ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 223

“എന്തോന്ന് മോളേ…എനിക്കങ്ങട് മനസ്സിലായില്ല… എന്റെ മോള് എന്തോന്നാ പറഞ്ഞത് ”

“ഒന്നൂല്ല..ചുമ്മാ…ചേച്ചിക്ക് ധൈര്യം തന്നതല്ലേ…”

“അങ്ങനെയുള്ള ധൈര്യം എനിക്ക് വേണ്ടാട്ടോ… പെണ്ണിന്റെ ഒരു പൂതി നോക്ക്യേ… ”

“ഞാൻ ചുമ്മാ പറഞ്ഞതാണെന്റെ ചേച്ചീ… പൊന്നനിയനെ കെട്ടിപ്പൂട്ടി വെച്ചോ…എനിക്ക് വേണ്ട..”

“നീ പിണങ്ങല്ല പെണ്ണേ…. നമുക്ക്‌ പെട്ടെന്നിതൊന്ന് സെറ്റാക്കണം..വേഗം നോക്ക്.. വൈകുന്നേരം പോവാനുള്ളതാ..”

പെട്ടെന്ന് ആദി അവിടേക്ക് കടന്നു വന്നു….

” ചേച്ചീ…. എവിടെക്കാ യാത്ര ”

” ചെന്നൈയിലേക്ക്… ”

ചാന്ദ്നിയുടെ പെട്ടെന്നുള്ള മറുപടി കേട്ടിട്ട് അനുപമ തലയിൽ കൈ വെച്ചു,അവളെ കണ്ണുരുട്ടി പേടിപ്പിച്ചു…

“ചെന്നൈയോ…എന്നിട്ടെന്താ എന്നോട് വരാൻ പറയാത്തത്? ”

“നീ ഇപ്പൊ എന്റെ കൂടെ വരുന്നില്ല…അത് കൊണ്ട് തന്നെ പറയാത്തത് ”

” അതെങ്ങനെ ശരിയാവാ….ചെന്നൈയിലേക്ക് എന്നും ഞാൻ വരുന്നതല്ലേ…. ഇന്ന് മാത്രമെന്താ… ”

“വരേണ്ട എന്ന് പറഞ്ഞാൽ വരേണ്ട.. കഴിഞ്ഞ പ്രാവശ്യം നീ വന്നിട്ടുള്ള കോലാഹലമൊക്കെ അടങ്ങി വരുന്നതേയുള്ളൂ…ഇനിയും അച്ഛനോട് ഓരോന്നിനും ഉത്തരം പറയാനെനിക്കാവില്ല..അമ്മയെയൊക്കെ എത്രയാ എന്ന് വിചാരിച്ചാണ് കള്ളം പറഞ്ഞു പറ്റിക്കുക ”

“ഹാ… എന്നാൽ ഓക്കേ…”

ആദി അവിടുന്ന് പുറത്തേക്കിറങ്ങി..

“അതെന്താ ചേച്ചീ ആദിയും കൂടി വന്നാൽ…?
ചേച്ചിക്കൊരു ധൈര്യമല്ലേ… അവനെന്താ കഴിഞ്ഞ പ്രാവശ്യം ചെയ്തത്…? “