🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

ശേഷം ദേവ് ബാഗെടുത്തു അതില്‍ നിന്ന് ഓടക്കുഴല്‍ എടുത്തു നിലത്തുകിടക്കുന്ന സീനിയറുടെ അടുത്തേക്ക് നടന്നുചെന്നു. അത്രയും നേരത്തെ അവന്‍റെ തല്ലു കണ്ടു പേടിയോടെ കിടക്കുകയായിരുന്നു അവനപ്പോ. ദേവ് അവനടുത്ത് ചെന്നു അവനെ പിടിച്ചെഴുന്നേല്‍ക്കുകയും ശേഷം ആ ഓടക്കുഴല്‍ അവന് നേരെ നീട്ടി.

സീനിയര്‍ അതിശയത്തോടെ ദേവിനെ നോക്കി. വാങ്ങിക്ക് എന്നു പറഞ്ഞു ദേവ് ഓടക്കുഴല്‍ സീനിയറുടെ കൈയിലേക്ക് വെച്ചുകൊടുത്തു. കൈയിലുള്ള ഓടക്കുഴലിലേക്കും ദേവിന്‍റെ മുഖത്തേക്കും മാറി മാറി നോക്കിക്കൊണ്ടിരുന്നപ്പോ ദേവ് അവനോട് അത് വായിക്കാന്‍ പറഞ്ഞു. കേട്ടത് വിശ്വസിക്കാനാവതെ എനിക്ക് വായിക്കനറിയില്ല എന്നു പറഞ്ഞു തീര്‍ന്നതും ദേവിന്‍റെ കൈ സീനിയറുടെ കവിളത്ത് പതിച്ചു. ദേവിന്‍റെ മുഖത്ത് ദേഷ്യം വര്‍ദ്ധിച്ചു വന്നിരുന്നു. ദേവ് വീണ്ടും വായിക്കാന്‍ പറഞ്ഞതും പേടി കാരണം സീനിയര്‍ ഓടക്കുഴല്‍ വായില്‍ വെച്ചു ഊതി. അടുത്ത നിമിഷം ഓടക്കുഴലില്‍ നിന്ന് അപശ്രൂതി കേട്ടതും ദേവിന്‍റെ കൈ സീനിയറുടെ അടുത്ത കവിളില്‍ പതിച്ചു. പിന്നെയങ്ങോട്ട് അടിയോട് അടിയായിരുന്നു. വായിച്ചാലും അടി, വായിച്ചില്ലേലും അടി. ദേവ് ഒരുമാതിരി സൈക്കോകളെ പോലെ തല്ല് തുടര്‍ന്നുകൊണ്ടെയിരുന്നു. ഠേ….ഠോ…. എന്ന ശബ്ദവും സീനിയറുടെ കരച്ചിലും മാത്രം അവിടെ കേട്ടിരുന്നുള്ളു.

എന്നാല്‍ ഈ സമയത്താണ് ലേഡിസിന്‍റെ സൈഡിലായി പേടിയോടെയും സങ്കടത്തോടെയും ദേവിന്‍റെ പ്രവൃത്തി കണ്ടുകൊണ്ടിരിക്കുന്ന ഒരു ഉണ്ടക്കണ്ണിയെ ഞാന്‍ കാണുന്നതു. സത്യം പറഞ്ഞ കവിളത്ത് അടി കൊടുത്തു തുടങ്ങിയ ശേഷം ഞാന്‍ ആകെ കണ്ടതു ആ പേടിയും ഭയവും നിറഞ്ഞ ഉണ്ടകണ്ണുകള്‍ മാത്രമായിരുന്നു.””

““ആരായിരുന്നു അത്…..?”” അനു ടോമിന്‍റെ കഥ പറച്ചിലിനിടയില്‍ കയറി ചോദിച്ചു.

““ആ ഉണ്ടക്കണ്ണിയാണ് ഇപ്പോ എന്‍റെ അടുത്തിരിക്കുന്നതു….”” ടോം മാലുവിനെ ചുണ്ടി പറഞ്ഞു.

““ആഹാ….! ചേച്ചിയായിരുന്നോ അത്….!!! ചേച്ചി അടിപിടിയൊക്കെ പേടിയാണല്ലേ….”” അനു മാലുവിനെ നോക്കി ചോദിച്ചു.

““സ്വന്തം ചേട്ടായിയെ തല്ലുന്നതു കണ്ടാ പിന്നെ ഞാന്‍ കൈകൊട്ടി ചിരിക്കണോ…?”” മാലു അല്‍പം ദേഷ്യം കാണിച്ചു അനുവിനോട് ചോദിച്ചു.

““ങേ….! അപ്പോ ആ സീനിയര്‍….?””

““അതെ…. അതെന്‍റെ സ്വന്തം ചേട്ടായിയാണ്. ജിന്‍റോ ജെക്കബ്…”” മാലു ദുഃഖത്തോടെ പറഞ്ഞു. അനു സംശയങ്ങള്‍ മാറാതെ ടോമിനെ വീണ്ടും നോക്കി. അതു കണ്ടു ഒരു ചിരിയോടെ ടോം ബാക്കി കഥ പറഞ്ഞു തുടങ്ങി.