💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

 

…………………………….

 

 

കോളേജിൽ നിന്ന് കഷ്ടിച്ച് അരകിലോമീറ്റർ ആണ് മെൻസ് ഹോസ്റ്റൽ . രാഹുൽ അവിടെ കയറി തന്റെ ഡ്രസ് അടങ്ങിയ ബാഗും എടുത്ത ശേഷം അവർ വീട്ടിലേക്ക് തിരിച്ചു.

 

…………..

 

” എന്തായിരുന്നു കൂട്ടുകാരിയോട് ഇത്രയക്ക് സംസാരിക്കാൻ . നിങ്ങൾ പെട്ടെന്ന് കൂട്ടായോ …. ?”

 

രാഹുൽ ബുള്ളറ്റ് ഓടിക്കുന്നതിനിടയ്ക്ക് ഗീതുവിനോട് ചോദിച്ചു.

 

 

” പിന്നെ പെട്ടെന്ന് കൂട്ടായി ….. അവൾ പാവമാ …… ഒരു പാട് സംസാരിക്കുന്ന ടൈപ്പ് , എനിക്ക് ഒത്തിരി ഇഷ്ടപ്പെട്ടു അവളുടെ ക്യാരക്ടർ . അവൾ കോളേജിലേക്ക് രാവിലെ വന്നപ്പോൾ ചേട്ടായി അവന്മാരെ തല്ലുതാ കണ്ടത് , അതൊക്കെ കണ്ട് ചെറുതായിട്ട് പേടിച്ചു എന്ന് പറഞ്ഞു . പിന്നെ ഇപ്പൊ ആദിഷ സംസാരിച്ചത് ചേട്ടായിയെ കുറിച്ചായിരുന്നു . ”

 

ഗീതു ഒരു കള്ള ചിരിയോടെ പറഞ്ഞു .

 

 

” എന്നെ കുറിച്ചോ എന്ത് …..? ”

 

രാഹുൽ ആകാംഷപൂർവ്വം ചോദിച്ചു .

 

 

” ചേട്ടായി ഭയങ്കര ദേഷ്യക്കാരനാണോ അവൾ ചിരിച്ചിട്ട് ഒന്ന് നന്നായി ചിരിക്കുക പോലും ചെയ്തില്ല …. പിന്നെ ചേട്ടായിയുടെ ഫ്രണ്ട്സ് ഒക്കെ അവളോട് സംസാരിച്ചു പരിചയപ്പെട്ടു പക്ഷെ ചേട്ടായി മാത്രം ഗൗരവം കാണിച്ച് മസ്സിലും പിടിച്ച് ഇരുന്നു , അവളുടെ മുഖത്ത് പോലും നേരെ നോക്കീല എന്നൊക്കെ . ”

 

ഗീതു അതും പറഞ്ഞ് ചിരിക്കാൻ തുടങ്ങി …..

 

 

” അവൾക്ക് വട്ടാ …… എന്നിട്ട് നീ എന്തു പറഞ്ഞു …… ?”

 

രാഹുൽ ചോദിച്ചു .

 

 

” ഇതൊക്കെ ഞാൻ ചേട്ടായിയോട് പറയാം എന്ന് പറഞ്ഞു അപ്പൊ അവൾ പറയുവാ …. വേണ്ട ….വേണ്ട പ്ലീസ് ….പറയരുത് … ഞാൻ വെറുതെ പറഞ്ഞതാ … എന്നൊക്കെ …. ”

 

ഗീതു അതു പറഞ്ഞതും രണ്ടു പേരും ഒരുമിച്ച് ചിരിച്ചു .