നിയോഗം 2 Dark World Part V (മാലാഖയുടെ കാമുകൻ) 1510

അത് കൊണ്ട് തന്നെ മുളർച്ച കൂടുതൽ ആയിരുന്നു.. വഴിയിലെ എല്ലാവരും അവളെ ശ്രദ്ധിച്ചു.

“ഇതെന്തു സാധനം??”

ആലുവയിലെ ബിൽഡേർസ് ആയ മൂന്ന് പേർ അവിടെ നിന്നിരുന്നു..

അതിൽ നീൽ ആണ് അവൾ സിഗ്നൽ ലൈറ്റ് വരാൻ കാത്തു കിടന്നപ്പോൾ അവളെ നോക്കി ചോദിച്ചത്..

“ഹാഫ് സാരി ഉടുത്ത പെണ്ണ് സ്പോർട്സ് ബൈക്കിലോ?”

അഖിൽ ആണ് ചോദിച്ചത്..

“കലി കാലം ആണ് മോനെ….”

അപ്പൂട്ടൻ മറുപടി പറഞ്ഞു..

“എനിക്ക് അവളെ ഇഷ്ടമായി.. പോയി ഐ ലവ് യു പറഞ്ഞാലോ?”

നീൽ ഉടനെ പറഞ്ഞു…

“അവൾക്ക് കെട്ടിയവൻ ഉണ്ടെങ്കിലോ?”

“ഉണ്ടെങ്കിൽ അവനെ ഒറ്റ അടിക്ക് വീഴ്ത്തി അവളുടെ കയ്യും പിടിച്ചു, ഒരു കണ്ണാടിയും വച്ചു, സ്ലോ മോഷനിൽ നടന്നു പോയി വണ്ടിയിൽ കയറും..
അതൊക്കെ കാണുമ്പോൾ അവൾ തന്നെ പറയും “നീലേട്ടാ ഐ ലാപ് യു” എന്ന്.. ആഹാ എന്താ അല്ലെ? “

അത് കേട്ട് ബാക്കി രണ്ടുപേരും പൊട്ടിച്ചിരിച്ചു..

“എന്നാലും.. ഇവളെങ്ങനെ സാരി ഉടുത്തു ബൈക്ക് ഓടിക്കുന്നു.. അതും ഇങ്ങനെ ഒരെണ്ണം..?”

നീൽ അവളെ നോക്കി അത് പറഞ്ഞപ്പോഴേക്കും സിഗ്നൽ വീണിരുന്നു..

ബൈക്ക് മുൻപോട്ട് പോയി വേറെ ഒരു വഴിയേ തിരിഞ്ഞു മുൻപോട്ട് പോയി…

****

അച്ഛൻ വീടിന്റെ ഉമ്മറത്ത് ഇരിക്കുകയായിരുന്നു..

അമ്മ ചായ കൊണ്ടുവന്നു കൊടുത്തപ്പോൾ ആണ് ഗേറ്റ് കടന്നു ഒരു കറുത്ത സ്പോർട്സ് ബൈക്ക് വരുന്നത് കണ്ടത്..

അതിൽ ഇരുന്ന സാരി ഉടുത്ത പെണ്ണിനെ കണ്ടപ്പോൾ രണ്ടുപേരും മുഖത്തോടു മുഖം നോക്കി..

ബൈക്ക് നിന്നു.. സ്റ്റാൻഡ് ഇട്ടു അതിൽ നിന്നും അവൾ ഇറങ്ങി ഹെൽമെറ്റ് എടുത്തു മാറ്റി..

“ഇത് അവൾ അല്ലെ? മീനാക്ഷി?”

അമ്മ അതിശയത്തോടെ ചോദിച്ചു..

“അതെ….”

അച്ഛൻ പറഞ്ഞപ്പോൾ അവൾ വരാന്തയുടെ അടുത്ത് എത്തിയിരുന്നു..

“എന്താ മോളെ?”

അച്ഛൻ അവളോട് ചോദിച്ചപ്പോൾ അവൾ പുഞ്ചിരിച്ചു… മീനുവിന്റെ ചിരി കണ്ടാൽ ആരും അവളോട്‌ അടുത്ത് പോകും എന്നത് ഒരു സത്യം ആണ്..

“മോളു വാ.. “

അച്ഛൻ വാത്സല്യത്തോടെ അവളെ വിളിച്ചപ്പോൾ അവൾ പടി കയറി വന്നു..

“അമ്മെ.. എന്നോട് ക്ഷമിക്കണം.. അന്ന് അങ്ങനെ പറഞ്ഞതിൽ…”

മീനു അമ്മയുടെ കൈ പിടിച്ചപ്പോൾ അമ്മ ചിരിച്ചു…

“മോളു വാ…”

അവളെ അവർ അകത്തു കൊണ്ടുപോയി..

****

Shoba Apartments

ഡോർ ബെൽ കേട്ടപ്പോൾ ആണ് ഞാൻ ഉറക്കം വിട്ടത്.. അർച്ചന എന്നെ ചുറ്റി വരിഞ്ഞു കിടക്കുന്നുണ്ട്.. അവളും കണ്ണ് തുറന്നു.. വൈകുന്നേരം ആയി.

“ആരോ വിളിക്കുന്നുണ്ട്.. മീനു ആകും..”