🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

പഴയ ഇരയെ കിട്ടിയ സന്തോഷത്തിലായിരുന്നു സീനിയേഴ്സ് അപ്പോള്‍. എന്താടാ… അന്നു  പേടിച്ചോടിയിട്ട് നീ പിന്നെ തിരിച്ചു വന്നിട്ടില്ലെന്ന് കേട്ടല്ലോടാ…. ശരിയാണോടാ…. അവരുടെ കുട്ടത്തിലെ തലവന്‍ ദേവിനോട് ചോദിച്ചു. ദേവ് പതിവു ചിരിയില്‍ മറുപടിയൊതുക്കി. പിന്നെ ബാഗ് തുറന്നു പുതിയൊരു ഓടക്കുഴല്‍ പുറത്തെടുത്തു. അതു കണ്ടതും സീനിയര്‍ ചേട്ടന് കലിയിളകി.

നിനക്ക് കിട്ടിയതൊന്നും പോരെയെന്ന് ചോദിച്ചു അവന്‍ ആ ഓടക്കുഴല്‍ വലിച്ചെടുക്കാന്‍ നോക്കി. എന്നാല്‍ ദേവിന്‍റെ കൈയില്‍ നിന്ന് അതു പിടിച്ചുവാങ്ങാന്‍ അവന് സാധിക്കുന്നുണ്ടായിരുന്നില്ല. ദേവ് ചേര്‍ത്തുപിടിച്ചതെല്ലാം മനുഷ്യന് വേര്‍പിരിക്കുന്നത് ഇത്തിരി ബുദ്ധിമുട്ടായിരുന്നു.

ഡാ… മര്യാദയ്ക്ക് വിട്ടു തന്നോ… എന്നുപറഞ്ഞു സീനിയര്‍ പിന്നേയും വലിച്ചെങ്കിലും ദേവ് അതിലൊന്നും പതറിയില്ല. ദേഷ്യം ഇരച്ചുകയറിയ സീനിയര്‍ അവന്‍റെ നെഞ്ചിന് പിടിച്ചു തള്ളാന്‍ നോക്കിയതും ദേവിന്‍റെ ഭാവം മാറി. അവന്‍റെ മുഖത്ത് നിന്നു പുഞ്ചിരി മാറി പോയിരുന്നു. അടുത്ത നിമിഷം ദേവ് സീനിയറിന്‍റെ നെഞ്ച് നോക്കി ഒരു ചവിട്ടങ്ങ് വെച്ചു കൊടുത്തു. ദേ കിടക്കുന്നു സീനിയര്‍ തെറിച്ചു പോയി ഒരു മരത്തിന്‍റെ ചുവട്ടില്‍. അപ്പോഴും ഓടക്കുഴല്‍ ദേവിന്‍റെ കൈയില്‍ തന്നെ സുരക്ഷിതമായിരുന്നു. ദേവിന്‍റെ മാറ്റം കണ്ട് അന്തംവിട്ടു നില്‍ക്കുകയായിരുന്നു ഞാനും ചുറ്റുമുള്ളവരും.

നിലത്തുവീണ സീനിയര്‍ അടുത്തു നില്‍കുന്ന അനുയായികളോട് ദേവിനെ തല്ലിക്കൊല്ലാനായി ഓഡറിട്ടു. അതിന്‍റെ അനുസരണയെന്ന പോലെ അവിടെയുള്ളവര്‍ ദേവിന് നേരെ ഓടി വന്നു. ദേവാണെല്‍ ഓടക്കുഴല്‍ തിരിച്ചു ബാഗില്‍ വെച്ചു ബാഗ് അവിടെയുള്ള ഒരു ഇരുപിടത്തിലേക്ക് വെച്ചു തനിക്കു നേരെ ഓടി വരുന്നവരെ സുക്ഷിച്ചു നോക്കി.

സത്യം പറഞ്ഞ ഞെട്ടി തരിച്ചു നിന്ന നിമിഷം ആയിരുന്നു അത്. അതിന് മുമ്പ് കണ്ട ദേവില്‍ നിന്നും വ്യത്യസ്തമായി മറ്റൊരു ദേവ്. അവന്‍ അവിടെയ്ക്ക് ഓടി വന്ന മുന്നുനാലെണ്ണത്തിനെയും അവരെ തല്ലുന്നതു കണ്ടു ആള്‍കുട്ടത്തില്‍ നിന്നു കയറി വന്ന മൂന്നെണ്ണത്തിനെയും അറഞ്ഞംപുറഞ്ഞം തല്ലി. തല്ലെന്ന് പറഞ്ഞ അസ്സല്‍ നാടന്‍ തല്ല്…. ആടുതോമയ്ക്ക് കുഞ്ഞച്ചനിലുണ്ടായ നല്ല മാസ് തല്ല്…. വന്നവന്മാരെ എല്ലാം തല്ലിയിട്ട് കഴിഞ്ഞപ്പോഴെക്കും കോളേജിലുള്ള എല്ലായെണ്ണവും അവിടെ എത്തിയിരുന്നു. ചുറ്റും നിന്നവരെ നോക്കി ഇനി സീനിയറിന് വേണ്ടി ചോദിക്കാന്‍ ആരെലുമുണ്ടോ… എന്ന് ദേവിന്‍റെ ഒരു ചോദ്യമുണ്ടായിരുന്നു. ചുറ്റും നിന്നവരില്‍ ഉണ്ടായിരുന്ന സീനിയറുടെ കുട്ടുകാരെല്ലാം തല താഴ്ത്തി നില്‍ക്കുകയല്ലാതെ അനങ്ങിയതുപോലുമില്ല.