നിയോഗം 2 Dark World Part V (മാലാഖയുടെ കാമുകൻ) 1510

ഞാൻ കറക്കം നിർത്തി അവളുടെ കണ്ണിൽ നോക്കി…

“സമാധാനം ആയോ നിനക്ക്?? കരഞ്ഞു കൂവി.. അകെ സങ്കടപെടുത്തിയല്ലോ പെണ്ണെ നീ? ചങ്കു പൊടിഞ്ഞു നിന്റെ കരച്ചിൽ കണ്ടപ്പോൾ…”

മെല്ലെ പറഞ്ഞപ്പോൾ അവളുടെ കരിംകൂവള മിഴികൾ പിടച്ചു..

“എനിക്ക്.. ഞാൻ ഒരു പെണ്ണല്ലേ റോഷു.. നിങ്ങൾ പ്രേമത്തോടെ അങ്ങോട്ടും ഇങ്ങോട്ടും നോക്കുന്നത് കണ്ടപ്പോൾ എന്റെ സാക്ഷാൽ പെണ്ണ് പുറത്തു വന്നത് ആണ്..”

അവൾ നാണത്തോടെ കണ്ണ് താഴ്ത്തി..

“പ്രണയം നിന്നോട് ഉണ്ട്, കണക്ക് ഇല്ലാതെ… ഈ മീനൂട്ടിയോട്…”

ഞാൻ അവളെ നോക്കി പറഞ്ഞു..

“അപ്പൊ എന്നോടോ?”

അർച്ചന ഇതൊക്കെ നോക്കി കട്ടിളയിൽ ചാരി നിൽക്കുന്നു…
ഒരു നിമിഷം ഒന്ന് പതറി എങ്കിലും അവളുടെ മുഖം സന്തോഷത്തിൽ ആണെന്ന് കണ്ടതോടെ

“നിന്നോടും.. “

ഞാൻ മീനുവിനെ നിലത്തു നിർത്തി അർച്ചനയെ പൊക്കി എടുത്തു…

ഞാൻ അവരെ രണ്ടു പേരെയും ഒരുമിച്ചു നിർത്തി..

“തല്ലു കൂടുമോ നിങ്ങൾ?”

ഞാൻ അവരോടു ചുമ്മാ ഒന്ന് ചോദിച്ചു നോക്കി..

“കൂടിയാൽ ??”

രണ്ടുപേരും ഒരുമിച്ചു ചോദിച്ചു പുരികം പൊക്കി…

“കൂടിയാൽ രണ്ടും കൂടി സ്വന്തം അങ്ങ് തീർത്തേക്കണം.. എന്റെ തലയിൽ ഇടരുത്.. നിങ്ങൾ രണ്ടുപേരും ഇല്ലാതെ എനിക്ക് ജീവിക്കാൻ ആകില്ല.. ഒരുപോലെ സ്നേഹിച്ചോളാം ഞാൻ….”

ഞാൻ തമാശക്ക് ആണ് പറഞ്ഞത് എങ്കിലും അവസാന ഭാഗം പറഞ്ഞപ്പോൾ എന്റെ കണ്ണ് നനഞ്ഞു..

ഉടനെ രണ്ടുപേരും ഒരുമിച്ചു എന്നെ കെട്ടിപിടിച്ചു.. ഞാൻ അവരെയും…

“ഞങ്ങൾ തല്ലു കൂടില്ല.. “

രണ്ടും ഒരേ സ്വരത്തിൽ പറഞ്ഞു… അല്ലെങ്കിലും ഇവരുടെ ഒത്തൊരുമ എന്നെ അതിശയിപ്പിക്കാറുണ്ട്..

ഇതും എന്റെ നിയോഗം..

***

കുറച്ചു കഴിഞ്ഞു ഞാൻ മെറിനെ വിളിച്ചു..

“എന്താടാ കുട്ടാ? സന്തോഷം ആയില്ലേ നിനക്ക്?

“എസിപി…എന്താ അങ്ങനെ ചോദിച്ചേ?”

ഞാൻ ആകാംഷയോടെ ചോദിച്ചു..

“ഏയ് ശബ്ദം കേട്ടു സന്തോഷം ഉണ്ടെന്നു തോന്നി..”

അവൾ ചിരി അടക്കി പിടിച്ചു എന്നെനിക്ക് തോന്നി..

“ഓഹോ.. ജോലി കഴിഞ്ഞില്ലേ?”

“ഡാ ഇപ്പോൾ ലാൻഡ് ചെയ്തേ ഉള്ളു.. വന്നിട്ട് കുറച്ചു കാര്യം പറയാൻ ഉണ്ട്…പക്ഷെ വൈകും.”

“എനിക്കും…”

“ഓ? എന്നാൽ ശരി.. അങ്ങ് വന്നേക്കാം.. “

അവൾ ഫോൺ വച്ചു.. മെറിന്റെ സംസാരം.. അവൾ അറിഞ്ഞോ ഞാൻ മീനുവിനെ കെട്ടിയത്..

***
രാത്രി 8:30

മീനുവും അർച്ചനയും അടുക്കളയിൽ ആണ്.. പൊട്ടിച്ചിരികൾ കേൾക്കാം.. അർച്ചന എനിക്ക് ഒരു അത്ഭുതം ആണ്.. അതുപോലെ ഒരു പെണ്ണ് ഈ ലോകത്ത് വേറെ ഉണ്ടാകില്ല…

ഫോൺ റിങ് ചെയ്തു… ഉള്ളൊന്നു കാളി..

പ്രൈവറ്റ് നമ്പർ…