പത്താം ? തീയാട്ട് [Sajith] 214

പിറ്റേന്ന് കോളേജ് കണ്ടത് രണ്ട് സീറ്റിൻ്റെ ഭൂരിപക്ഷത്തോടെ അനസ് യൂണിയൻ പിടിക്കുന്നതാണ്. മറ്റുള്ള സംഘടനാ പ്രവർത്തകർ ആകെ ആശയ കുഴപ്പത്തിലായി എങ്ങനെ സംഭവിച്ചെന്ന് ഒരു പിടിയുമില്ല. 

ഒരാഴ്ചയ്ക്ക് ശേഷം പാർട്ടിയിൽ നിന്ന് തന്നെ റിപ്പോർട്ട് കിട്ടി. ആരൊക്കെയാണ് കൂടെ കൂടിയതെന്നും എത്ര തുകയ്ക്കെന്നും അടക്കമുള്ള ഡീറ്റെയിൽസ് കിട്ടി. 

*******************

കാലത്തെ ബസിറങ്ങി കോളേജിലേക്ക് നടന്നു വരികയായിരുന്നു അയന. ഗേറ്റ് കടന്ന് ഉള്ളിലേക്ക് കയറിയ അവളെ സജാദ് തടഞ്ഞു നിർത്തി കൂടെ കൊറച്ച് യൂണിറ്റ് അംഗങ്ങളും. 

“”നീ അനസിൻ്റൊപ്പം കൂട്ട്കൃഷി തൊടങ്ങിയതൊക്കെ ഞാനറിഞ്ഞു…””,””നിൻ്റെ ഒരു സീറ്റിൻ്റെ ബലത്തിലല്ലേ അവര് നെഗളിക്കണെ.…””,””മത്സരിച്ച് തോക്കാണങ്കി ഞാൻ പോട്ടേന്ന് വെച്ചേനെ..””,””പൈസക്ക് നീ അവൻ്റെ ഒപ്പം നിക്കുന്ന്ണ്ടായിര്ന്നങ്കി അവൻ തന്നതിൻ്റേം കൂടുതൽ ഞാൻ തന്നേന്നു..””,

ഒരു വഷള് ചിരിയോടെ അവനത് പറഞ്ഞതും അയനയുടെ കണ്ണ് ചെറുതായി കലങ്ങി. അത് കണ്ട് സജാത് ഒരു ചിരിയോടെ അയനയുടെ അടുത്തേക്ക് വന്നു. അവള് പേടിച്ച് പൊറകിലേക്ക് നിന്നു. 

പെട്ടന്ന് കോളേജിൽ ബെല്ല് മുഴങ്ങി. സജാദിനെ ഒരു വെറുപ്പോടെ നോക്കികൊണ്ട് അവള് വേഗം ക്ലാസിലേക്ക് നടന്നു. അവൾക്ക് വല്ലാണ്ട് സങ്കടം വന്നു. കൂട്ടുകാരെല്ലാം പറഞ്ഞത് കൊണ്ടാണ് ഇലക്ഷന് നിന്നത്. അവര് സപ്പോർട്ട് ചെയ്ത് ജയിപ്പിക്കുകയും ചെയ്തു. അപ്പൊ ആ സീറ്റിൽ ഇരുന്നു കൊണ്ട് ഒറ്റക്ക് ഒരു തീരുമാനവും എടുക്കാൻ അവൾക്ക് കഴിയില്ല. ഭാക്കി ഉള്ളവരോട് കൂടി ചോദിക്കണം. അവരുടെ എല്ലാവരുടെയും അഭിപ്രായത്തിലാണ് അനസ് വന്നപ്പൊ കൂടെ നിൽക്കാമെന്ന് പറഞ്ഞതും. 

അയന നേരെ ക്ലാസിൽ കയറി ഡെസ്ക്കിൽ തലവെച്ച് കിടന്നു. കണ്ണ് കലങ്ങി. ഇടക്കിടയ്ക്കുള്ള അവളുടെ ഏങ്ങലടി കേട്ട് കൊണ്ട് അടുത്തിരുന്ന കുട്ടി കാര്യം തിരക്കി. അവള് നടന്നതെല്ലാം കരഞ്ഞോണ്ട് തന്നെ പറഞ്ഞു. 

അയനയ്ക്ക് ചുറ്റും എല്ലാവരും കൂടിയിരുന്നു. ക്ലാസിലെ ആൺകുട്ടികളും പെൺകുട്ടികളും എല്ലാം അയന പറയുന്നത് കേട്ടു. തങ്ങൾ പറഞ്ഞിട്ടാണ് അവളങ്ങനെ ചെയ്തതെന്ന് എല്ലാവർക്കും അറിയുന്ന കാര്യമാണ്. ക്ലാസിലെ രണ്ട് പയ്യന്മാർ കോളേജിലെ ടോപ്പ് ഫ്ലോറിലെ യൂണിയൻ സെൻ്ററിലെത്തി. 

യൂണിയൻ ഇനാഗുറേഷൻ കഴിഞ്ഞ് രണ്ടുമൂന്ന് ദിവസം പിന്നിട്ടു. അടുത്തത് ആർട്സ് സ്പോർട്സ് ഡേയാണ്. ഏകദേശം ഒരാഴ്ച്ചത്തെ പരിപാടികളാണ് രണ്ടും കൂടി. രണ്ട് ദിവസത്തെ ആർട്സും മൂന്ന് ദിവസത്തെ സ്പോർട്സും.