ഒന്നും ഉരിയാടാതെ 42 [നൗഫു] 5491

അന്ന് ഞാൻ അനുഭവിച്ച ഒരു സുഖം.. എന്റെ മനസിൽ അന്ന് പെരുന്നാൾ തന്നെ ആയിരുന്നു.. അവളുടെ അരികിൽ ഇല്ലെങ്കിലും ഉമ്മാക് വിളിക്കുമ്പോൾ അവളെ പറ്റി അറിയാമെന്നുള്ള സന്തോഷം അത് തന്നെ ആയിരുന്നു കാരണം…

ഇടക്കിടെ വിളിച്ചിരുന്നെങ്കിലും ഒരിക്കൽ പോലും അവൾ ഉമ്മയുടെ ഫോൺ എടുത്തിരുന്നില്ല.. പതിയെ പതിയെ എന്റെ വിളിയും കുറഞ്ഞു വന്നു.. പുതിയ ബിസിനസ് തിരക്കിലേക് ഞാൻ എന്നെ തന്നെ മാറ്റി എടുത്തു എന്ന് പറയുന്നതാകും സത്യം…

പഴയ ബിസിനസ് തന്നെ ആയിരുന്നു….. കോഴി.. അത് കുറച്ചു കൂടേ മാർക്കറ്റ് ചെയ്തു കൊണ്ട് ആധുനികമാക്കി…കോഴി ഇറച്ചി പല പാക്കറ്റുകളാക്കി കടകൾ വഴിയും വലിയ വലിയ സൂപ്പർ മാർക്കറ്റ് വഴിയും വിൽക്കുക..  അതിൽ പല വലിപ്പത്തിലും, ഓരോ ആവശ്യങ്ങൾക്കും കട്ട് ചെയ്തും ഉണ്ടായിരുന്നു.. പോകെ പോകെ ഞങ്ങൾ മസാല പുരട്ടിയത് പോലും മാർക്കറ്റ് ചെയ്തു തുടങ്ങി…

ഡ്രീംസ് അതായിരുന്നു ഞങ്ങളുടെ കമ്പനിയുടെ പേര്.. ഞങ്ങള്‍ അഞ്ചു പേരുടെ സ്വപ്നങ്ങൾ ആണെല്ലോ ഈ കമ്പനി..

ഇന്ത്യ മുഴുവൻ മാർക്കറ്റ് പിടിക്കുക അതാണ് ഞങ്ങളുടെ ലക്ഷ്യം.. അതിനായിട്ടാണ് ബാംഗ്ലൂർ ആസ്ഥാനമാക്കിയത്.. സ്വന്തമായി ഫാം ഉള്ളത് കൊണ്ട് തന്നെ ഒരു നിശ്ചിത വിലയിൽ സ്ഥിരമായി ഓർഡർ എടുക്കുവാൻ കഴിയും..