🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

അങ്ങനെ കളിയും ചിരിയും പ്രണയവും കൊച്ചുകൊച്ചു വഴക്കുകളുമായി ഞങ്ങളുടെ കോളേജ് ജീവിതം അവസാനിച്ചു. ഒരുപാട് ഓര്‍മ്മകളും സന്തോഷനിമിഷങ്ങളും ചെറിയ തല്ലുംപിടിയുമൊക്കെയായി കുറച്ചധികം നാളുകളുടെ അവസാനമായിരുന്നു അത്. പിന്നെ മുന്നില്‍ ജോലി, ജീവിതം, കല്യാണം ഒക്കെയായിരുന്നു. ഒരുപാട് സ്വപനങ്ങള്‍ കണ്ടുകൊണ്ടു ഒരുപാട് പേരെ പോലെ ഞങ്ങളും കലാലയ ജീവിതത്തോട് വിട പറഞ്ഞു. ക്യാമ്പസ് ഇന്‍റര്‍വ്യു വഴി നല്ല ടോക്നോ കമ്പനിയില്‍ ഞങ്ങള്‍ക്കെല്ലാം സെഷക്ഷന്‍ കിട്ടിയെങ്കിലും പരസ്പരം പിരിയേണ്ടിവരുമെന്ന സങ്കടത്തില്‍ ഞങ്ങള്‍ അതു വേണ്ട എന്നു വെച്ചു.

ഫാമിലിയുമായി പിരിഞ്ഞു ജീവിക്കുന്നത് ദേവിനും അനുവിനും സങ്കടമായിരുന്നു.
ക്ലാസും എക്സാം എല്ലാം കഴിഞ്ഞു ഞങ്ങളും ഞങ്ങളുടെ കുറച്ചു കുട്ടുകാരും കുടെ ഒരു റോഡ് ട്രീപ്പിന് പോയി. നോര്‍ത്ത് ഈസ്റ്റ് സംസ്ഥാനങ്ങളില്‍ നിന്നു തുടങ്ങി ഷിംലയും കാശ്മിരും ഒക്കെ ചുറ്റിയടിക്കുന്ന ഒരു വലിയ യാത്ര. ഇവളും ഞാനും ദേവും അനുവും എല്ലാം ഉണ്ടായിരുന്നു. ഇവരുടെ നിര്‍ബന്ധത്തിനും വാശിയ്ക്കും മുന്നില്‍ അത്ര സന്തോഷത്തോടെയല്ലെങ്കിലും ഇവരുടെ പപ്പമാര് സമ്മതിച്ചതായിരുന്നു. അങ്ങനെ ഏകദേശം ഒരു മാസത്തോളം നീളുന്ന ട്രീപ്പ് സന്തോഷത്തോടെ അവസാനിച്ചു. അതിന് ശേഷമാണ് പ്രശ്നങ്ങള്‍ തുടങ്ങുന്നത്….

ഞങ്ങളുടെ ട്രീപ്പ് കഴിഞ്ഞതും എനിക്കോ ദേവിനോ ആര്‍ക്കോ ഇവളോട് അതിരുകടന്ന ബന്ധമുണ്ടെന്ന് ഇവളുടെ പപ്പയുടെ ചെവിയില്‍  ആരോ എത്തിച്ചു. സംശയം തോന്നിയ പപ്പ ഇവളോട് തന്നെ ചോദിച്ചു. പപ്പയുടെ ദേഷ്യത്തോടെയുള്ള വാക്കുകളും കേട്ടതോടെ പേടിച്ചു ഇവള് സത്യം പറഞ്ഞു. അതോടെ ഇവള്‍ വീട്ടുതടങ്കലിലായി. ഞങ്ങള്‍ രണ്ടു മുന്നു ദിവസം ഞാനും ദേവും അനുവും സ്ഥിരം വിളിച്ചെങ്കിലും ഇവളുടെ ഫോണ്‍ സ്വിച്ച് ഓഫായിരുന്നു. അവസാനം എന്നും എന്‍റെ പ്രശ്നത്തിന് സോലുഷനുമായി എത്തുന്ന ദേവിനെ ഇവളെ പറ്റി അന്വേഷിക്കാന്‍ പറഞ്ഞുവിട്ടു.

പക്ഷേ അവന്‍ അന്വേഷിക്കാന്‍ പോയിട്ട് തിരിച്ചു വന്നത് ഇവളെ പൊക്കികൊണ്ടായിരുന്നു. അന്ന് എനിക്ക് അതുകണ്ടു പകച്ചു നില്‍ക്കാനെ പറ്റിയുള്ളു. പിന്നെ ഇവളുടെ കരച്ചിലായി പ്രശ്നം പറയലായി. ഇറങ്ങി വരാനുള്ള കാരണം പറച്ചിലായി ആകെ ഒരു വല്ലാത്ത അവസ്ഥയായിരുന്നു. അവസാനം ഇവളെ വിട്ടുകൊടുക്കില്ല എന്ന സ്ഥിതിയിലായി ഞാന്‍. അന്ന് ഞങ്ങളെ അന്വേഷിച്ചു ഇറങ്ങിയ ഇവളുടെ പപ്പയുടെയും അങ്ങേരെ ഗുണ്ടകളുടെയും അടുത്തു നിന്നു സേഫായാ ഒരിടത്തേക്ക് ഞങ്ങളെ മാറ്റി രാവിലെ രജിസ്ട്രര്‍ ഓഫിസില്‍ കൊണ്ടുപോയി രജിസ്ട്രര്‍ മാര്യേജ് കഴിയും വരെ അവന്‍ കുടെയുണ്ടായിരുന്നു. പിന്നെ ഞങ്ങളെ അവിടെയുള്ള ഒരു ലോഡ്ജില്‍ നിര്‍ത്തി പുറത്തേ കാര്യങ്ങളറിയാന്‍ അവന്‍ തനിച്ചു പോയി.