ഒന്നും ഉരിയാടാതെ 42 [നൗഫു] 5931

“”നിന്റെ ശരീരത്തിൽ പൊടിഞ്ഞു വീണ ഓരോ വിയർപ്പ് തുള്ളികളിലും അവളുടെ കണ്ണുനീരിന്റെ ഉപ്പ് കൂടേ ഉണ്ടായിരിക്കും…”” 

ആഷിക്കിന്റെ വാക്കുകൾ എന്റെ മനസിൽ ഒരു ചലനവും വരുത്തുന്നില്ല.. എനിക്ക് നാജിയോട് മനസിൽ തോന്നുന്നത് വെറുപ്പാണോ…

❤❤❤

“”നാജി .. നിങ്ങളെ കാണാൻ ഒരാൾ വന്നിട്ടുണ്ട്…””

ഏറ്റവും കൂടുതൽ ഇഷ്ട്ടപെട്ടവർ ഒരു നാൾ ഇല്ല എന്ന് കേൾക്കുമ്പോൾ ഉള്ള മരവിപ്പ്… അല്ല മനസിന്റെ താളം തന്നെ തെറ്റി പോകുന്ന വിഭ്രാന്തി അത് തന്നെ ആയിരുന്നു എനിക്ക് ഈ ആറു മാസങ്ങൾ…

എന്റെ ജീവിതത്തിൽ സംഭവിച്ചു കൊണ്ടിരുന്ന എല്ലാ സംഭവങ്ങളും ഞാന്‍ കാരണം ഉണ്ടായത് തന്നെ ആണെന്ന് ഞാൻ ഉറച്ചു വിശ്വസിച്ചു…

എല്ലാം കഴിഞ്ഞിട്ട് ഇപ്പോൾ ആറു മാസം കഴിഞ്ഞിരിക്കുന്നു…

അന്ന്… എന്റെ മക്കളെ ഞാൻ ഗർഭത്തിൽ ചുമന്നു നടക്കുവാൻ തുടങ്ങിയിട്ട് ഏട്ടാമത്തെ മാസം..

ശാരീരികമായ എല്ലാ അവശതകളും ഉണ്ടായിരുന്നുവെങ്കിലും ബാവുവിന്റെ അടുത്ത് നിന്നും ഒരിക്കലും മാറി നിന്നിരുന്നില്ല… രണ്ടു മാസങ്ങൾ അങ്ങനെ കടന്നു പോയി..

 ആ സമയമാണ് ലോകത്തു ഞാൻ ഇത് വരെ കേൾക്കാത്ത ഒരു വൈറസ് പൊട്ടിപ്പുറപെട്ടത്… കൊറോണ എന്ന ചെല്ലപേരുള്ള കോവിഡ് 19