നിയോഗം 2 Dark World (മാലാഖയുടെ കാമുകൻ) 1525

ഇങ്ങനത്തെ ആളുകൾ ലോകത്തു എല്ലായിടത്തും ഉണ്ടെന്നു എനിക്ക്‌ തോന്നി..

“നീ ഇവിടെ ഇരിക്ക്…”

ഞാൻ മീനുവിനെ എന്റെ സീറ്റിൽ ഇരുത്തി. അയാൾ എന്തോ പറഞ്ഞു ചിരിച്ചു.. എനിക്ക്‌ ദേഷ്യം വന്നു എങ്കിലും ഒന്നും മിണ്ടിയില്ല.. കഴിക്കുന്നത് തുടർന്നു..

കുറച്ചു നേരം ഇഷ്യൂ ഒന്നും ഉണ്ടായില്ല.. കുറച്ചു കഴിഞ്ഞു ആ തടിയൻ എണീറ്റ് വന്നു ഞങ്ങളുടെ മേശയിൽ വന്നു കുനിഞ്ഞു നിന്നു..

“വാട്ട്സ് യുവർ റേറ്റ് സെക്സി?”

അവൻ അത് ചോദിച്ചു മീനുവിന്റെ തോളിൽ പിടിച്ചു..

“ഡാ ….!”

ഞാൻ അലറിക്കൊണ്ട് ചാടി എണീറ്റപ്പോൾ അവൻ എന്റെ നേരെ തിരിഞ്ഞു എന്നെ ആഞ്ഞു ഒരു തള്ളു തളളി..

അത് പ്രതീക്ഷിക്കാതെ നിന്ന ഞാൻ തെറിച്ചു പോയി ഒരു കസേര തകർത്താണ് വീണത്.. എല്ലാവരും ഞെട്ടി എഴുന്നേറ്റു..

അവന്മാർ അലറി ചിരിച്ചു.. അർച്ചന സങ്കടത്തോടെ എന്നെ നോക്കി..
ഞാൻ മീനുവിനെ നോക്കി.. അവൾ ഒന്ന് മെല്ലെ എന്നെ നോക്കി..

ഞാൻ നിലത്തു കിടന്നു പുല്ലു വിരിച്ച പ്രതലത്തിൽ രണ്ടു തല്ല് തല്ലി..

സിരകളിൽ കൂടി എന്തോ ഒന്ന് പടർന്നു… ശക്തി വല്ലാതെ കയറി.. ഞാൻ ചാടി എണീറ്റ് നിന്നു.. അവനെ കൊല്ലാനുള്ള ദേഷ്യം എനിക്ക്‌ വന്നു..

“ഇറ്സ് ഒകെ പോലീസ് വിൽ ബി ഹിയർ സൂൺ..”

ഫോൺ ചെയ്തു കൊണ്ട് അതിന്റെ ഓണർ പെണ്ണ് വന്നു എന്നോട് പറഞ്ഞു.. എന്നാലും ഞാൻ അവന്റെ അടുത്തേക്ക് ചെന്നു..

അവന്മാർ എന്നെ നോക്കി ചിരിക്കുകയാണ്..

തടിയൻ എന്നെ മൈൻഡ് ചെയ്യാതെ വീണ്ടും എണീറ്റു നിന്ന മീനുവിന്റെ തോളിൽ കൈ വച്ചു.

“കൈ മാറ്റാടാ പട്ടി…”

അവൾ അലറി കൊണ്ട് അയാളുടെ വയറിനു കാലു മുട്ട് വച്ചു ആഞ്ഞു ഒരു ഇടി ഇടിച്ചു.. അയാൾ അലറിക്കൊണ്ട് വയറ് പൊത്തിപിടിച്ചു പുറകോട്ടു മാറി..

അവൾ ജ്യൂസ് ബോട്ടിൽ എടുത്തു അയാളുടെ നേരെ വീശാൻ നോക്കിയപ്പോൾ ഞാൻ ചാടി ചെന്നു അവളെ പിടിച്ചു മാറ്റി ഇടക്ക് നിന്നു..

തടിയൻ നേരെ നിന്നു എന്റെ നേർക്ക് വന്നു..

അയാൾക്ക് അവളുടെ ചവിട്ട് വല്ലാതെ ദേഷ്യം പിടിപ്പിച്ചിരുന്നു… ഒരു മൃഗത്തെ പോലെ മുരളിക്കൊണ്ട് അയാൾ നോട്ടം എന്നെ മറികടന്നു മീനുവിനെതിരെ പായിച്ചു…

അർച്ചന മീനുവിനെ പിടിച്ചു പുറകോട്ട് വലിച്ചു..

“ഏട്ടാ വേണ്ട..”

അർച്ചന വിളിച്ചു പറഞ്ഞു.. അയാൾ എന്റെ മുൻപിൽ എത്തി.

“ഷി ജസ്റ്റ് കിക്ക്ഡ് യുവർ ബാൾസ്..ബിച്ച്!”

ഞാൻ മെല്ലെ പറഞ്ഞു ചിരിച്ചു. അവനെ കൊണ്ട് എന്നെ തല്ലിക്കണം.. അത് ഏറ്റു.

“യു ബിച്ച്….!”

അവൻ അലറിക്കൊണ്ട് എന്റെ മുഖം നോക്കി ആഞ്ഞു പഞ്ച് ചെയ്തു…

“ഏട്ടാ…..”

അത് കണ്ടു അർച്ചന അലറി…

എന്റെ മൂക്കിന് നേരെ വന്ന പഞ്ച് ഞാൻ ഇടം കൈ കൊണ്ട് പിടിച്ചു..

വളരെ ഈസി ആയി അവന്റെ പഞ്ച് ഞാൻ തടുത്തതും അവിടെ നിശബ്ദത പരന്നു.. അവന്റെ മുഖത്തും അമ്പരപ്പ്.

ഞാൻ അവന്റെ കൈ ഞെരിച്ചു കൊണ്ട് മെല്ലെ തിരിച്ചപ്പോൾ അവന്റെ മുഖം വേദന കൊണ്ട് നിറഞ്ഞു..