?കരിനാഗം 8? [ചാണക്യൻ] 384

അടുത്തെവിടെയോ ഒരു അരുവി ഒഴുകുന്നതിന്റെ കള കള ശബ്ദം.

ആ വനത്തിന്റെ മധ്യത്തിലായി വലിയൊരു കൽ മണ്ഡപം സ്ഥിതി ചെയ്യുന്നു.

കാടും വള്ളി പടർപ്പുകളാലും മൂടപ്പെട്ട ആ മണ്ഡപത്തിന്റെ തൂണുകൾ മിക്കതും ദ്രവിച്ചിരുന്നു.

ആ കൽ മണ്ഡപത്തിന്റെ മധ്യത്തിലായി പൊടുന്നനെ രുദ്രരൂപ പ്രത്യക്ഷപ്പെട്ടു.

ഉടനെ തന്നെ അവൾ ആ മണ്ഡപത്തിന്റെ ഉള്ളറകളിലേക്ക് കടന്നു.

അവിടെ വിസ്താരമുള്ള ഒരു അറയിൽ അവൾ എത്തി ചേർന്നു.

ആ അറയിൽ ചുറ്റിനുമായി തന്റെ ഭീമകരമായ ഉടൽ പ്രദർശിപ്പിച്ചുകൊണ്ട് നീണ്ടു പരന്നു കിടക്കുക്കുകയാണ് ഒരു വൃദ്ധനായ സർപ്പം.

ആ സർപ്പത്തിന്റെ മനുഷ്യ ഉടൽ ശോഷിച്ചതും ചർമം ശുഷ്‌ക്കിച്ചതുമായിരുന്നു.

ആ സർപ്പം തന്റെ ഉപ്പിലി പൊഴിച്ചു യൗവനം വീണ്ടെടുക്കുന്നതിനായി മാസങ്ങളായി ആ അറയിൽ നിരാഹാരമായി കിടക്കുന്നു.

എല്ലാ സർപ്പങ്ങളും ശതകങ്ങൾ തോറും ഇതുപോലെ ഓരോ തവണ വീതം ഉപ്പിലി പൊഴിക്കുന്നു.

ശേഷം പഴയ ആരോഗ്യവും പുതിയ ചർമവും ലഭ്യമാകുന്നു.

അവിടെ കിടക്കുന്ന വൃദ്ധനായ സർപ്പം രുദ്രരൂപയുടെ ഗുരുവാണ്.

അവൾ ദുഷ് കർമങ്ങളും ആഭിചാരങ്ങളും മറ്റും സ്വായത്തമാക്കിയത് ആ വൃദ്ധനായ സർപ്പത്തിൽ നിന്നുമാണ്.

അദ്ദേഹത്തെ കണ്ടതും രുദ്രരൂപ കൈകൾ കൂപ്പി വണങ്ങി.

ദൈവമായ വാസുകിയും ഗുരുവായ ഈ വൃദ്ധ സർപ്പവും പിതാവായ കാളിയനും മാത്രമേ ശക്തിശാലിനിയായ രുദ്രരൂപയുടെ പ്രണാമം ഇതുവരെ നേടിയിട്ടുള്ളു.