നിയോഗം 2 Dark World (മാലാഖയുടെ കാമുകൻ) 1525

ഞാൻ അത് പറഞ്ഞപ്പോൾ മീനു കുടഞ്ഞിട്ടു ചിരിച്ചു..

ചില ആളുകൾ അവളെ ശ്രദ്ധിച്ചു.. ഇതിനെ കണ്ടാൽ ആരും നോക്കുകയും ചെയ്യും.. അവരെ കുറ്റം പറയാനും പറ്റില്ല..

അർച്ചന ആണ് എല്ലാ കാര്യങ്ങളും ചെയ്തത്. ഞങ്ങളെ ആടുകളെ മേയിച്ചു കൊണ്ടുപോകുന്നത് പോലെ അവൾ കൊണ്ടുപോയി.

അവസാനം വിമാനത്തിൽ കയറി. ഖത്തർ എയർവേസ് ആയിരുന്നു.. മൂന്ന് പേരും ഒരുമിച്ചു ഒരു സീറ്റിൽ ആയിരുന്നു. ദോഹയിൽ നിന്നും മാറി കയറണം.

മീനു വിന്ഡോ സീറ്റ്‌ ആദ്യമേ കയ്യടക്കി.. ഞാൻ നടുക്കും.. അർച്ചന എന്റെ അടുത്തും ഇരുന്നു..

വിമാനം ടേക്ക് ഓഫ് ചെയ്തപ്പോൾ മീനു എന്നെ അള്ളിപ്പിടിച്ചു.. എനിക്കും എന്തോ തോന്നി.. എന്നാൽ അത് കഴിഞ്ഞു ഓക്കേ ആയിരുന്നു..

കുറെ കലപില പറഞ്ഞു ഇടക്ക് ഉറങ്ങി.. ദോഹ എത്തി മാറി കയറി അവസാനം നീണ്ട യാത്ര അവസാനിച്ചു..

ഏതെൻസിൽ എത്തിയപ്പോൾ ഇവിടെ വെളുപ്പിന് രണ്ടു മണി ആയിരുന്നു.
ഒരു വില്ല ആണ് ബുക്ക് ചെയ്തത്.. ആദ്യം ചൂട് വെള്ളത്തിൽ നന്നായി കുളിച്ചു.. വേഷം മാറി ബെഡിൽ കിടന്നു..

“ഏട്ടാ അവൾ അപ്പുറത്താണ് കിടക്കുന്നതു എന്ന്..”

അർച്ചന വന്നു എന്നോട് പറഞ്ഞു..ഞാൻ എണീറ്റ് അപ്പുറത്തെ റൂമിൽ ചെന്നു..

അവൾ ബ്ലാങ്കറ്റിന്റെ ഉള്ളിൽ ആണ്.. ഞാൻ ബ്ലാങ്കെറ് വലിച്ചു പൊക്കി എടുത്തു.. സാരി ഉടുത്താണ് അവൾ രാത്രി കിടക്കുന്നത്..

“എന്താടാ? തണുക്കുന്നു…..ബ്ലാങ്കെറ് താ…”

അവൾ ചിണുങ്ങിക്കൊണ്ട് ചുരുണ്ടു കിടന്നു..

“മിണ്ടാതെ കിടക്കടീ ഡാഷ് മോളെ…”

ഞാൻ അവളെ കോരി എടുത്തു..
അവൾ കിടന്നു പിടച്ചപ്പോൾ ഞാൻ വിട്ടില്ല..

“കൊല്ലും നിന്നെ..”

ഞാൻ അവളെ എടുത്തു അടുത്ത റൂമിൽ ചെന്നു ബെഡിലേക്ക് ഇട്ടു..

“നീ ഇവിടെ അങ്ങ് കിടന്നാൽ മതി..”

അവളെ നടുക്ക് കിടത്തി ഞാനും അർച്ചനയും അപ്പുറവും ഇപ്പുറവും കിടന്നു..

***

എറണാകുളം സിറ്റി..

തുരുതുരാ വണ്ടികൾ റോഡിൽ ഉണ്ടായിരുന്നു.. എന്നാലും വണ്ടികൾക്കിടയിൽ കൂടി കുതിച്ചു പായുകയായിരുന്നു ജോണിന്റെ ഇളം നീല കളർ 500 സിസി ബുള്ളറ്റ്..

ഒരു അഭ്യാസിയെ പോലെ അവൻ ബൈക്ക് വെട്ടിച്ചു വെട്ടിച്ചു ഓടിച്ചു കൊണ്ടിരുന്നു.

ജോൺ ആകെ ടെൻഷനിൽ ആയിരുന്നു..

കൂട്ടുകാരൻ ഡെന്നിസ് അവനെ അർജന്റ്‌ ആയി കാണണം എന്ന് പറഞ്ഞു ഒരു കോഫീ ഷോപ്പിൽ കാത്തിരിക്കുകയാണ്..

നേരിട്ടു പറയാൻ പറ്റാത്ത കാര്യം എന്നാണ് പറഞ്ഞത്..

അങ്ങനെ ആണെങ്കിൽ എന്തോ സീരിയസ് മാറ്റർ ആണ്.. ജോൺ ഒരു റിയൽ എസ്റ്റേറ്റ്കാരൻ ആണ്.. ഇവന്റെ പാർട്ണറിൽ ഒരാൾ ആണ് ഡെന്നിസ്..

വല്ല പണിയും ആകും എന്ന് ജോൺ ചിന്തിച്ചു. ചിലർ പണി തരാറുണ്ട്. സാധാരണ ഡെന്നിസ് നേരിട്ട് ഡീലിങ് ആണ്..

ജോൺ വണ്ടി പായിച്ചു അവസാനം ലക്ഷ്യത്തിൽ എത്തി വണ്ടി പാർക്ക് ചെയ്തു മാളിന്റെ മുകൾ നിലയിലേക്ക് ചെന്നു..

കാമുകി കാമുകൻമ്മാർ കുറുകിക്കൊണ്ടു അങ്ങോട്ടും ഇങ്ങോട്ടും നടക്കുന്നുണ്ട്.. പല വിധ ബ്രാൻഡഡ് ഷോറൂമുകൾ.. പലവിധം ഓഫറുകൾ.