ഒന്നും ഉരിയാടാതെ 42 [നൗഫു] 5992

“”ബാവൂ… നീയീ ഹോസ്പിറ്റലിൽ അഡ്മിറ്റായ ദിവസം മുതൽ ഇവിടെ പല കളികളും നടക്കുന്നുണ്ട്..  അതൊരിക്കലും നിന്റെ ജീവിതം തിരികെ കൊണ്ട് വരുവാൻ ആയിരുന്നില്ല… നിന്നെ മരണത്തിന് വിട്ടു കൊടുക്കാൻ ആയിരുന്നു …””

❤❤❤

“””ബാവൂ.. അപകടത്തില്‍പ്പെട്ടു  നിന്റെ ബോധം പോയി… ശരീരത്തിലെ ഒരു അണു പോലും ചലിപ്പിക്കുവാൻ കഴിയാതെ നീ കിടന്ന സമയം…

അന്ന് നിന്റെ പെണ്ണിനെ ഏഴാം മാസത്തിലെ കൂട്ടികൊണ്ടു പോകലിന്റെ ദിവസം ആയിരുന്നുല്ലോ… നിന്നെ ഹോസ്പിറ്റലിൽ അഡ്മിറ്റ്‌ ആക്കി രണ്ടു ദിവസം കഴിഞ്ഞിട്ടായിരുന്നു നാജിയോട് നിന്റെ കാര്യം പറഞ്ഞത് തന്നെ.. അതും നിനക്ക് ഒരു അപകടം സംഭവിച്ചു എന്ന് മാത്രം.. അതിന്റെ സീരിയസ്നസ് ആ സമയം അവളെ അറിയിച്ചില്ല എന്നതായിരുന്നു ശരി.. വയറ്റിൽ രണ്ടു കുഞ്ഞുങ്ങളുമായി നിൽക്കുന്ന അവളോട് ഞങ്ങൾ എന്ത് പറയും…

നിസംഗമായി കേട്ടു നിൽക്കുമെന്ന് കരുതിയ ഞങ്ങളെ ഞെട്ടിച്ചു കൊണ്ട് നാജി ഹോസ്പിറ്റലിലേക് ഓടി… വയറ്റിൽ വളരുന്ന കുഞ്ഞുങ്ങളെ പോലും ഓർക്കാതെ..  ഹോസ്പിറ്റലിൽ എത്തിയപ്പോൾ അവൾ ആദ്യം ഓടി അടുത്തത് എന്റെ അരികിലേക്കായിരുന്നു..