ഒന്നും ഉരിയാടാതെ 42 [നൗഫു] 5491

നാട്ടിൽ നിന്നും ഒരിക്കലും മാറി നിൽക്കില്ല എന്ന് ശപഥം എടുത്തവൻ ഒരു സുപ്രഭാതത്തിൽ പെട്ടന്ന് കേറി വരികയാണെന്ന് പറയുമ്പോൾ ആർക്കും തോന്നുന്ന  സംശയം ആയിരുന്നു അവനും.. പിന്നെ ഇന്നും ഇന്നലെയുമായി നടന്ന ഒരു കാര്യവും അവനു അറിയില്ലല്ലോ.. അതും ഒരു കാരണമാവാം…

““ഒന്നുമില്ലടാ.. പെട്ടന്ന് എന്തോ തോന്നി ഇങ്ങോട്ട് കയറി അത്ര തന്നെ..””  

ഞാൻ ഒന്നും വിട്ടു പറയാതെ തന്നെ അവനു മറുപടി കൊടുത്തു..

““എന്നാലും…”” 

അവന്റെ സംശയം മാറിയിട്ടില്ല..

““എന്റെ പൊന്നു ചെങ്ങായി.. വൈകുന്നേരം കയറിയതാണ് ഇപ്പോൾ സമയം പുലർച്ചെ ആയി.. നീ എന്തേലും കഴിക്കാൻ വാങ്ങിക്കുന്നുണ്ടോ…””

““ഹോ.. ഞാനത് മറന്നു വാ…””

ബാംഗ്ലൂർ നഗരം ഉറങ്ങാത്തത് കൊണ്ട്… ഉണർന്നു തുടങ്ങുന്നേ ഉള്ളു എന്ന് പറയാൻ വയ്യാ…..  ഇവിടെ എന്നും രാവുകൾ പോലും പകലുകൾ ആണെല്ലോ… ബസ് സ്റ്റാൻഡിനടുത്തു കുറെ ഹോട്ടലുകൾ ഉണ്ട്‌.. നേരെ കേറി അവിടെ നിന്നും ചൂട് ഇഡ്ഡലിയും വടയും കഴിച്ചു റൂമിലേക്കു പുറപ്പെട്ടു…

സിറ്റിയിൽ നിന്നും കുറച്ചു മാറി.. ബാംഗ്ലൂർ മൈസൂർ ഹൈവേയുടെ അരികിൽ നിന്നും കുറച്ചു ഉള്ളിലേക്കു പോകുവാൻ ഉണ്ട്‌ സ്വപ്നങ്ങൾ നെയ്തു തുടങ്ങിയ ഞങ്ങളുടെ ഫാമിലേക്കു …