ഒന്നും ഉരിയാടാതെ 42 [നൗഫു] 5992

 

““എടാ.. ഇത് നമ്മുടെ ബിസിനസ് അല്ലെ.  അതും വെറും  10 ലക്ഷത്തിന്..”” 

 

ഞാനവനെ ഒന്നു സമാധാനിപ്പിക്കാന്‍ ശ്രമിച്ചു… 

 

“”കഴിഞ്ഞ തവണ പതിനാറു ലക്ഷം അടച്ചിട്ടാണ് കിട്ടിയത്… ഇനി ഇതുമായി..”” 

 

കുറച്ചു നിരാശയോടെ തന്നെ ആയിരുന്നു മനാഫിന്റെ സംസാരം.

 

“”അല്ല അതിൽ ശരിക്കും മുതൽ മുടക്കേണ്ടവർ ആരാ..””

 

““നമ്മൾ തന്നെ..””  

 

മനാഫ് പെട്ടന്ന് തന്നെ പറഞ്ഞു…

 

““ഹോ അതെങ്കിലും അറിയാമല്ലോ… എന്നാൽ കേട്ടോ.. ഇപ്പോൾ തന്നെ പകുതിക്കു മുകളിൽ  ഇക്കാക്കമാർ മുതൽ മുടക്കി തരുന്നുണ്ട്.. ബാക്കി എങ്കിലും നമ്മൾ ഒപ്പിക്കേണ്ടേ..”” 

 

““വേണം.. ഞാൻ പെട്ടന്ന് എന്തോ ഓർത്തു പറഞ്ഞു പോയതാണ്..”” 

 

മനാഫ് എന്റെ കൈ പിടിച്ചു കൊണ്ട് പറഞ്ഞു..

 

““ഈ കിട്ടിയത് തന്നെ അവരുടെ നല്ല മനസു കൊണ്ട്.. അല്ല.. എന്റെ ഇത്താത്തമാരുടെ ഭീഷണി…”” 

 

ഞാൻ പുഞ്ചിരിച്ചു കൊണ്ട് പറഞ്ഞു..

 

““അത് എന്നതാ.. ഇത്താത്തമാർ ഭീഷണിപ്പെടുത്തിയോ ഇക്കാക്കമ്മാരെ..””

 

““അതേടാ..  ഞാൻ ചോദിക്കുന്നത് കൊടുത്തില്ലേൽ ഇപ്പോൾ നിൽക്കുന്ന അവരുടെ എല്ലാം വീട് എന്റെ പേരിൽ എഴുതി തന്നു  വിൽക്കാൻ വെക്കുമെന്നു പറഞ്ഞു..””