ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 223

മാഡം..ഇനിയിവിടെ എന്റെ എന്തെങ്കിലും ആവശ്യമുണ്ടോ….ഞാൻ ഇവിടെ തന്നെയുണ്ടാകും.. വിളിച്ചോളൂ.. ”

“ഇല്ല ഡോക്ടർ… ഇത്രയും ചെയ്തതിന് തന്നെ പറഞ്ഞാൽ തീരാത്ത നന്ദിയുണ്ട് ”

“അതൊക്കെ എന്റെ കടമയാണ് മാഡം…. എന്നാൽ ഓക്കേ.. കാണാം ”

ഡോക്ടർ അവിടുന്ന് നീങ്ങി…
ഈ നേരം ആദി ചാന്ദ്നിയെ തന്നെ നോക്കി നിൽക്കയായിരുന്നു….

” ടാ…. എന്താണിത്…പെണ്ണിനെ വല്ലാത്തൊരു നോട്ടം ? ”

പെട്ടെന്നൊന്ന് ചമ്മിയെങ്കിലും അവൻ വീണ്ടും അവളിലേക്ക് നോക്കി…

“അതല്ല ചേച്ചീ…. ഇന്നലെ എങ്ങനെയുണ്ടായ പെണ്ണാണ്…. എനിക്ക് പ്രശ്നമില്ല… ഞാൻ ഓക്കെയാണ്.. ഇതിലും വലുതൊക്കെ കണ്ടിട്ടുള്ളതാണ്…..
ഇതൊക്കെ കേട്ടപ്പോൾ ഞാൻ വിചാരിച്ചു , ഝാൻസി റാണി ഇവളുടെ കുഞ്ഞമ്മയോ മറ്റോ ആണെന്നാണ്..
എന്നിട്ടിപ്പോ കിടക്കുന്ന കിടപ്പ് നോക്ക്യേ…. പാണ്ടികൾ ശവം കൊണ്ട് പോകുമ്പോൾ, ആ ശവത്തെ കാണുന്ന പോലെയില്ലേ ”

“ടാ…. ദുഷ്ടാ… പാവം പെണ്ണ്…. എന്ത് ദുഷ്ടത്തരാടാ ഈ പറയണേ….”

ആദിയുടെ സംസാരം കേട്ട് ചിരി വന്നെങ്കിലും , അനുപമ അത് മറച്ചു വെച്ചു..

“നിന്നോട് അപ്പോഴേ പറഞ്ഞതല്ലേ.. ഈ പാവത്തിനെ കൂട്ടണ്ടാന്ന്…നീയും കൂടി പറഞ്ഞത് കൊണ്ടാണ് ഞാൻ ഓക്കേ പറഞ്ഞത്…
എന്നിട്ടിപ്പോ നോക്ക്യേ…ഇത്ര സുരക്ഷായുണ്ടായിട്ടും കാറിൽ ബോംബ് വെക്കാൻ അവർക്ക് കഴിഞ്ഞില്ലേ…അത്രമാത്രം ശക്തരാണവർ…. ഞാൻ പോലും ഭയന്ന് വിറച്ചു….പിന്നെയെന്തിനാ ഇവളെ പറയുന്നേ..