ഒന്നും ഉരിയാടാതെ 42 [നൗഫു] 5992

 

“”വീട്ടിൽ ആധാരം വെച്ചിട്ടെന്തിന്  പണവും തേടി നടപ്പു എന്ന് ലാലേട്ടൻ പാടുന്നത് നീ കേട്ടിട്ടില്ലേ..””

 

“”അത് സ്വർണ്ണമല്ലേ.. വീടിന്റെ ആധാരമല്ലലോ..”” 

 

മുഖം ഒന്ന് വലിഞ്ഞ് മുറുകിയത് പോലെ ആയിരുന്നു മനാഫിന്റെ ശബ്ദം…

 

ഞാൻ വീണ്ടും തുടർന്നു പറഞ്ഞു…

 

““അതേടാ.. വീടിന്റെ ആധാരം തന്നെ.. എല്ലാ ആധാരവും ലോൺ കിട്ടാൻ വേണ്ടി വെച്ചു.. എല്ലാം തുല്യമായി തന്നെ.. ഫുള്ള് പൈസ അവരുടെ കയ്യിൽ നിന്നും മുണുങ്ങുന്നത് മോശമല്ലേ.. പിന്നെ അഞ്ചു പേരുടെയും പണം  ഉള്ളത് കൊണ്ട് ആരും ഉഴപ്പില്ല.. അതും കൂടി ഉണ്ട്‌ ഇതിന്റെ പിന്നിൽ.. അല്ലേൽ നിങ്ങൾ ആരേലും അള്ളു വെച്ചാൽ ഞാൻ മാത്രം തൂങ്ങേണ്ടി വരും…”” 

 

ഞാൻ കുറച്ചു തമാശയോടെ കാര്യം പറഞ്ഞു കൊടുത്തു……

 

““പോടാ.. നമ്മളിൽ ആര് അള്ളു വെക്കാൻ ആണെടാ..”” 

 

പെട്ടന്ന് അവന്റെ മുഖം മാറി..

 

““ഹേയ് അതെല്ലടാ.. നമ്മൾ ഒന്ന്  സീരിയസാവേണേൽ നമ്മുടെ എന്തേലും വേണം അതാ ഞാൻ…””

 

““എടാ ദ്രോഹി..  എന്നാലും…”” 

 

മനാഫ് വിടാൻ ലക്ഷ്യമില്ലാതെ എന്നോട് ഒന്ന് ചീറി…

 

““അല്ലേൽ തന്നെ പെങ്ങളെ കെട്ടിക്കാൻ വേണ്ടി ഉപ്പ ബാങ്കിൽ വെച്ചത് രണ്ടു മാസം മുന്നേ ആണ് ഞാൻ  വീണ്ടെടുത്തത്.. അത് നീ വീണ്ടും..”” 

 

മനാഫിന്റെ മുഖത്തു എന്തെന്നില്ലാത്ത ഒരു സങ്കടം…