ഒന്നും ഉരിയാടാതെ 42 [നൗഫു] 5479

എന്റെ ഉപ്പയുടെ കമ്പനിയിൽ നല്ല ഒരു പൊസിഷനില്‍ തന്നെ അജ്മൽ എത്തി എന്നും,.. അവന്റെ കൂടേ ആയിരുന്നേൽ ഇന്ന് നീ ഈ നരകത്തിൽ കിടക്കാതെ ദുബായ് എന്ന സ്വർഗത്തിൽ ആടി പാടി നടക്കുകയായിരിക്കുമെന്നും പറഞ്ഞപ്പോൾ ഒന്ന് മുഖമടച്ചു കൊടുക്കുവാൻ തോന്നിയതാണ് പിന്നെ ചുറ്റിലും ബന്ധുക്കൾ നിൽക്കുന്നത് കണ്ടപ്പോൾ ആണ് ഒന്ന് അടങ്ങിയത്…

ഇനി സ്വർണം കൊണ്ട് വീടുണ്ടാക്കി തരാമെന്ന് പറഞ്ഞാലും അവിടെ എന്റെ ബാവു ഇല്ലേൽ അതിന് ഒരു മൊട്ടുസൂചിയുടെ വില പോലും താൻ നൽകില്ല എന്ന് അജ്മലിന്റെ സഹോദരിയുടെ ചെവിയിൽ മെല്ലെ പറഞ്ഞു കൊണ്ട് ഇറങ്ങി വന്നതായിരുന്നു ഞാൻ…

പക്ഷെ അത് പോലെ ഉള്ള വാക്കുകൾ പിന്നെയും ഞാൻ കേട്ടു.. എന്റെ 

ബാവുവിനെ തളർത്തി പറയുന്നത്…

ഇടക്കിടെ കുടുബത്തിൽ നിന്നും എന്തിന് സ്വന്തം ഉപ്പയിൽ നിന്നു പോലും ഞാൻ കണ്ടും കേട്ടും എന്റെ മനസിനെ മലിനപ്പെടുത്തിയ വാക്കുകൾ… ഏതൊരു സാധാരണക്കാരനും ഈ ഡിജിറ്റൽ യുഗത്തിൽ കേൾക്കേണ്ടി വരുന്ന കുറ്റപ്പെടുത്തലുകൾ.. 

ഒന്നിനും കൊള്ളാത്ത ഒരാൾക്കാണെല്ലോ എന്റെ മോളെ ഞാൻ കെട്ടിച്ചു കൊടുത്തത് എന്നുള്ള ആത്മഗതം… ബാക്കി ബന്ധുക്കളുടെ അടക്കം പറച്ചിലുകൾ…

ഒരിക്കൽ പോലും ഞാൻ അതൊന്നും എന്റെ ബാവുവിനെ അറിയിച്ചിരുന്നില്ല… എനിക്കറിയാം അവന്റെ മനസിൽ ഞാനും പിന്നെ  അവന്റെ ചുറ്റിലുമുള്ള… പത്തോ പതിനഞ്ചോ ആളുകളെ ഉള്ളു…