🌞 ഋതുഭേദങ്ങൾ 🌧️ 07 [ഖല്‍ബിന്‍റെ പോരാളി 💞] 849

““യ്യോ… ന്‍റെ ഇശോയെ….. ഇത് എന്നാ പറ്റിയതാടാ….”” കൈയിലെ മുറിവിലേക്ക് നോക്കികൊണ്ടു അവള്‍ ചോദിച്ചു.

““അത് ചെറിയൊരു അടിപിടി….”” ദേവ് ചിരിച്ചുകൊണ്ടു മറുപടി പറഞ്ഞു.

““ഓ… വന്നപ്പോഴെക്കും തുടങ്ങിയല്ലേ…. നിയൊന്നും നന്നാവില്ലടാ….”” അവള്‍ ശാസന കലര്‍ന്ന സ്വരത്തില്‍ പറഞ്ഞു.

““എന്‍റെ പൊന്നു മാലാഖ കൊച്ചെ, ഇങ്ങനെ വന്ന കാലില്‍ നിര്‍ത്താതെ ഞങ്ങളെയൊന്നു അകത്തേക്ക് വിളിച്ചുടെ…”” ദേവ് അവളോട് ചോദിച്ചു.

““അയ്യടാ…. നിന്‍റെ വിട്ടിലേക്ക് ഞങ്ങളെന്തിനാ വിളിച്ചു കയറ്റുന്നെ…. വേണേല്‍ കയറി പോര്….”” അവള്‍ തിരിച്ചടിച്ചു. അപ്പോഴാണ് ദേവിനടുത്തായി തന്നെ അന്യഗ്രഹജിവിയെ പോലെ നോക്കികൊണ്ടിരിക്കുന്ന അനുവിന് അവള്‍ കാണുന്നത്.

““അയ്യോ…. ഇവനെ കണ്ടു കുശലം പറഞ്ഞു അനഘയെ ഞാനങ്ങ് മറന്നു പോയി…. വാ…. അകത്തിരിക്കാം….”” അത്രയും പറഞ്ഞു അവള്‍ അനുവിന്‍റെ കൈ പിടിച്ചു അകത്തേക്ക് കൊണ്ടു പോയി. കുടെ ദേവും സമറും. അകത്ത് കയറിയ അവള്‍ അനുവിനെ ഹാളിലുള്ള സോഫയില്‍ ഇരുത്തി. അനു ഇപ്പോഴും എന്തോക്കെയാ നടക്കുന്നതെന്ന് മനസിലാവാതെ ഓരൊരുത്തരെയും നോക്കി നില്‍ക്കുകയാണ്. ആ സമയം ദേവും അനുവും കൊണ്ടുവന്ന ബാഗ് സമര്‍ അനുവിനടുത്ത് വെച്ചു.

““നിന്‍റെ ഇച്ഛായന്‍ എന്തിയെടീ….”” ദേവ് അവളോട് ചോദിച്ചു. അവന്‍റെ ഭാഷശൈലിയിലെ മാറ്റം കേട്ട് അനു ദേവിനെ സുക്ഷിച്ചു നോക്കി.

““നിങ്ങള് വരുന്നതിന് തൊട്ട് മുമ്പ് കുളിക്കനായി കയറിയതാ… പേടിക്കണ്ട…. കാക്കകുളിയാ…. ദേ പോയി ദാ വന്നു….”” അവള്‍ മറുപടിയായി ചിരിയോടെ പറഞ്ഞു. അവളുടെ ചിരിയില്‍ അതു കേട്ടു ദേവും സമറും പങ്കുചേര്‍ന്നു.

““സമറിക്ക ഇരിക്ക്, ഞാന്‍ ജ്യൂസെടുക്കാം….”” അവള്‍ സമറിനോട് പറഞ്ഞു.

““വേണ്ട മോളെ…. സമയമില്ല…. ദേ ദേവായെ ഹോസ്പിറ്റലില്‍ കാണിക്കാന്‍ പോണം….””

““നമ്പുരീച്ചോ…..”” പെട്ടെന്ന് റൂമില്‍ നിന്ന് ഒരു വിളി കേട്ടു. അതു കേട്ട് എല്ലാവരുടെയും ശ്രദ്ധ അങ്ങോട്ട് പോയി. റൂമിന്‍റെ വാതില്‍ തുറന്നു ദേവിനോട് സമപ്രായം തോന്നിക്കുന്ന ഒരു ആള്‍ പുറത്തേക്ക് വന്നു. ടീ ഷര്‍ട്ടും ഷോര്‍ട്ട്സുമാണ് വേഷം. കണ്ണിന് മുകളില്‍ ഒരു കണ്ണടയുണ്ട്. നല്ല വെളുത്ത വട്ടമുഖം. അനു അയാളെ സുക്ഷിച്ചു നോക്കി. എവിടെയോ കണ്ടപോലെ അവള്‍ക്ക് തോന്നി.

““കള്ള നസ്രാണി…. നീ കുളിക്കാനൊക്കെ തുടങ്ങിയോ….”” ദേവ് റൂമില്‍ നിന്ന് വന്നവനെ നോക്കി ചോദിച്ചു.

““ഇത് എന്ന പറ്റിയെതാടാ….”” ദേവ് കൈയിലെ കെട്ട് കണ്ടു വന്നവന്‍ ചോദിച്ചു.

““അത് ചെറിയൊരു അടിപിടി…..”” ദേവ് മറുപടി നല്‍കി.