ഒന്നും ഉരിയാടാതെ 42 [നൗഫു] 5479

അന്ന് സുറുമിയുടെ കൂടേ മറ്റൊരാളുടെ ഫോട്ടോ കണ്ടപ്പോൾ ഒരിക്കലും അത് എന്റെ ബാവു അല്ലാ എന്നുള്ളത് മനസിൽ ഇടക്കിടെ എന്നെ ഓർമിപ്പിച്ചുവെങ്കിലും…

അങ്ങനെ തന്നെ ആണെന്ന് തീർക്കുവാൻ ഞാൻ എന്റെ മനസിനെ എത്ര കല്ലാക്കി കളഞ്ഞു..

എന്നെ വിട്ടു അവൻ ദൂരേക് പോയെന്നറിഞ്ഞിട്ടും ഒരിക്കലും അവനെ ഒന്ന് വിളിച്ചു നോക്കുവാനോ അവന്റെ ഫോൺ ഒന്ന് അറ്റൻഡ് ചെയ്യുവാനോ സാധിച്ചില്ല… എന്നോടുള്ള വാശിക്കു വേണ്ടിയെങ്കിലും അവൻ നല്ലൊരു ജീവിതം കെട്ടിപ്പടുക്കട്ടെ എന്ന് കരുതി…

ബാവു പോയതിന്റെ പിറ്റേന്ന് തന്നെ അവന്റെ വീട്ടിലേക് ഞാന്‍ ചെന്നിരുന്നു.. അന്ന് ആ വീട് കല്യാണ പെണ്ണ് പുതുക്കം ഇറങ്ങി പോയ പോലെ നിശബ്‌ദമായിരുന്നു…

ഉമ്മയോട് എല്ലാം തുറന്നു പറഞ്ഞു കൊണ്ട് വീടിനുള്ളിലേക് ഞാൻ കയറി… അവിടെ എവിടെയൊക്കെയോ ബാവു നിൽക്കുന്നത് പോലെ..

ഇടക്ക് ഞാൻ അടുക്കളയിൽ പോകുമ്പോൾ അവിടെ കാണാം ഉമ്മയോട് സംസാരിച്ചു തിണ്ണയിൽ ഇരിക്കുന്നത്.. ഇടക്ക് ഞാൻ റൂമിലേക്കു കയറുമ്പോൾ ബെഡിൽ എന്നെ നോക്കി ചിരിച്ചു കിടക്കുന്നത് കാണാം.. ഓടി കോലായിലേക്ക് ഇറങ്ങിയാലോ അവിടെയും ഉണ്ടാവും എന്റെ ബാവൂ.. കുറച്ചു ദിവസങ്ങൾ എടുത്തു ഞാൻ അതൊന്ന് പൊരുത്തപ്പെട്ടു വരുവാൻ…