നിയോഗം 2 Dark World (മാലാഖയുടെ കാമുകൻ) 1525

“പാവം പെണ്ണ്…”

മൊണാലിസ മനസ്സിൽ പറഞ്ഞു..

“സഞ്ജന… പ്ലീസ്.. മൂവ് ഓൺ.. ഇത് ചെയ്തവരെ കണ്ടെത്താൻ നിന്റെ സഹായം ആവശ്യം ആണ്…”

മൊണാലിസ അവളോട് പറഞ്ഞപ്പോൾ അവൾ തല പൊക്കി… കരഞ്ഞു കലങ്ങിയ കണ്ണുകൾ.

“ചോദിച്ചോളൂ മാഡം….”

അവൾ മെല്ലെ പറഞ്ഞു..

“എന്നെ ലിസ എന്ന് വിളിച്ചാൽ മതി… ആദ്യമേ.. ജോൺ എന്തിനാണ് അർജുന്റെ കൂട്ട് വിട്ടത്?”

ലിസയുടെ ചോദ്യം കേട്ടപ്പോൾ അവൾ ഒന്ന് പതറി… അത് ലിസ ശ്രദ്ധിച്ചു..

“പറഞ്ഞോ.. വേറെ ആരും അറിയില്ല…”

സഞ്ജന കുറച്ചു കാര്യങ്ങൾ അവളോട് പറഞ്ഞു.

സഞ്ജന പറഞ്ഞ കാര്യങ്ങൾ കേട്ടപ്പോൾ മൊണാലിസ ഞെട്ടി… അവൾ അകെ ടെൻഷനിൽ ആയി..

“ഓഹ് ഗോഡ്… എന്നാലും… ഹെൽ…”

അവൾ വിശ്വാസം വരാതെ സഞ്ജനയെ നോക്കി… അവൾ മെല്ലെ പുഞ്ചിരിച്ചു..

“ചില സമയങ്ങളിൽ സൗന്ദര്യം ഒരു ശാപം ആണ് ലിസ… ഇനി എനിക്ക്‌ എന്ത് സംഭവിക്കും എന്ന് എനിക്കറിയില്ല.. എനിക്കും സമയം ആയി എന്നൊരു തോന്നൽ….”

അവൾ മെല്ലെ പറഞ്ഞപ്പോൾ ലിസ അവളുടെ കൈ പിടിച്ചു..

“നതിങ് ഈസ് ഗോന്ന ഹാപ്പെൻ… വാക്ക് തരുന്നു.. പിന്നെ അന്ന്… അന്ന് കോട്ടയം പോയപ്പോൾ അസ്വഭാവികം ആയി എന്തെങ്കിലും സംഭവിച്ചിരുന്നോ?”

സഞ്ജന ആലോചിച്ചു..

“ഇല്ല.. പക്ഷെ… “

“പക്ഷെ??”

“ഒരു പെണ്ണ്.. എന്നെ വന്നു ഇടിച്ചിരുന്നു.. അവൾ സോറി പറഞ്ഞു കൊണ്ട് എന്നെ കെട്ടിപ്പിടിക്കുകയും ചെയ്തു….അതും മുറുക്കി കെട്ടിപിടിച്ചു.. ഞാൻ സുന്ദരി ആണെന്ന് പറഞ്ഞിട്ടാണ് പോയത്…”

സഞ്ജന അത് പറഞ്ഞപ്പോൾ ലിസ അല്പം മുൻപോട്ട് ഇരുന്നു…

“പെണ്ണ്? എങ്ങനെ ഉള്ള പെണ്ണ്?”

“ചുവന്ന മുടിയും, നീല കണ്ണും വെളുത്ത മുഖവും.. അവളെ ഞാൻ ഈ ജന്മത്തിൽ മറക്കില്ല.. അത്ര ഭംഗി. അവൾ പോകുന്നതും ഞാൻ നോക്കി നിന്നു…സത്യം പറഞ്ഞാൽ എനിക്ക്‌ അവളുടെ സൗന്ദര്യം കണ്ടു അസൂയ തോന്നി..”

സഞ്ജന ലിസയെ നോക്കി പറഞ്ഞു. ലിസ ആകാംഷയോടെ കണ്ണ് വിടർത്തി..

“സഞ്ജനക്ക് അസൂയ തോന്നിയോ? ഞാൻ കണ്ടതിൽ വച്ചു ഏറ്റവും സുന്ദരി ആണ് സഞ്ജന… അപ്പോൾ?”

“അതെ.. മാം.. ആരും അസൂയപെട്ടു പോകുന്ന സൗന്ദര്യം.. ഒരു മാലാഖ പോലെ.. എനിക്ക്‌ അവളൊരു വല്ലാത്തൊരു ആകർഷണം തോന്നിയിരുന്നു… “

സഞ്ജന പറഞ്ഞപ്പോൾ ലിസ അവളെ നോക്കി.. പറയുന്നത് സത്യം ആണെന്ന് അവളുടെ മുഖം കണ്ടാൽ അറിയാം. എന്നാലും അവൾക്ക് എന്തോ ഒരു സംശയം തോന്നി..

“അവൾ എങ്ങോട്ടാണ് പോയത്?”

“ഒരു കാറിൽ കയറി പോയി.. വെളുത്ത ഒരു ഗൗൺ പോലെ എന്തോ ഒന്നാണ് അവൾ ഇട്ടിരുന്നത്.. നല്ല പൊക്കവും ഉണ്ടായിരുന്നു…വല്ലാത്ത ശരീര ഘടനയും…”

“കാർ? ഏതു കാർ?”

ലിസ ആകാംഷയോടെ ചോദിച്ചു..

മ്മ്മ്.. കറുത്ത കളർ ആണ്.. ഒരു പൊക്കം കുറഞ്ഞ.. വല്ലാത്ത ഭംഗി ഉള്ള കാർ.. അത് സ്റ്റാർട്ട് ചെയ്തപ്പോൾ വലിയ ശബ്ദം ആയിരുന്നു.. അതിന്റെ പേര്… എനിക്ക്‌ അറിയില്ല….”