🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

““നിങ്ങള്‍ക്ക് ആ പേരില്‍ ഒരു ഫ്രെണ്ടുണ്ടായിരുന്നോ….?”” അനു ചോദിച്ചു.

““ഹാ…. അതെ….. അവളായിരുന്നു ഞങ്ങളുടെ കുട്ടത്തിലെ നാലാമത്തെ ആള്‍. കോളേജ് കാലത്ത് ഞങ്ങളുടെ പ്രിയകുട്ടുകാരി…..”” ഇപ്രാവിശ്യം മറുപടി വന്നത് മാലുവില്‍ നിന്നാണ്. അനു കുടുതല്‍ ശ്രദ്ധയോടെ മറ്റു രണ്ടുപേരേയും നോക്കിയിരുന്നു.

““അനഘയും ദേവും തമ്മിലുള്ള ദാമ്പത്യം അത്ര സുഖകരമല്ല അല്ലേ….”” ടോം ചോദിച്ചു. അനുവിന്‍റെ തല അറിയാതെ തന്നെ താഴ്ന്നു. അവള്‍ക്ക് അതിന് മറുപടി പറഞ്ഞില്ല. പക്ഷേ അവളുടെ ഇങ്ങനെ ഒരു പ്രതികരണം മതിയാവും മുന്നിലിരിക്കുന്ന ആര്‍ക്കും അതിനുള്ള ഉത്തരം കിട്ടാന്‍….

““ഹേയ്… അനഘ വിഷമിക്കണ്ട…. നിങ്ങളുടെ  ജീവിതത്തില്‍ നടന്ന എല്ലാ കാര്യവും ഞങ്ങള്‍ക്കറിയാം…”” മാലു അനുവിനെ നോക്കി പറഞ്ഞു.

““അപ്പോ…. ചേച്ചിയെയാണോ ദേവേട്ടന്‍ എന്നും വിളിയ്ക്കുന്നത്….”” അനു പെട്ടെന്ന് മുഖമുയര്‍ത്തി ചോദിച്ചു.

““അവന്‍ ഞങ്ങളെ വിളിയ്ക്കാറുണ്ട്…. പക്ഷേ എന്നും രാത്രി വിളിയ്ക്കുന്നത് ഞങ്ങളെയല്ല…. അത് വേറെയൊരാളെയാണ്….”” ടോം പറഞ്ഞു.

““നിങ്ങള്‍ പറഞ്ഞ നിങ്ങളുടെ കോമണ്‍ ഫ്രെണ്ട് അനു ആണോ…..?”” അനു അടുത്ത ചോദ്യമിട്ടു. ടോമും മാലുവും പരസ്പരം നോക്കി. പിന്നെ മാലു പറഞ്ഞു.

““അത് അനഘ ദേവിനെ കുറിച്ചു എല്ലാം അറിഞ്ഞാലേ മനസിലാവു….”” അനു മാലുവിനെ നോക്കി. മാലു പറഞ്ഞതിന്‍റെ പോരുള്‍ അനുവിന് മനസിലായിരുന്നില്ല.

““അനഘയ്ക്ക് ദേവിനെ പറ്റിയറിയണോ….?”” തങ്ങളെ പരസ്പരം പകച്ചു നോക്കുന്ന അനുവിനോട് ടോം ചോദിച്ചു. അനു തലയാട്ടി അതിന് സമ്മതിച്ചു. ടോം പറഞ്ഞു തുടങ്ങി. അവരുടെ ദേവിനെ പറ്റി…..

““ഞങ്ങള്‍ അറിയുന്ന ദേവ് അനഘ ഇത്രയും നാള്‍ കണ്ടതില്‍ നിന്ന് വളരെ വ്യത്യസ്തനായിരുന്നു. ഒരു പക്ഷേ ദേവ് മൈസൂര്‍ എന്ന നഗരത്തില്‍ എത്തിപ്പെടുന്നതിന് മുമ്പ് എങ്ങനെയായിരുന്നോ നാട്ടില്‍ അതുപോലെയാണ് ഇപ്പോള്‍. എന്നാല്‍ മൈസുര്‍ സിറ്റിയിലെത്തി അതിനുശേഷമുണ്ടായ എട്ടു വര്‍ഷങ്ങള്‍. അതാണ് ദേവിന് മാറ്റങ്ങളുടെ കാലം. ഇന്ന് അവന്‍ ജീവിക്കുന്നത് ഇവിടെയുള്ളതെല്ലാം മറക്കാന്‍ ശ്രമിക്കുന്നതിന്‍റെ ഭാഗമായാണ്.”” ടോം ഒന്നു പറഞ്ഞു നിര്‍ത്തി. അനു ടോമിന്‍റെ വാക്കുകളെ സസൂക്ഷ്മം കേട്ടിരുന്നു. ടോം പിന്നെയും പറഞ്ഞു തുടങ്ങി.

(ദേവിന്‍റെ മൈസൂര്‍ കാലം : ടോമിന്‍റെയും മാലുവിന്‍റെയും വാക്കുകളിലുടെ)

““കൗമാരം ആഘോഷത്തിന്‍റെതാണെന്ന സ്വപ്നം കണ്ടു സ്കുള്‍ ജീവിതത്തിന് ശേഷം കോളേജ് ലൈഫിന്‍റെ കാലെടുത്തു വെച്ച ദിനങ്ങള്‍. പൊതുവേ പണക്കാരുടെ മക്കള്‍ മാത്രം പഠിക്കുന്ന ഈ നഗരത്തിലെ ഒരു പ്രധാന എജിനീയറിംഗ് കോളേജ്. മറ്റു എജിനീയറിംഗ് കോളേജിനെ അപേക്ഷിച്ചു രാഷ്ട്രീയവും അല്ലറചില്ലറ അടിയും പിടിയും റാഗിംഗും എല്ലാം ഞങ്ങളുടെ കോളേജില്‍ കുറച്ചധികമായിരുന്നു.