🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

““അങ്ങനെ ചോദിച്ചാ…. ഇങ്ങനെ സമയത്ത്…. ഒറ്റയ്ക്ക്….””

““ഒറ്റയ്ക്കോ…. ഞാനിവിടെ ചക്രശ്വാസം വലിക്കുന്നത് എനിക്കെ അറിയു…”” ടോം കൈ നെഞ്ചത്തു വെച്ചു മുകളിലേക്ക് നോക്കി കൊണ്ടു പറഞ്ഞു. അതിന് കൈയില്‍ ഒരു നുള്ളല് കൊടുത്തു മാലു പ്രതിഷേതം അറിയുച്ചു.

““ഹൗ….”” പെട്ടെന്ന് തന്നെ ടോമില്‍ നിന്നു ഒരു കരച്ചില്‍ വന്നു. ശേഷം അവന്‍ മാലുവിനെ നോക്കി കണ്ണുരുട്ടി.

““അല്ലാ ചേച്ചിയുടെ കുടുംബക്കാര്‍….?””

““എന്‍റെ പൊന്നു അനഘേ…. ഏഴുമാസമായപ്പോ അവരു കൊണ്ടുപോകാനായി വന്നതാ…. എന്താ ചെയ്യാ… ഇവിടൊരാള്‍ എന്നെയും കൊണ്ടേ പോവു.”” ടോം മാലുവിനെ ഇടംകണ്ണിട്ട് നോക്കികൊണ്ടു പറഞ്ഞു.

““ദേ…. ഇച്ചായാ…. ഞാന്‍ പോയിട്ട് നിങ്ങള്‍ക്ക് ഇവിടെ തനിച്ച് കള്ളുകുടിച്ച് നടക്കാനല്ലേ…. അങ്ങനെയിപ്പോ എന്‍റെ ഇച്ഛായന്‍ സുഖിക്കണ്ട…. പിന്നെ ഇത് ഞാന്‍ ഒറ്റയ്ക്ക് ഉണ്ടാക്കിയെടുത്തത് ഒന്നുമല്ലലോ… അപ്പോ ഇത്തിരി ബുദ്ധിമുട്ടൊക്കെയാവാം….”” മാലു തന്‍റെ വയറിന് മുകളില്‍ കൈ വെച്ചുകൊണ്ടു പറഞ്ഞു.

രണ്ടുപേരും തല്ലുകുടുന്നതു കേട്ടതും അനുവിന് ചിരിയാണ് വന്നതു. അവള്‍ വായുടെ മുകളില്‍ കൈ വെച്ചു ചിരി അടക്കി പിടിച്ചു. അനു ചിരിക്കുന്നതു കണ്ടതും ടോമിനും മാലുവിനും ചെറിയ ചമ്മല്‍ അനുഭവപ്പെട്ടു.

““അത്…. അനഘ ഇതൊന്നും കാര്യമാക്കണ്ടട്ടോ…. ഇതൊക്കെ ഞങ്ങള്‍ക്കിടയില്‍ ഇടയ്ക്ക് ഉണ്ടാവുന്ന വാക്കേറ്റങ്ങളാണ്…. ജെസ്റ്റ് ഫോര്‍ രസം….”” മാലു ചമ്മല് മറച്ചു പിടിച്ചുകൊണ്ടു പറഞ്ഞു.

““എന്നെ അനുന്ന് വിളിച്ചാ മതി… അതാ എനിക്ക് ഇഷ്ടം….”” അനു മാലുവിന്‍റെയും ടോമിന്‍റെയും വിളി ആരോജകമായി തോന്നിയതിനാല്‍ ഇങ്ങനെ പറഞ്ഞു. അതു കേട്ടതും ബാക്കി രണ്ടുപേരുടെയും മുഖം മങ്ങി. പെട്ടെന്നുള്ള അവരുടെ മാറ്റത്തിന്റെ കാര്യം അറിയാതെ അവരെ നോക്കി.

““അല്ലാ…. എന്തു പറ്റി….? രണ്ടാളുടെയും മുഖം മാറിയല്ലോ… അങ്ങനെ വിളിക്കാന്‍ എന്തെങ്കിലും ബുദ്ധിമുട്ടുണ്ടോ….?”” മുന്നിലുള്ളവരുടെ മാറ്റത്തിനുള്ള കാരണമറിയാന്‍ അനു ആകാംഷയായി.

““ദേവ് എപ്പോഴെങ്കിലും അനഘയെ അനു എന്ന് വിളിച്ചിട്ടുണ്ടോ…?”” അനുവിന്‍റെ ചോദ്യത്തിനുള്ള മറുപടി പോലെ ടോം ചോദിച്ചു. അനു ടോമിന്‍റെ മറുചോദ്യത്തെ പറ്റി ആലോചിച്ചു. ആകെ പനി പിടിച്ചു കിടന്നപ്പോള്‍ മാത്രമേ അങ്ങനെ ഒരു വാക്ക് ദേവേട്ടനില്‍ നിന്നു കേട്ടിട്ടുള്ളു. അല്ലാതെ വേളി കഴിഞ്ഞു ഇതുവരെ അനഘ എന്നല്ലാതെ മറ്റൊന്നും വിളിച്ചിട്ടില്ല. അനു ടോമിന്‍റെ ചോദ്യത്തിന് ഇല്ലയെന്നാര്‍ത്ഥത്തില്‍ തലയാട്ടി.

““ആ പേര് ദേവിനും ഞങ്ങള്‍ക്കും എന്നും പ്രിയപ്പെട്ടതാണ്. മരിക്കും വരെ മറക്കാന്‍ പറ്റാത്ത ഒരുപാട് നിമിഷത്തിന്‍റെ….”” ടോം പെട്ടെന്ന് പറഞ്ഞു നിര്‍ത്തി. അനു ടോം പറയുന്നതു കേട്ടിരുന്നു.