പത്താം ? തീയാട്ട് [Sajith] 214

“”മുറിവൊക്കെ ഒണങ്ങിയോ…””,

കുഞ്ഞൂട്ടൻ്റെ കുറ്റിരോമം വരുന്ന തലയിലൊന്നവൾ നോക്കി. എന്നിട്ട് ചോദിച്ചു.

“”ആഹ്… മാറി..””,””ഇപ്പൊ ഒരു മാസം ആവാറായില്ലേ…””,

സ്നേഹ ഒന്ന് പുഞ്ചിരിച്ചു.

“”നീ ഇന്ന് എന്തു പറ്റി വൈകിയോ…””

ഒന്നും മിണ്ടാതെ തല കുനിച്ച് നടക്കുന്ന സ്നേഹയോട് കുഞ്ഞൂട്ടൻ ചോദിച്ചു. ആകാംക്ഷയോടെ അവള് കുഞ്ഞൂട്ടനെ ഒന്ന് നോക്കി. എന്നിട്ടൊന്ന് ചിരിച്ചു.

“”അത്..””,””ഞാൻ നമ്മടെ ശരണ്യയെ കാത്ത് നിൽക്കായിരുന്നു…””,””ഒന്നിച്ച് പൂവാൻ..””,

ശരണ്യ ഒരേ ക്ലാസിലുള്ളതാണ് സ്നേഹയുടെ വീടിൻ്റെ അടുത്ത് തന്നെയാണ് ശരണ്യയും താമസം..

കുഞ്ഞൂട്ടനും സ്നേഹയും ഒരു മാസത്തെ വിശേഷങ്ങളും മറ്റും സംസാരിച്ച് കോളേജിലേക്ക് നടന്നു. പഠനത്തിൻ്റെ കാര്യങ്ങളും ടീച്ചർമാരുടെ വിശേഷങ്ങളും. എലക്ഷൻ പരിപാടികളും അങ്ങനെ മിക്കതും. 

ഒരു പത്ത് പതിനഞ്ച് മിനുട്ടിൽ അവർ കോളേജിലെത്തി. കയറ്റം കേറിയതിനാൽ അവരൊന്ന് കിതച്ചു.  കോളേജിലെത്തിയതും വൈകിയിരുന്നു. രണ്ടു പേരും ക്ലാസിലേക്ക് നടന്നു.. 

പെട്ടന്ന് മഴ തുള്ളിയിടാൻ തുടങ്ങി.. ആദ്യം ചെറുതായൊന്നു ചാറി. പിന്നെ കുത്തി അലച്ച് വന്നു…

കുഞ്ഞൂട്ടൻ മഴനനയാതിരിക്കാൻ വേഗം നടന്നു.., പതുക്കെ പതുക്കെ വേഗത കൂടി വന്നു. അവൻ്റെ കൂടെ എത്താൻ സ്നേഹ തത്രപ്പാടുപ്പെട്ടു. കുഞ്ഞൂട്ടൻ നനഞ്ഞ് കൊണ്ട് വേഗത്തിൽ നടക്കുന്നതിനിടയ്ക്ക് തിരിഞ്ഞ് നോക്കിയപ്പൊ കണ്ടത്. തൻ്റെ പിന്നാലെ എത്താൻ നോക്കുന്ന സ്നേഹയേ ആണ്..

പിന്നിയിട്ട അവളുടെ മുടിയെല്ലാം നനഞ്ഞ് തുടങ്ങി. അവൻ്റെ കൂടെഎത്താനായി അവളൊന്നു കൈ നീട്ടി. കുഞ്ഞൂട്ടൻ നടത്തത്തിനിടയിൽ ഒന്ന് അമാന്തിച്ചു. മഴയുടെ മട്ടുമാറി കൊണ്ടിരുന്നു. ചെറു കാറ്റും ..,, ചെറുകാറ്റിൽ മഴത്തുള്ളികൾ അങ്ങോട്ടും ഇങ്ങോട്ടും ഉലഞ്ഞു. ഇനിയും കുറച്ചു ദൂരം കൂടി പോയെങ്കിലേ വരാന്തയിലെത്തു. 

അടുത്ത നിമിഷം അവളു നീട്ടിയ കൈയ്യിൽ കുഞ്ഞൂട്ടൻ പിടിച്ചു. വലിച്ചും കൊണ്ട് വരാന്ത ലക്ഷ്യമാക്കി ഓടി. അവിടെ എങ്ങും ആരും തന്നെ ഉണ്ടായിരുന്നില്ല.