പത്താം ? തീയാട്ട് [Sajith] 217

മൂന്നു തട്ടുകളായി വെള്ളം ചാടികൊണ്ടിരിക്കുന്നത് താഴെ അവരെത്തി. താഴെയും മുകളിലുമായി ചെറിയ രണ്ടു വെള്ളച്ചാട്ടങ്ങളും. നടുക്ക് വലിയൊരെണ്ണവും. 

എല്ലാവരും വലിയതിലേക്ക് തന്നെ വെച്ചു പിടിച്ചു. 

പാൽപതഞ്ഞ് പൊന്തുന്ന പോലെയാണ് വയള്ളത്തിലേക്ക് വെള്ളം പതിക്കുമ്പോൾ. ധൂദ്സാഗറിന് പേരിടുന്നവര് ഇവിടെയുള്ള വെള്ള ചാട്ടങ്ങളൊന്നും കണ്ടുകാണാൻവഴിയില്ല. 

കൊണ്ടുവന്ന സാധനങ്ങളൊക്കെ പാറക്കെട്ടിലേക്ക് വെച്ചു. നാലു ഗ്ലാസും നെരത്തി വച്ച് ഓരോന്നിലും തുല്ല്യമായി ജോൺസൻ തന്നെ കമത്തി. അനിയും കണ്ണനും വേണ്ടെന്ന് പറഞ്ഞതോണ്ട് അവരെ ഒഴുവാക്കി. ബാക്കി അഞ്ചു പേരും ഓരോ പെഗ്ഗ് വീതം കമത്തി. അച്ചാറിൻ്റെ പടലയിൽ നിന്ന് ഓരോരുത്തരും ഓരോന്ന് പൊട്ടിച്ചെടുത്തു. കൂടെ മാഗിയും.

ഏകദേശം മൂന്ന് പെഗ്ഗ് ആയപ്പോഴേക്കും എല്ലാവനും ആടി തോടങ്ങി. പാപ്പി ഓരോന്ന് പറഞ്ഞ് ചിരിക്ക്ണു. ലിജിൽ മൂന്ന് പെഗ്ഗ് തീർത്ത് കഴിഞ്ഞ് പാറപ്പുറത്ത് കെടന്ന് പുക്ഷപ്പടിക്കുന്നു. ശരത്ത് ഫുൾ സൈലൻ്റ്. ജോൺസൻ ഓരോ സിഗരറ്റ് കത്തിച്ച് വലിതുടങ്ങി. ഒരോ എണ്ണം പാപ്പിക്കും ശരത്തിനും കൊടുത്തു. അത് കൂടി അകത്തെത്തിയതോടെ പാപ്പി ചിരി നിർത്താണ്ടായി. ഇതെല്ലാം കണ്ട് കൊണ്ട് കുഞ്ഞൂട്ടൻ ഒരു മൂലക്കെ ഇരിക്ക്ണ്ടായിരുന്നു. 

അനിയും കണ്ണനും ഡ്രെസെല്ലാം ഊരിവെച്ച് വെള്ളത്തിലേക്ക് ഇറങ്ങിയിരുന്നു.

പാപ്പീൻ്റെ ചിരി കൂടിവന്നപ്പൊ വലിച്ചോണ്ടിരുന്ന സൈഗരറ്റ് കുത്തികെടുത്തി ജോൺസൻ എഴുന്നേറ്റു.

“”ടാ ഇവൻ്റെ കുപ്പായൊക്കെ ഊരി ഇട്ക്ക്…””,

കുഞ്ഞൂട്ടനും ജോൺസനും ലിജിനും കൂടി പാപ്പീൻ്റെ അണ്ടർവയറൊഴിച്ച് ബാക്കി ഇള്ളതൊക്കെ ഊരിയെടുത്തു. മൂന്നാളും കൂടി അവനെ തൂക്കി എടുത്തു. കരയക്ക് പോയിനിന്നു. പാറയിൽ വെള്ളം വന്ന് ചാടുന്നിടത്തെല്ലാം അത്യാവശ്യം ആഴമുണ്ട്. മൂന്നാളും കൂടി ആട്ടി ആട്ടി പാപ്പിയെ വെള്ളത്തിലേക്ക് ഒറ്റ ഏറ് കൊടുത്തു. 

“”അനിയേ… ന്നാ പിടിച്ചോ….””,