ഒന്നും ഉരിയാടാതെ 42 [നൗഫു] 5479

അല്ലേലും പെണ്ണ് കാണുന്ന സ്വപ്നങ്ങൾ എന്നും ഒരു പാഴ്കിനാവാകണമല്ലോ..

അവളുടെ ആഗ്രഹങ്ങൾ നേരിട്ട് പറഞ്ഞാൽ ആരും നടത്തി കൊടുക്കില്ല.. അല്ലേൽ അത് അറിഞ്ഞാലും അവളുടെ ആര്‍ഭാട ഭ്രമമാണെന്നോ മറ്റൊ ആയിരിക്കും ബാക്കി ഉള്ളവർ പറയുക..

എന്തിന്റെ കുറവാണ് അവൾക്കവിടെ ഉള്ളതെന്നുള്ള ചോദ്യവും വരാം.

പക്ഷെ എന്റെ സന്തോഷത്തിനപ്പുറത് എന്റെ ബാവു രണ്ടു കുടുംബത്തിലും വെറും ഓട്ടക്കാലണ ആകാതെ എല്ലാവർക്കും പ്രിയപ്പെട്ടവൻ ആയിരിക്കണം…. അതെന്റെ ഒരു വാശി തന്നെ ആയിരുന്നു….

അന്ന് ഒരു കല്യാണത്തിന് പോയപ്പോൾ അജ്മലിന്റെ സഹോദരീ എന്റെ അരികിലേക് വന്നിരുന്ന സമയം.. അന്ന് അവൾ എന്തിനാ എന്റെ അരികിൽ വന്നേ എന്ന് ബാവു ചോദിച്ചപ്പോൾ ഞാൻ ഒരു കള്ളം പറഞ്ഞിരുന്നു.. അജ്മൽ ദുബായിൽ ഒരു വിവാഹം കഴിച്ചെന്നും അവൻ ഇനി ഇങ്ങോട്ട് വരുന്നില്ല എന്നും.. അന്നേ ബാവുവിന് സംശയം ഉണ്ടായിരുന്നു ഞാൻ കള്ളമാണ് പറയുന്നതെന്ന്.. പക്ഷെ അവനെ വെറുതെ വിഷമിപ്പിക്കേണ്ട എന്ന് കരുതി പിന്നെയൊന്നും ചോദിച്ചിരുന്നില്ല….

എനിക് പറ്റിയ ഏറ്റവും വലിയ പൊട്ടത്തരം ആണ് ബാവു എന്നായിരുന്നു അവൾ അന്ന് പറഞ്ഞത്.. നല്ല പഠിപ്പും വിവരവും ഉള്ള നീ അവന്റെ കെണിയിൽ വീഴുമെന്ന് കരുതിയില്ല പോലും.. അജ്മൽ എന്തൊക്കെയാണാവോ അവളോട്‌ പറഞ്ഞു കൊടുത്തത്..