അവൻ ജോണിന് അയച്ചും കൊടുത്തിട്ടുണ്ട്…”