🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

““അയ്യോ സോറി…. റൂം കാണിച്ചു തന്നില്ലലേ…. വാ….”” ഇത്രയും പറഞ്ഞു മാലു അനുവിന്‍റെ കൈയില്‍ പിടിച്ചു മുന്നോട്ട് നയിച്ചു. അനു അവര്‍ കൊണ്ടുവന്ന ബാഗുകള്‍ എടുത്തു മാലുവിന് ഒപ്പം പോയി.ഹാളിന് ഒരു മുലയ്ക്കു ഉള്ള അടഞ്ഞു കിടക്കുന്ന റുമിനടുത്തേക്ക് അവളെ മാലു നയിച്ചു. വാതില്‍ തുറന്നു കൊടുത്തു മാലു അനുവിന് നേരെ തിരിഞ്ഞു.

““ഇതാണ് ദേവിന്‍റെ റൂം…. തോര്‍ത്തും മറ്റും ബാത്ത്റൂമില്‍ ഉണ്ട്. താന്‍ ഫ്രഷായി വാ…. അപ്പോഴെക്കും ഞാന്‍ കുടിക്കാനെന്തെലും എടുക്കാം…”” മാലു അനുവിന്‍റെ കൈയില്‍ പിടിച്ചുകൊണ്ടു പറഞ്ഞു. അനു ഒരു പുഞ്ചിരിയോടെ അതിന് സമ്മതിച്ചു.

റൂമില്‍ കയറിയ അനു വാതിലടച്ചു പിന്നെ റൂം മൊത്തമായി ഒന്നു നോക്കി. റൂമിന്‍റെ ചുമരില്‍ ഒരു സ്ത്രിയും ആ സ്ത്രിയുടെ പിറകില്‍ നിന്നു അവരുടെ കഴുത്തിലുടെ കൈയിട്ട് നില്‍ക്കുന്ന കൗമാരക്കാരാനായ ദേവിനെയും അനു കണ്ടു. രണ്ടുപേരുടെയും മുഖത്ത് ഒരു ചിരിയുണ്ട്. ആ സ്ത്രിയ്ക്ക് ഭദ്രമ്മയുടെ ഒരു മുഖസാദൃശ്യം ഉള്ളതിനാല്‍ അത് ദേവിന്‍റെ ചിറ്റശ്ശിയാണെന്ന് അനുവിന് മനസിലായി. പിന്നെ ചുമരിന്‍റെ പല ഭാഗത്തും പല ഫോട്ടോ വെച്ചിരുന്നതിന്‍റെ പാട് ഉണ്ടായിരുന്നെങ്കില്‍ ഫോട്ടോ അപ്രത്യക്ഷമായിരുന്നു. അവിടെ മേശയ്ക്കു മുകളില്‍ ഒരു ലാപ്ടോപ് ഇരിക്കുന്നതും അനു കണ്ടിരുന്നു. എന്നാല്‍ അവള്‍ അതിനടുത്തെക്കൊന്നും പോകാന്‍ തോന്നിയില്ല.

അനു കുറച്ച് നേരം അതൊക്കെ നോക്കി നിന്ന ശേഷം ബാഗ് തുറന്നു ഡ്രെസ്സുകളെടുത്തു അവള്‍ ബാത്തുറൂമിലേക്ക് കയറി. കുളി കഴിഞ്ഞ് അല്‍പസമയത്തിനുള്ളില്‍ ഒരുങ്ങി അവള്‍ പുറത്ത് ഹാളിലേക്ക് വന്നു. ഹാളിലെ സോഫയ്ക്കടുത്ത് ആരെയും കാണാതെ അവിടെ ചെന്നു ചുറ്റും നോക്കുമ്പോഴാണ് അടുക്കളയില്‍ നിന്നു ടോമും മാലുവും ഇറങ്ങിവരുന്നതു അവള്‍ കണ്ടതു. മാലുവിന്‍റെ കൈയിലുണ്ടായിരുന്നു ട്രൈയിലെ ഓറഞ്ച് ജ്യുസ് അനുവിന് നേരെ നിട്ടി കൊണ്ടു സോഫയില്‍ ഇരിക്കാന്‍ പറഞ്ഞു. ജ്യുസ് വാങ്ങി ഒരിടത്ത് അനു ഇരുന്നതും മറ്റൊരു സോഫയിലായി രണ്ടുപേരും ഇരുന്നു.

““ഇപ്പോ എത്ര മാസമായി ചേച്ചി….?”” കൈയിലുള്ള ഗ്ലാസില്‍ നിന്നു ഒരു സ്വിപ് എടുത്ത ശേഷം അനു മാലുവിനോട് ചോദിച്ചു.

““ഏഴ് മാസം….”” മാലു കൈ തന്‍റെ വയറില്‍ പിടിച്ചുകൊണ്ടു ചിരിയോടെ പറഞ്ഞു.

““ഇവിടെ നിങ്ങള്‍ രണ്ടുപേരുമെ ഉള്ളു.”” അനു ചോദിച്ചു.

““സെര്‍വെന്‍റസിനെ ഉദ്ദേശിച്ചാണോ ചോദിച്ചേ….?”” ടോം അവര്‍ക്കിടയില്‍ കയറി ചോദിച്ചു.