Returner [Arrow] 1828

” ഫയർ ” soldiers ന്റെ ക്യാപ്റ്റൻ എന്ന് തോന്നിക്കുന്നയാൾ അലറി. തുരു തുരെ വെടി ഉയർന്നു. എല്ലാം അവസാനിച്ചു എന്നാണ് വിചാരിച്ചത്.

[ Barrier ] ലിസ് ന്റെ ശബ്ദം കേട്ട് ഞാൻ കണ്ണ് തുറന്നു,  അന്നേരം എന്റെ മുന്നിൽ നീല നിറത്തിലെ ചില്ല് പോലെ ഉള്ള ഒരു ഭിത്തി ഉണ്ട് അതിൽ തട്ടി വന്ന ബുള്ളറ്റ് ഒക്കെ താഴെ വീണു.

[ Light Blast ] പെട്ടന്ന് ബാരിയർന് അപ്പുറം കണ്ണഞ്ചുന്ന വെട്ടം വന്നു. അവർ എല്ലാരും കണ്ണു കാണാൻ പറ്റാതെ ഇരുന്നുപോയി.

” ലിസ് നീ വേഗം പോവാൻ നോക്ക് ” ഞാൻ അവളോട്‌ പറഞ്ഞു. അവൾ magic സ്റ്റോൺ കയ്യിൽ എടുത്തു അവളുടെ കയ്യിൽ നിന്ന് പച്ച വെളിച്ചം സ്റ്റോണിലേക്ക് ഇറങ്ങി. സ്റ്റോൺ അന്തരീക്ഷത്തിൽ ഉയർന്നു. പെട്ടന്ന് ആണ് ലിസ് ന്റെ പുറകിൽ ഒരാൾ വന്നത്. ഒരു ഗ്ലാസ് ഒക്കെ ധരിച്ച ബുൾഗാൻകാരൻ. അയാൾ ആണ് നേരത്തെ ലിസ് നെ രക്ഷപെടാൻ അനുവദിക്കരുത് എന്ന് പറഞ്ഞത്. ഒരു പക്ഷെ സയന്റിസ്റ്റ് ആവണം. അയാൾ ലിസ് നെ പുറകിൽ പിടിച്ചു വലിച്ചു.

” ലിസ് ” എന്നും വിളിച്ചോണ്ട് ഞാൻ മുന്നോട്ട് ആഞ്ഞു, ഞാൻ magic സർക്കിളിന്റെ ഉള്ളിലും ലിസ് വെളിയിലും ആയി. പെട്ടന്ന് അന്തരീക്ഷത്തിൽ ഉയർന്നു നിന്ന സ്റ്റോൺ തിളങ്ങി അതിൽ നിന്നും ചുവന്ന പ്രകാശം വന്നു. അത് magic സർക്കിളും പ്രതിഭലിപ്പിച്ചു. മറ്റൊന്നും കാണാൻ പറ്റാത്ത തരത്തിൽ ശക്തമായ പ്രകാശം എന്റെ ചുറ്റും നിറഞ്ഞു. ഞാൻ കണ്ണുകൾ ഇറുക്കി അടച്ചു. പിന്നെ കണ്ണ് തുറന്നപ്പോൾ ഞാൻ ഒരു ഗുഹക്ക് ഉള്ളിൽ കിടക്കുകയാണ്. മൂന് ചുറ്റിനും പാറക്കെട്ടുകൾ, ഒരു സൈഡിൽ നീണ്ടു കിടക്കുന്ന വഴി, ഞാൻ ആ വഴിയേ നടന്നു. എത്ര നടന്നിട്ടും ഗുഹ അവസാനിക്കുന്നില്ല. ഇതാവണം ലിസ് പറഞ്ഞ dungeon. കുറേ നടന്നപ്പോൾ ദൂരെ നിന്ന് നല്ല വെളിച്ചം വരുന്നത് കണ്ടു. ഞാൻ അങ്ങോട്ട് ഓടി. അവിടെ എത്തിയപ്പോൾ ഞാൻ നിൽക്കുന്നത് ഒരു പാറക്കെട്ടിന്റെ മുകളിൽ ആണെന്ന് മനസ്സിലായി. പാറക്കെട്ടിനു താഴെ കല്ല് പാകിയ തറയാണ് രണ്ടു സൈഡിലും കൊത്ത് പണികൾ ഒക്കെഉള്ള, കല്ലുകൊണ്ട് തീർത്ത ഭിത്തി, വലിയ ഒരു  ഹാൾ പോലെ അത് അങ്ങനെ കണ്ണെത്താ ദൂരത്തൊളളം നീണ്ടു കിടക്കുന്നു. മുകളിൽ ഒരു നാലു തെങ്ങിന്റെ എങ്കിലും പൊക്കത്തിൽ കല്ലുകൊണ്ട് തന്നെ ഉള്ള സീലിംഗ് ആണ്, ഭിത്തിയിൽ ഒക്കെ പന്തം പിടിപ്പിച്ചു വെച്ചിട്ടുണ്ട് അത് വെളിച്ചം പരത്തി കൊണ്ട് ഇരിക്കുന്നു.

താഴെ എന്തോ അനക്കം കേട്ട് ആണ് ഞാൻ ആണ് പാറക്കെട്ടിന്റെ തുഞ്ചത്തുനിന്ന് താഴേക്ക് എത്തി നോക്കിയത്. അന്നേരം കണ്ട കാഴ്ച….. ഞാൻ പേടിച്ചു പുറകിലേക്ക് ആഞ്ഞു പോയി. ഒരു കൂട്ടം ചെന്നായകൾ എന്തോ കൂട്ടം കൂടി നിന്ന് തിന്നുകയാണ്. ഞാൻ ധൈര്യം വീണ്ടെടുത്ത് ഒന്ന് കൂടി നോക്കി. പെട്ടന്ന് ഒരു ചെന്നായ എന്തോ കടിച്ചു കുടഞ്ഞു. ഒരാളുടെ കൈ ആയിരുന്നു അത്.

ഞാൻ ഞെട്ടി അവിടെ ഉണ്ടായിരുന്ന ഒരു പാറയിൽ പിടിച്ചു. അന്നേരം അത് ഒന്ന് അനങ്ങി പിന്നേ വലിയ ശബ്ദത്തോടെ ആ പാറ ഇടിഞ്ഞു താഴേക്ക് വീണു. ഞാൻ പുറകിലേക്ക് മാറിയത് കൊണ്ട് താഴെ വീണില്ല. ആ പാറ ഒക്കെ കൂടി ആ ചെന്നായകളുടെ ദേഹത്തുവീണു. കൊറേ എണ്ണം അപ്പോഴേ ചത്തു ബാക്കി ജീവനും കൊണ്ട് ഓടി.

[ You have slain a pack off Red Wolfs ] [ You have slain Red Wolf leader ] [ You  Leveled up +1] [ You  Leveled Up+1] [ You Leveled Up +1] [ You Leveled Up +1]

എന്റെ കണ്ണിന്റെ മുന്നിൽ ട്രാൻസ്പരന്റ് ആയിട്ടുള്ള നീല ബോക്സുകളും അതിൽ കൊറേ വാചകങ്ങളും തെളിഞ്ഞു വന്നു അടുത്ത നിമിഷം അത് മറയുകയും ചെയ്തു.