ഒന്നും ഉരിയാടാതെ 42 [നൗഫു] 5931

““ഹ ഹ ഹ.. അത് നന്നായി എന്റെ ഒരു പെങ്ങൾ ഉണ്ട്‌, ഓളൊക്കെ.. വീടിന്റെ ആധാരം പണയത്തിലാണെന്ന് അറിഞ്ഞാൽ അന്ന് വീട്ടിൽ എത്തി ഖിയാമത് നാള് നടത്തും..”” 

മനാഫ് കുറച്ചു ടെൻഷനോട് കൂടേ പറഞ്ഞു..

““നീ എന്തറിഞ്ഞിട്ടാണെടാ ഈ പറയുന്നത്..”” 

ഈര്‍ഷ്യയോടെ ഞാൻ അവനെ നോക്കി ..

““എന്തെ.  നിനക്കറിയുന്നത് തന്നെ അല്ലെ ഓളുടെയും അളിയന്റെയും സ്വഭാവം..””

““പോടാ…. തെണ്ടി.. നിന്റെ പെങ്ങള് തന്നെയാണ് നിന്റെ പൈസ ഞങ്ങൾക് കൊണ്ട് വന്നു തന്നത്.. അല്ല പിന്നെ.. കൂടപ്പിറപ്പുകളുടെ സ്നേഹം പണത്തിനു തൂക്കരുത് മോനെ..””  

ഞാൻ മനാഫിന്റെ തോളിലേക് കൈകൾ വെച്ചു കൊണ്ട് പറഞ്ഞു…

അവന്റെ കണ്ണിൽ നിന്നും ഒരു  കുഞ്ഞു ജലകണം പുറത്തേക് തുളുമ്പി…

ഞങ്ങൾ അവസാനം എത്തിപ്പെട്ടത് ഒരു വലിയ ഫാമിലാണ്..

ഉമ്മാക് ഞാൻ ഇവിടെ എത്തിയ സമയം തന്നെ വിളിച്ചിരുന്നു.. അപ്പോഴും നാജിയെക്കുറിച്ച് ഒന്നും പറഞ്ഞില്ലേലും അന്ന് വൈകുന്നേരം ഇങ്ങോട്ട് വിളിച്ചു പറഞ്ഞു എന്റെ പെണ്ണ് വീട്ടിൽ എത്തിയിട്ടുണ്ടെന്ന്…