പത്താം ? തീയാട്ട് [Sajith] 217

കുഞ്ഞൂട്ടൻ പതിയെ കൊണ്ടുവന്ന പൊതികൾ രണ്ടും പുറത്തെടുത്തു. സെമീലിനെ വിളിചു. അവനും കഴികാനിരുന്നു. പൊതി തുറന്ന് കപ്പയൊന്ന് ഉടച്ചു. അതിലേക്ക് ചോറ്റുപാത്രത്തിലെ മീൻ കറി കമത്തി കഴിച് കൊണ്ടിരുന്നു. 

കഴിപ്പ് കഴിഞ്ഞ് കുപ്പിയിലെ വെള്ളം കൊണ്ട് കൈയ്യും കഴുകി അത്യാവശ്യം കുടിക്കുകയും ചെയ്തു. 

കുറച്ചു സമയം കൂടി അതിന് മുകളിലിരുന്ന് കുന്നുകളും മലകളും കണ്ടാസ്വദിച്ചു. 

വൈന്നേരം ആയപ്പോഴേക്ക് രണ്ടാളും കൂടി താഴേക്ക് ഇറങ്ങിയിരുന്നു.

****************

ചുങ്കത്തറ

***********

മഴയായതോണ്ട് അപ്പു അതികം പുറത്തേക്കൊന്നുൽ ഇറങ്ങിയില്ല. ഇന്ദിരാമ്മയേയും സഹായിച്ച് വീട്ടിൽ തന്നെ കൂടി. 

ഇടക്ക് പറമ്പിലേക്കൊക്കെ ഒന്ന് ഇറങ്ങി. അച്ഛൻ്റെ അസ്ഥി തറയിൽ മഴവെള്ളം വീണ് ഞാവൽ കറയൊക്കെ ഇളകി പോയിരുന്നു. ഒരു ബക്കറ്റിൽ വെള്ളം കൊണ്ടുവന്ന് അതെല്ലാം ഒരച്ച് കളഞ്ഞു. എന്നിട്ട് ഇന്ദിരാമ്മയേയും കൂട്ടി അസ്ഥിതറയ്ക്ക് നാല് ഭാഗത്ത് ചെറിയ കാല് നാട്ടി ടാർപ്പോളിൻ ഷീറ്റ് വലിച്ച് കെട്ടി. 

ഇനി മഴവെള്ളം വീണ് വിളക്ക് അണഞ്ഞ് പോവില്ല. 

പറമ്പിലെ പയറും വെണ്ടയുംമെല്ലാം പറിച്ചു. ചായ്പ്പിന് മുകളിൽ പടർന്നു കിടക്കുന്ന വലിയ രണ്ട് മത്തൻ പറിച്ചു. ഒരെണ്ണം മാലിനി ചേച്ചിക്ക് കൊടുത്തു. 

കുളം ഒന്ന് വൃത്തിയാക്കി. അച്ഛനുണ്ടായിരുന്ന കാലത്ത് എപ്പഴും ഒച്ചയും ബഹളവുമായിരുന്നു. എന്നും കുളത്തിലൊരു കുളി പതിവുള്ളതാ. അമ്മയും അച്ഛനും അപ്പുവും. പിന്നെ കുഞ്ഞൂട്ടൻ വന്നപ്പഴാണ് കുളത്തിനൊക്കെ ഒരു ഓളം വന്നത്. 

പടവിലൊക്കെ ആകെ പായല് പറ്റിപിടിച്ച് കയറി. കൈക്കോട്ട് ഉപയോഗിച്ച് പായലെല്ലാം നീക്കി വെള്ളമൊഴിച്ച് കഴുകി. പടവുകളിൽ നിന്ന് കുളത്തിലേക്ക് കിടക്കുന്ന പൊന്തക്കാടൊക്കെ വെട്ടി തെളിച്ചു. 

പണിയെല്ലാം വൈകും നേരത്തോടെ തീർത്തു. ഇടയ്ക്ക് ഇന്ദിരാമ്മയും കൂടി കൊടുത്തു.