ഒന്നും ഉരിയാടാതെ 42 [നൗഫു] 5479

മാർക്കറ്റിൽ പുതിയ ഒരു പ്രോഡക്റ്റ് ആയത് കൊണ്ടും.. വിലക്കുറവിൽ വിൽക്കാൻ സാധിക്കുന്നത് കൊണ്ടും പെട്ടന്ന് തന്നെ ഞങ്ങളുടെ പ്രോഡക്റ്റിന് നാളുകൾ മുന്നോട്ട് പോകും തോറും ആവശ്യക്കാർ കൂടി കൂടി വന്നു… വളരെ പെട്ടന്ന് തന്നെ അത് ലാഭത്തിലുമായി…

നാജിയെ എന്നും ഓർക്കാറുണ്ടേലും മനസിൽ അതൊരു വിങ്ങൽ വരുത്തിയിരുന്നില്ല.. അവളെ കൊണ്ട് പോകുവാൻ വരുന്നു എന്ന് അറിയുന്നത് വരെ…

❤❤❤

നാജി മെന്റൽ ഹോസ്പിറ്റലിലെ  റൂമിൽ നിന്നും ഒരു ചെറിയ ഹാന്‍ഡ്ബാഗുമായി പുറത്തേക്കിറങ്ങി..

കുറച്ചു ദിവസം മുന്നേ മാത്രം കാണുവാൻ തുടങ്ങിയ പകൽ വെളിച്ചം വിതറിയ ഇടനാഴിയിലൂടെ നാജിയെ സ്വീകരിക്കുവാൻ വന്നവരുടെ മുന്നിലേക്ക് മിടിക്കുന്ന ഹൃദയത്തോടെ  അവൾ നടന്നു…

❤❤❤

ഹൃദയം കൊടുത്തു സ്നേഹിച്ചവൻ ഇനി കൂടെയില്ല  എന്നുള്ള സത്യം എന്റെ മനസിനെ പറഞ്ഞു പഠിപ്പിക്കാൻ ഡോക്ടർമാർ ഒരുപാട് ദിവസമെടുത്തെന്നു തോന്നുന്നു…

മറക്കുവാൻ ശ്രമിക്കുന്ന  പല കാര്യങ്ങളും ഓർമയിലേക് തന്നെ മടങ്ങി വരുന്നത് പോലെ..

എന്റെ ബാവു.. എന്റെ കുഞ്ഞു മകൾ.. രണ്ടു പേരെയും എത്ര പെട്ടനാണ് എന്നിൽ നിന്നും റബ് തിരികെ വിളിച്ചത്.. എനിക്ക് അവരെ അർഹത ഇല്ലായിരുന്നു..

പല രാത്രികളിലും ഉറക്കം നഷ്ട്ടപെടുത്തിയ ആ ചോദ്യം വീണ്ടും മുന്നിലേക്ക് വരുന്നത് പോലെ.. ബാവു എനിക്ക് അർഹതപ്പെട്ടവൻ ആയിരുന്നില്ലേ..