നിയോഗം 2 Dark World Part V (മാലാഖയുടെ കാമുകൻ) 1510

അതിന്റെ മുൻപിൽ ഇരുന്ന വേറെ ഒരു കൃതിരിൻ പെണ്ണ് എന്നെ കണ്ടു എണീറ്റ് തല ഒന്ന് കുനിച്ചു കാണിച്ചു..

അതിനു ശേഷം അവൾ അവിടെ ഇരുന്നു ഒരു ലിവർ വലിച്ചു ഡോർ ക്ലോസ് ചെയ്തു.. ആ സ്പേസ്ഷിപ് ഒന്ന് കുലുങ്ങി.. അവൾ ആണ് ഇതിന്റെ നിയന്ത്രണം എന്ന് എനിക്ക് മനസിലായി.

“റെഡി ടു ലോഞ്ച്.. ഓൺ മൈ മാർക്ക്.. ത്രീ.. ടു.. വൺ….”

“ബൂം….” എന്നൊരു കാതടപ്പിക്കുന്ന ശബ്ദത്തോടെ ആ സ്പേസ്ഷിപ് ആകാശത്തേക്ക് ഉയർന്നു..

ബാലൻസ് തെറ്റി വീഴാൻ പോയ എന്നെ ട്രിനിറ്റി പിടിച്ചു ഒരിടത്തു ഇരുത്തി ബെൽറ്റ് ഇട്ടു മുറുക്കി..

അതിനു ശേഷം ഒരു മാസ്ക് എടുത്തു എന്റെ മുഖത്ത് വച്ചു..

അതിൽ ബ്രീത്തിങ് സൗകര്യം ഉണ്ടായിരുന്നു..

“പേടിക്കണ്ട…”

എനിക്ക് ബോധം മറയുന്നത് പോലെ തോന്നി..

കാലുകളിൽ ആരോ ചങ്ങല ഇട്ടു വലിക്കുന്നത് പോലെ ഒരു ഫീൽ.. ദേഹത്തെ ജലാംശം ഒക്കെ താഴേക്ക് പോകുന്നു.. കണ്ണുകൾ പറിഞ്ഞു പോകും പോലെ..

പെട്ടെന്ന് ശബ്ദം നിലച്ചു… താഴേക്ക് പോയ ജലാംശം ഒക്കെ മുകളിലേക്ക് കുതിച്ചു കയറി… കണ്ണൊക്കെ പുറത്തേക്ക് വന്നത് പോലെ… തല പെരുക്കുന്നു.. ബോധം മറയുന്നത് പോലെ…

“ഡോക്കിങ് ഇൻ.. ത്രീ.. ടു.. വൻ…”

അവളുടെ ശബ്ദം മുഴങ്ങി.
ഒരു കുലുക്കത്തോടെ വണ്ടി എവിടെയോ ഉറച്ചു.. ഉടനെ ഒരു ഭാഗം തുറന്നു..

ട്രിനിറ്റി എന്റെ ദേഹത്തെ ബെൽറ്റ് ഊരി മാറ്റി..
എന്നെ വലിച്ചു പൊക്കി കയ്യിൽ എടുത്തു.. ഒരു കുട്ടിയെ എടുക്കും പോലെ..

“അർച്ചു….?”

എനിക്ക് അർച്ചന ആണ് എന്നെ എടുത്തതെന്ന് തോന്നി.. പകുതി ബോധം പോയത് പോലെ…

അവൾ എന്തോ പറഞ്ഞു ചിരിച്ചു… അവൾ മുൻപോട്ട് നടന്നപ്പോൾ വേറെ രണ്ടു കൃതിരിൻ വന്നു എന്റെ മുഖം തൊട്ടു നോക്കി..
എന്നെ എടുത്തു കൊണ്ടുപോയി ഒരു ഭാഗത്തു ഒരു വലിയ ചെയറിൽ ഇരുത്തി..

അവിടെ ഇരുന്നപ്പോൾ എന്റെ ബോധം തിരിച്ചു വന്നു.. നന്നായി ശ്വസിക്കാൻ കഴിഞ്ഞു.. ട്രിനിറ്റി നിലത്തു ഇരുന്നു എന്റെ കാലിൽ നിന്നും ബൂട്ട് ഊരി പാമ്പിന്റെ തോല് പോലെ എന്തോ ഒന്ന് ധരിപ്പിച്ചു..

എന്നെ സീറ്റിൽ ലോക്ക് ചെയ്തു.. എന്നിട്ട് എന്നെ പുറകോട്ട് തിരിച്ചു..

വാ പൊളിഞ്ഞു പോയി.. നീല നിറത്തിൽ തിളങ്ങി നിൽക്കുന്ന ഭൂമി.. മദർഷിപ്പിന്റെ പുറകു വശം ആണെന്ന് തോന്നി.. വലിയ ഒരു ഗ്ലാസ് വിന്ഡോയിൽ കൂടി ആണ് ഭൂമിയെ കാണുന്നത്..

ഞാൻ ഭൂമിയിൽ നിന്നും മാറി എത്രയോ ദൂരത്ത് ആണെന്ന് എനിക്ക് ബോധം വന്നപ്പോൾ ഞാൻ പേടിച്ചു ട്രിനിറ്റിയെ നോക്കി..

“ഞാൻ ഉണ്ട് ഇവിടെ…, ഇതിനുള്ളിൽ നിനക്ക് ശൂന്യാകാശത്തു വന്ന ഫീൽ വരില്ല.. നിനക്ക് ആയി ഗ്രാവിറ്റി അഡ്‌ജസ്‌റ് ചെയ്തിട്ടുണ്ട്.. “

അവൾ എന്റെ തോളിൽ കൈ വച്ച് കവിളിൽ ചുംബിച്ചു..

“ഓൾ സെറ്റ്.. മൂവിങ് അഹെഡ്…”

ആ വലിയ മദർഷിപ് ഒന്ന് ചലിച്ചു…

“റോഷൻ.. നമ്മൾ നിമിഷ നേരം കൊണ്ട് മാഴ്സിൽ എത്തും.. അവിടെ നിന്നും വോംഹോളിൽ പ്രവേശിക്കുമ്പോൾ പേടിക്കരുത്. അവിടെ മുതൽ ഗ്രാവിറ്റി ഉണ്ടാകില്ല.. അതുകൊണ്ടാണ് നിന്നെ ഈ സീറ്റിൽ ബന്ധിച്ചത്.. ഞാൻ ഉണ്ട് കൂടെ… “