സുൽത്വാൻ 8 [ജിബ്രീൽ] 317

“ഷാനു …..” അവൾ അൽപം ഭയത്തോടെ യാണെങ്കിലും അവനെ വിളിച്ചു

മാളുവിന്റെ സ്വരത്തിലെ പേടി തിരിച്ചറിഞ്ഞ ഷാനു നിശബ്ദമായി ശ്വാസം വലിച്ചു വിട്ടു തന്റെ ദേശ്യം നിയന്ത്രിച്ചു

“എന്തിനാ അവന്റെ ഉപ്പാനെ കുറിച്ചങ്ങനെ പറഞ്ഞത്” അവൻ തെല്ല് സങ്കടത്തോടെ ചോദിച്ചു

“ഞാൻ ….. അപ്പോഴെത്തെ ദേശ്യത്തില് ”

ഷാനു മറുപടിയൊന്നും പറഞ്ഞില്ല

“ഞാൻ ചെയ്തത് തെറ്റു തന്നെയാണ് പക്ഷേ ….. കൊല്ലാനുള്ള ദേശ്യം വരാൻ മാത്രമുള്ള തെറ്റാണോ….” മാളു ഒരു ഗദ്ഗദത്തോടെ പറഞ്ഞു നിർത്തി

“അവൻ ഈ ലോകത്ത് ഏറ്റവും കൂടുതൽ ഇഷ്ടപെടുന്ന ഒരാൾ അവന്റെ ഉപ്പയാണ് അപ്പോ അവന്റെ ദേശ്യം ന്യായമല്ലെ ….. അതും ഉപ്പ മരിച്ചു പോയ ഒരാളാവുമ്പോ …”

“അവന്റെ ഉപ്പ …….”മാളുവിന് ഞെട്ടൽ കാരണം പൂർത്തിയാക്കാൻ കഴിഞ്ഞില്ല

ഷാനു അവളോട് അവൻ പറഞ്ഞത് ഒന്നു കൂടി തലയാട്ടി ഉറപ്പിച്ചു .

ഷാനു ജിത്തുവിന്റെ ദേശ്യത്തിന്റെ പ്രധാന കാരണം മാളുവിനോടു പറഞ്ഞില്ല

“സമയമൊരുപാടായി …. പോയി കിടന്നോ ….. നീ പേടിക്കണ്ട നാളെ തന്നെ എല്ലാം ശരിയാവും ……” എന്നു പറഞ്ഞ് ഷാനു താഴേക്കു പോയി

മാളു അപ്പോഴും കുറ്റബോധവും സങ്കടവും നിറഞ്ഞ മുഖവുമായി ഇരുട്ടിലേക്കു നോക്കി നിൽക്കുകയായിരുന്നു

♦♦♦♦♦♦♦♦♦♦♦♦♦♦♦♦

റാഹി ബാത്റൂമിൽ നിന്നും കുളിച്ചിറങ്ങി വസ്ത്രങ്ങൾ വെച്ചിട്ടുള്ള അലമാറ തുറന്ന് അതിന്റെ മുന്നിൽ കുറച്ചു നേരം ആലോചിച്ചിരുന്നു. ഇതു വരെ അവൾക്ക് ഇങ്ങനെയൊരവസ്ഥയുണ്ടായിരുന്നില്ല ആദ്യം കാണുന്ന വസ്ത്രം അത് ധരിച്ചു പോവാറാണു പതിവ്. ഇന്നവൾ ഒരോ വസ്ത്രങ്ങളെടുത്ത് ദേഹത്ത് വെച്ചു ആ മുറിയിൽ അവളപൂർവമായി മാത്രം നോക്കാറുള്ള കണ്ണാടിയുടെ മുമ്പിലേക്കു വന്നു പക്ഷേ ഒന്നു മവൾക്കു പൂർണ്ണമായി തൃപ്തി നൽകിയില്ല.

അപ്പോഴാണവളുടെ കണ്ണുകൾ ഒരിളം നീല നിറത്തിലുള്ള ചുരിദാറിൽ പതിഞ്ഞത്. കഴിഞ്ഞ കൊല്ലം അവളുടെ ഉമ്മ വാങ്ങി കൊടുത്ത ആ ചുരിദാറവളിതുവരെ ധരിച്ചിട്ടില്ലായിരുന്നു. അവളതെടുത്തണിഞ്ഞു ഇതുവരെ ലഭിക്കാത്ത തൃപ്തിയാണ് അവൾക്കതണിഞ് കണ്ണാടിയിൽ നോക്കിയപ്പോൾ കിട്ടിയത്. അവൾ ആ കരിനീല കണ്ണുകൾക്ക് ഭംഗി കൂട്ടാൻ വേണ്ടി കുറച്ച് കൺമഷി ചാർത്തി. ഒരുങ്ങി കഴിഞ്ഞു കണ്ണാടിയിൽ നോക്കിയ അവൾക്കപ രിജിതമായ നാണം അവളുടെ മുഖത്തുണ്ടാ യിരുന്നു.

♦♦♦♦♦♦♦♦♦♦♦♦♦♦♦♦

മേഡം റാഹിയുടെ ശബ്ദം ക്ലാസിന്റെ പുറത്തു നിന്നു കേട്ട് എല്ലാവരും അങ്ങോട്ട് നോക്കി

ക്ലാസെടുത്തു കൊണ്ടിരുന്ന റേച്ചൽ റാഹിയെ കണ്ടമ്പരന്നു നിൽക്കുകയാണ് റേച്ചലിന്റെ മുഖത്തെ ഭാവം തന്നെയാണ് ക്ലാസിലെ ബാക്കിയാളുകളുടെ മുഖത്തും . റേച്ചൽ കൈ കൊണ്ടവളോട് അകത്തേക്കു കയറാൻ ആങ്ങ്യം കാട്ടി. അകത്തേക്കു കയറുന്നതിനിടെ അവൾ ഏറ്റവും പുറകിലെ ബെഞ്ചിലേ ക്കൊന്നു പാളി നോക്കിയിരുനു