പത്താം ? തീയാട്ട് [Sajith] 217

വലിയൊരു ശബ്ദത്തോടെ ബോധമില്ലാ പാപ്പി വെള്ളത്തിൽ പോയി വീണു. അനി അവനെ വലിച്ച് നിലയുള്ള ഭാഗത്തേക്കാക്കി. അടുത്തത് മൂന്നാളും കൂടി കിളി പാറി ഇരിക്കുന്ന ശരത്തിനെയാണ് നോക്കിയത്. എന്തോ പന്തികേട് മണത്ത ശരത്ത് എഴുന്നേറ്റ് ഓടാൻ നോക്കി. ഒറ്റ ചാട്ടത്തിന് ലിജിൻ അവൻ്റെ പൊറത്ത് കയറി ഇരുന്നു. കുഞ്ഞൂട്ടനും ജോൺസനും കൂടി അവൻ്റെ കുപ്പായവും ഊരി. ഫുൾ ദാരിദ്ര്യം അവൻ്റെ നെറ്റ്പ്ലേ വെച്ച് മീനെ പിടിക്കാമായിരുന്നു. പാപ്പിയെ തൂക്കി എറിഞ്ഞപോലെ ശരത്തിനേയും വെള്ളത്തിലിട്ടു. 

അത് കഴിഞ്ഞ് കുഞ്ഞൂട്ടനും ജോൺസനും ലിജിനും ഡ്രസൂരിവെച്ചു. ചെറിയൊരു മഴക്കോള് കാണുന്നുണ്ടായിരുന്നു. ഊരിവെച്ചിരുന്ന കുപ്പായങ്ങളെല്ലാം രണ്ട് കവറിലാക്കി പാറയുടെ പൊത്തിനകത്ത് തിരികി കയറ്റി. ഇനി മഴപെയ്താലും കൊഴപ്പില്ല.

ലിജിനും ജോൺസനും കൂടി വെള്ളത്തിലേക്കിറങ്ങി. കുഞ്ഞൂട്ടൻ അടുത്തുള്ള പാറയിലേക്ക് വലിഞ്ഞ് കയറി. ഏകദേശം മൂന്നാൾ ഉയരത്തിലെത്തി താഴേക്ക് നോക്കുമ്പൊ നുരഞ്ഞ് പൊന്തുന്ന പാൽവെളവും കുഴിയുള്ള ഭാഗത്തെ നിശ്ചലമായി കിടക്കുന്ന വെള്ളവും. അവിടെ ആഴമുള്ളതോണ്ട് വെള്ളത്തിനൊക്കെ കടും പച്ചനിറം. 

കുഞ്ഞൂട്ടൻ ഒരു എസ്റ്റിമേറ്റ് കണക്കെടുത്തു. ഒറ്റകുതിപ്പിന് പാറപ്പുറത്ത് നിന്ന് വെള്ളത്തിലേക്കവൻ ചാടി. നെഞ്ചിൻ്റെ ഉള്ളിൽ ഒരു പിടുത്തം. വലിയൊരു കല്ലുവന്നു വീഴുന്നശബ്ദത്തോടെ വെള്ളത്തിലേക്കവൻ പതിച്ചു. വന്നു വീണ ഊക്കിൽ വെള്ളത്തിനടിയിലേക്ക് താഴ്ന്ന്പോയി. പാറയിടുക്കിന് ഏകദേശം രണ്ടാൾ താഴ്ച്ചയുണ്ട്. കാല് നിലം തൊടുന്നില്ല. കുഞ്ഞൂട്ടൻ ചാടിയപ്പോൾ വെള്ളത്തിലൊക്കെ ഒരു ഓളം വന്നു. അടുത്ത നിമിഷം മുകളിലേക്ക് കുതിച്ചു. വെള്ളത്തിനോട് പൊരുതി കൊണ്ടവൻ മുകളിലെത്തി. അത്ര നേരം പിടിച്ചു വച്ച ശ്വാസം ഒറ്റയടിക്കെടുത്തു. അതിന്റെ കൂടെ കുറച്ചു വെള്ളം കൂടി മൂക്കിലേക്ക് കയറിയപ്പോൾ അവനൊക്കെ ചുമച്ചു. 

പതുക്കെ നീന്തി നിലയുള്ളിടത്തെത്തി. മൂന്നു പെഗ്ഗിൻ്റെ ശക്തി പതുക്കെ പതുക്കെ ക്ഷയിച്ചു വരുന്നതായി തോന്നി. കൊറച്ചേരം കൂടി കിടന്നാൽ മണം അല്ലാണ്ട് അടിച്ചതിൻ്റെ വേറെ ഒരു അടയാളവും ഇല്ലാണ്ടാവും. 

പാലേമാട്

************

ഇലക്ഷൻ്റെ ബഹളവും മറ്റും കഴിഞ്ഞപ്പൊ തന്നെ സമയം ഉച്ചയായി. അപ്പൂന് നല്ല വിശപ്പുണ്ടായിരുന്നു. 

ബാലറ്റും സാധനങ്ങളും ലൈബ്രറിയിൽ സൂക്ഷിക്കാനാണ് തീരുമാനിച്ചിരുന്നത്. അവടെ മാത്രം മൂന്ന് ക്യാമറകൾ ഉണ്ട് അതോണ്ട്ണത്.